ຫວ່າງມໍ່ໆມານີ້, ຢູ່ສຳນັກງານຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ, ທ່ານ ດັ້ງຮວ່າງຢາງ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ ໄດ້ເປັນປະທານງານຮັບປະທານອາຫານທ່ຽງເຮັດວຽກກັບເອກອັກຄະລັດຖະທູດ, ຕາງໜ້າບັນດາປະເທດສ້າງຕັ້ງກຸ່ມເພື່ອນມິດ ສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປິ 1982 (UNCLOS) ເພື່ອເພີ່ມທະວີການປະສານງານ, ຊຸກຍູ້ບັນດາການເຄື່ອນໄຫວຂອງກຸ່ມໃນໄລຍະຈະມາເຖິງ.
 |
| ທີ່ການພົບປະ, ເຮັດວຽກຢູ່ສຳນັກງານຂອງຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ. (ພາບ: Quang Huy/TTXVN) |
ກ່າວຄຳປາໄສທີ່ການພົບປະເຮັດວຽກ, ທ່ານເອກອັກຄະລັດຖະທູດ ດັ້ງຮວ່າງຢາງ ໄດ້ສະແດງຄວາມປິຕິຊົມຊື່ນຕໍ່ການພັດທະນາຢ່າງເຂັ້ມແຂງຂອງກຸ່ມເພື່ອນມິດ UNCLOS ໃນ 3 ປີຜ່ານມາ ດ້ວຍຈຳນວນສະມາຊິກ 120 ກວ່າປະເທດ ແລະ ຫຼາຍຮູບການເຄື່ອນໄຫວ, ພ້ອມກັນນັ້ນ ກໍ່ໄດ້ສະແດງຄວາມຂອບໃຈການສະໜັບສະໜູນ, ການສົມທົບກັນຢ່າງແໜ້ນແຟ້ນຂອງບັນດາປະເທດຫຼັກແຫຼ່ງໃນການຊຸກຍູ້ ແລະ ຍົກສູງຄຸນຄ່າ, ລັກສະນະຄົບຖ້ວນ ແລະ ໄປທົ່ວຂອງ UNCLOS ໃນຂະບວນການການເຈລະຈາຢູ່ ສປຊ ເມື່ອບໍ່ດົນມານີ້.
ບັນດາປະເທດຢືນຢັນວ່າ ບັນດາການເຄື່ອນໄຫວຂອງກຸ່ມ ໄດ້ສ້າງເວທີປາໄສ ເພື່ອແລກປ່ຽນ, ປຶກສາຫາລືກ່ຽວກັບຄວາມຫຼາກຫຼາຍຂອງການຄຸ້ມຄອງ ແລະ ນຳໃຊ້ທະເລ, ສືບຕໍ່ຢືນຢັນຄຸນຄ່າຂອງ UNCLOS ໃນການແກ້ໄຂບັນດາສິ່ງທ້າທາຍໃໝ່ຢູ່ທະເລ.
ກຸ່ມເພື່ອນມິດ UNCLOS ແມ່ນຮູບແບບການແລກປ່ຽນ, ການປະສານງານບໍ່ເປັນທາງການລະຫວ່າງບັນດາປະເທດ, ພິເສດແມ່ນຢູ່ສະຫະປະຊາຊາດ, ເພື່ອປັບປຸງການຮ່ວມມືໃນຫຼາຍຫົວຂໍ້ທີ່ມີຄວາມສົນໃຈຮ່ວມ.
ນີ້ແມ່ນກຸ່ມທຳອິດທີ່ ຫວຽດນາມ ໄດ້ລິເລີ່ມ, ເປັນປະທານຮ່ວມໃນການລະດົມການສ້າງຕັ້ງ (ພ້ອມກັບເຢຍລະມັນ) ໃນປີ 2020. ໃນນັ້ນ, ກຸ່ມກໍ່ຕັ້ງລວມມີ 12 ປະເທດຄື: ອາກຊັງຕິນ, ການາດາ, ແດນມາກ, ເຢຍລະມັນ, ຈາໄມກາ, ເຄັນຢາ, ໂຮນລັງ, ນູແວນເຊລັງ, ໂອມານ, ເຊເນການ, ອາຟຣິກາໃຕ້ ແລະ ຫວຽດນາມ.
 | ຮັດແໜ້ນນ້ຳໃຈສາມັກຄີມິດຕະພາບລະຫວ່າງກະຊວງຕຳຫຼວດສອງປະເທດຫວຽດນາມ - ລາວ ຍສໝ - ວັນທີ 9 ຕຸລາ 2024, ຢູ່ນະຄອນຫຼວງວຽງຈັນ, ລາວ, ທ່ານພົນໂທ ເຈີ່ນກວກຕໍ໋, ກຳມະການສູນກາງພັກ, ຮອງລັດຖະມົນຕີກະຊວງຕຳຫຼວດ, ນຳໜ້າຄະນະຜູ້ແທນຂັ້ນສູງກະຊວງຕຳຫຼວດຫວຽດນາມ ໄປຢ້ຽມຂ່ຳນັບທ່ານພົນເອກ ວິໄລ ຫຼ້າຄຳຟອງ, ກຳມະການກົມການເມືອງ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບລາວ. |
 | ຍສໝ - ຕໍ່ກັບບັນດາຄວາມເສຍຫາຍຢ່າງໜັກໜ່ວງຈາກພາຍຸ, ໄພນ້ຳຖ້ວມຢູ່ ຫວຽດນາມ, ການນຳຂອງບັນດາປະເທດ ແລະ ອົງການຈັດຕັ້ງສາກົນຈຳນວນໜຶ່ງໄດ້ສົ່ງໂທລະເລກຢື້ຢາມເຖິງການນຳພັກ, ລັດ ແລະ ປະຊາຊົນ ຫວຽດນາມ. |
ມີງດຶກ
