 | ພົບປະກັບກຸ່ມສະມາຊິກລັດຖະສະພາມິດຕະພາບຫວຽດນາມ - ລັດເຊຍ ຍສໝ - ເພື່ອສືບຕໍ່ເພີ່ມທະວີ ແລະ ເປີດກວ້າງການພົວພັນ “ຄູ່ຮ່ວມມືຍຸດທະສາດຮອບດ້ານ” ລະຫວ່າງສອງປະເທດຜ່ານຊ່ອງການທູດລັດຖະສະພາ, ຄະນະປະຈໍາສະພາແຫ່ງຊາດ ຫວຽດນາມ ໄດ້ຮັບຮອງເອົາມະຕິກ່ຽວກັບການສ້າງຕັ້ງກຸ່ມສະມາຊິກລັດຖະສະພາມິດຕະພາບ ຫວຽດນາມ - ລັດເຊຍ ດ້ວຍ ສະມາຊິກ 12 ທ່ານ. |
 | ສົ່ງເສີມພາສາຫວຽດ ໃນປະຊາຄົມຊາວຫວຽດນາມຢູ່ຕ່າງປະເທດ ຍສໝ - ໂຄງການດັ່ງກ່າວປະກອບສ່ວນຢືນຢັນສີສັນຊາດຫວຽດນາມ ແລະ ຖານະຫວຽດນາມ ເລີ່ມຈາກມໍລະດົກວັດທະນະທຳຂອງຊາດ. ໃນໄລຍະຈະມາເຖິງ, ມີຫຼາຍວັດທະນະທຳຮູບປະທໍາ ແລະ ນາມມະທໍາປະເພດຕ່າງໆຂອງຫວຽດນາມ ຈະໄດ້ຮັບການໂຄສະນາ ແລະແນະນຳຢ່າງກວ້າງຂວາງໃນທົ່ວໂລກ. |
 |
| ທ່ານ ບຸ່ຍແທັງເຊີນ ລັດຖະມົນຕີກະຊວງການຕ່າງປະເທດ ຫວຽດນາມ ມີການພົບປະສອງຝ່າຍກັບທ່ານນາງ Retno Marsudi ລັດຖະມົນຕີກະຊວງການຕ່າງປະເທດ ອິນໂດເນເຊຍ. ພາບ: ກະຊວງການຕ່າງປະເທດ |
ທີ່ການພົບປະກັບທ່ານ Retno Marsudi, ລັດຖະມົນຕີກະຊວງການຕ່າງປະເທດ ອິນໂດເນເຊຍ, ສອງຝ່າຍເຫັນດີເປັນເອກະພາບສົມທົບກັນ, ກະກຽມໃຫ້ການຢ້ຽມຢາມຂັ້ນສູງ ແລະ ກອງປະຊຸມຄັ້ງທີ 4 ຄະນະກຳມະການຮ່ວມມືສອງຝ່າຍ ຫວຽດນາມ - ອິນໂດເນເຊຍ ໃນປີ 2022 ໃຫ້ເປັນຢ່າງດີ. ລັດຖະມົນຕີສອງປະເທດ ກໍ່ເຫັນດີເປັນເອກະພາບຕໍ່ການສຳຜັດ ແລະ ແກ້ໄຂບັນດາບັນຫາພາກພື້ນ ແລະ ສາກົນບົນພື້ນຖານເຄົາລົບກົດໝາຍສາກົນເພື່ອເປົ້າໝາຍລວມແມ່ນສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາ.
 |
| ທ່ານ ບຸ່ຍແທັງເຊີນ ລັດຖະມົນຕີກະຊວງການຕ່າງປະເທດ ຫວຽດນາມພົບປະສອງຝ່າຍກັບທ່ານ Dato Erywan Pehin Yusof ລັດຖະມົນຕີກະຊວງການຕ່າງປະເທດ ບຣູໄນ. ພາບ: ກະຊວງການຕ່າງປະເທດ |
ໃນຂະນະນັ້ນ, ທີ່ການພົບປະກັບທ່ານ Dato Erywan Pehin Yusof, ລັດຖະມົນຕີກະຊວງການຕ່າງປະເທດ ບຣູໄນ, ລັດຖະມົນຕີສອງທ່ານເຫັນດີເປັນເອກະພາບສົມທົບກັນຈັດຕັ້ງບັນດາການເຄື່ອນໄຫວສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ບຣູໄນ (1992 – 2022) ໃຫ້ເປັນຢ່າງດີ; ຊຸກຍູ້ບັນດາການຢ້ຽມຢາມຂັ້ນສູງລະຫວ່າງສອງປະເທດ ແລະ ຈັດຕັ້ງກອງປະຊຸມຄັ້ງທີ 2 ຂອງຄະນະກຳມະການປະສົມກ່ຽວກັບການຮ່ວມມືສອງຝ່າຍຢູ່ ບຣູໄນ ໃນໄລຍະຈະມາເຖິງ; ຊຸກຍູ້ການພົວພັນແລກປ່ຽນປະຊາຊົນ, ເພີ່ມທະວີການຮ່ວມມືໃນຂົງເຂດຜະລິດຕະພັນກະເສດ, ສິນໃນນ້ຳ…
ເນື່ອງໃນໂອກາດດັ່ງກ່າວ, ທ່ານລັດຖະມົນຕີ ບຸຍແທ່ງເຊິ່ນ ກໍ່ໄດ້ສະເໜີທາງຝ່າຍ ບຣູໄນ ໃນຫານສ້າງເງື່ອນໄຂສະດວກຕື່ມອິກໃຫ້ແກ່ສິນຄ້າຫວຽດນາມ, ພິເສດແມ່ນບັນດາຜະລິດຕະພັນກະເສດ ແລະ ອາຫານທີ່ໄດ້ມາດຕະຖານ Halal, ເພື່ອນຳເຂົ້າຕະຫຼາດ ບຣູໄນ.
ໃນຂະນະນັ້ນ, ທ່ານລັດຖະມົນຕີ ເປຮິນ ຢູຊອບ (Pehin Yusof) ໄດ້ສະເໜີໃຫ້ 2 ຝ່າຍເພີ່ມທະວີການຮ່ວມມືໃນຂົງເຂດຜະລິດອາຫານທະເລ ແລະ ເຂົ້າສານເພື່ອສົ່ງອອກໃນສະພາບທີ່ໂລກພວມປະເຊີນໜ້າກັບວິກິດການທາງດ້ານສະບຽງອາຫານ.
ບູນມີ
