ຂໍ່ານັບຕ້ອນຮັບທ່ານລັດຖະມົນຕີການຕ່າງປະເທດ ບຸ່ຍແທັງເຊີນ ມາຢ້ຽມຢາມ ອິນໂດເນເຊຍ ແລະ ເປັນປະທານຮ່ວມ JCBC-4, ທ່ານນາງລັດຖະມົນຕີການຕ່າງປະເທດ Retno Marsudi ຕີລາຄາການຢ້ຽມຢາມຂອງທ່ານ ບຸ່ຍແທັງເຊີນ ແມ່ນມີຄວາມໝາຍສຳຄັນໃນສະພາບທີ່ 2 ຝ່າຍຫາກໍ່ເປີດປະຕູປະເທດພາຍຫຼັງ ໂລກລະບາດໂຄວິດ-19 ແຜ່ລະບາດ, ແມ່ນໂອກາດເພື່ອໃຫ້ສອງຝ່າຍແລກປ່ຽນບັນດາມາດຕະການຊຸກຍູ້ການຮ່ວມມືລະຫວ່າງສອງປະເທດໃນທຸກໆຂົງເຂດ, ຮ່ວມກັນຟື້ນຟູ ແລະ ພັດທະນາເສດຖະກິດ - ສັງຄົມ, ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອມຸ່ງໄປເຖິງການສະເຫຼີມສະຫຼອງ 10 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດຫວຽດນາມ - ອິນໂດເນເຊຍ (2013-2023).
 |
| ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ເປັນປະທານຮ່ວມກອງປະຊຸມຄັ້ງທີ 4 ຄະນະກຳມະການຮ່ວມມືສອງຝ່າຍ ຫວຽດນາມ - ອິນໂດເນເຊຍ. ພາບ: baoquocte.vn |
2 ຝ່າຍເຫັນດີເປັນເອກະສັນຊຸກຍູ້ບັນດາສາຍການບິນເພີ່ມຄວາມຖີ່ ແລະ ພິຈາລະນາເປີດສາຍການບິນໃໝ່, ເຊື່ອມຕໍ່ບັນດາສະຖານທີ່ທ່ອງທ່ຽວລະຫວ່າງ 2 ປະເທດ, ຊຸກຍູ້ການຮ່ວມມືດ້ານວັດທະນະທຳ, ການຄ້າ ແລະ ທ່ອງທ່ຽວ...
ເມື່ອປຶກສາຫາລືບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ, ສອງລັດຖະມົນຕີໄດ້ຕີລາຄາສູງການສົມທົບກັນຂອງສອງປະເທດຢູ່ບັນດາອົງການ ແລະ ເວທີປາໄສ, ປະກອບສ່ວນເພີ່ມທະວີຄວາມສາມັກຄີ, ບົດບາດໃຈກາງຂອງອາຊຽນ, ຮັກສາສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາໃນພາກພື້ນ ກໍ່ຄືຢູ່ໃນໂລກ.
2 ຝ່າຍເຫັນດີສືບຕໍ່ເພີ່ມທະວີການສົມທົບກັນ ແລະ ສະໜັບສະໜູນເຊິ່ງກັນ ແລະ ກັນ ໃນຂອບເຂດອາຊຽນ, ສະຫະປະຊາຊາດ ແລະ ບັນດາກົນໄກພາກພື້ນ ແລະ ສາກົນອື່ນໆ. 2 ຝ່າຍຢືນຢັນຄືນໃໝ່ການສະໜັບສະໜູນການຮັກສາຄວາມສາມັກຄີຂອງອາຊຽນ ແລະ ບັນດາຫຼັກໝັ້ນທີ່ເປັນເອກະພາບກັນໃນບັນຫາທະເລຕາເວັນອອກ, ສອດຄ່ອງກັບກົດໝາຍສາກົນ ແລະ ສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS). ກອງປະຊຸມຄັ້ງທີ 5 ຄະນະກຳມະການຮ່ວມມືສອງຝ່າຍ ຫວຽດນາມ - ອິນໂດເນເຊຍ ຈະໄດ້ຈັດຂຶ້ນຢູ່ຫວຽດນາມ ໃນປີ 2024 ຫຼື 2025.
ບູນມີ
