 | ປຶກສາຫາລືການເມືອງຫວຽດນາມ - ສິງກະໂປ ຄັ້ງທີ 16 |
| ຜູ້ຊົງຄຸນວຸດທິມິດຕະພາບ ຈີນ ປະກອບສ່ວນພັດທະນາການພົວພັນ ຫວຽດນາມ-ຈີນ ແບບຍືນຍົງ |
ເມື່ອບໍ່ດົນມານີ້, ຢູ່ທີ່ຫໍຮັບແຂກ ຕຽວຢູ່ຕèາຍ, ນະຄອນຫຼວງ ປັກກິ່ງ, ປະເທດ ຈີນ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸຍແທງເຊີນ ພ້ອມກັບກຳມະການກົມການເມືອງ, ຫົວໜ້າຫ້ອງການຄະນະກຳມະການວຽກງານການຕ່າງປະເທດສູນກາງພັກກອມມູນິດ ຈີນ, ລັດຖະມົນຕີການຕ່າງປະເທດ ຈີນ ທ່ານ ຫວາງອີ ເປັນປະທານຮ່ວມກອງປະຊຸມຄັ້ງທີ 16 ຂອງຄະນະກຳມະການຊີ້ນຳການຮ່ວມມືສອງຝ່າຍ ຫວຽດນາມ - ຈີນ.
 |
| ກອງປະຊຸມຄັ້ງທີ 16 ຂອງຄະນະກຳມະການຮ່ວມມືສອງຝ່າຍ ຫວຽດນາມ - ຈີນ. |
ໃນບັນຍາກາດແຫ່ງຄວາມຈິງໃຈ, ມິດຕະພາບ, ເປີດໃຈ ແລະ ແທດຈິງ, 2 ຝ່າຍໄດ້ສະແດງຄວາມປິຕິຊົມຊື່ນຕໍ່ການພັດທະນາຮອບດ້ານຂອງການພົວພັນຮ່ວມມືລະຫວ່າງ 2 ພັກ ແລະ ລັດ ຫວຽດນາມ - ຈີນ ນັບແຕ່ກອງປະຊຸມຄັ້ງທີ 15 (ເດືອນ ທັນວາ ປີ 2023 ຢູ່ ຮ່າໂນ້ຍ) ເຖິງປະຈຸບັນ; ຮ່ວມກັນປຶກສາຫາລືຢ່າງເລິກເຊິ່ງ ແລະ ໄດ້ຮັບຄວາມເຫັນດີເຫັນພ້ອມກ່ຽວກັບຫຼາຍມາດຕະການ ເພື່ອສືບຕໍ່ປະຕິບັດຄວາມເຂົ້າໃຈຮ່ວມລະຫວ່າງການນຳຂັ້ນສູງຂອງສອງພັກ, ສອງປະເທດຢ່າງມີປະສິດທິຜົນ, ພະຍາຍາມນຳການພົວພັນລະຫວ່າງສອງປະເທດຂຶ້ນສູ່ໄລຍະພັດທະນາໃໝ່, ນັບມື້ນັບມີປະສິດທິຜົນ ແລະ ແທດຈິງ.
ທ່ານຮອງນາຍົກລັດຖະມົນຕີ ຫວຽດນາມ ຢືນຢັນວ່າ, ພັກ ແລະ ລັດ ຫວຽດນາມ ຖືເປັນສຳຄັນການປັບປຸງ ແລະ ພັດທະນາການພົວພັນມິດຕະພາບທີ່ເປັນປົກກະຕິ, ປອດໃສ ແລະ ໝັ້ນຄົງກັບ ຈີນ, ຖືວ່ານີ້ແມ່ນນະໂຍບາຍທີ່ສະເໝີຕົ້ນສະເໝີປາຍ, ຮຽກຮ້ອງຄວາມພາວະວິໄສ, ເປົ້າໝາຍເລືອກຕັ້ງຍຸດທະສາດ ແລະ ບຸລິມະສິດອັນດັບໜຶ່ງໃນນະໂຍບາຍການຕ່າງປະເທດທີ່ເປັນເອກະລາດ, ເປັນເຈົ້າຕົນເອງ, ຫັນເປັນຫຼາຍຝ່າຍ ແລະ ຫັນເປັນຫຼາກຫຼາຍຮູບແບບຂອງ ຫວຽດນາມ.
ທ່ານ ຫວາງອີ ຢືນຢັນວ່າ ຈີນ ຍາມໃດກໍຖື ຫວຽດນາມ ແມ່ນທິດທາງບຸລິມະສິດໃນນະໂຍບາຍການຕ່າງປະເທດບ້ານໃກ້ເຮືອນຄຽງ; ອວຍພອນຢ່າງຈິງໃຈ ແລະ ເຊື່ອໝັ້ນວ່າ ພາຍໃຕ້ການນຳພາຂອງ ສູນກາງພັກກອມມູນິດ ຫວຽດນາມ ໂດຍທ່ານເລຂາທິການໃຫຍ່ ໂຕເລິມ ນຳໜ້າ, ຫວຽດນາມ ຈະສຳເລັດບັນດາຄາດໝາຍທີ່ວາງໄວ້ຢ່າງມີໄຊ, ກໍ່ສ້າງ ຫວຽດນາມ ກາຍເປັນປະເທດພັດທະນາ, ມີລາຍຮັບສູງຕາມທິດສັງຄົມນິຍົມໃນໄລຍະໃໝ່.
 |
| ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸຍແທງເຊີນ ແລະ ທ່ານ ຫວາງອີ ທີ່ກອງປະຊຸມຄັ້ງທີ 16 ຂອງຄະນະກຳມະການຮ່ວມມື 2 ຝ່າຍ ຫວຽດນາມ - ຈີນ. |
2 ຝ່າຍເຊື່ອໝັ້ນວ່າ ການພົວພັນລະຫວ່າງ ຫວຽດນາມ - ຈີນ ໃນໄລຍະຜ່ານມາໄດ້ບັນລຸບັນດາໝາກຜົນອັນຕັ້ງໜ້າ, ໂດຍສະເພາະແມ່ນ: ການພົບປະພົວພັນຂັ້ນສູງ ແລະ ທຸກຂັ້ນໄດ້ຮັບການເພີ່ມທະວີ, ການຮ່ວມມືດ້ານເສດຖະກິດ, ການຄ້າ, ການລົງທຶນ, ການທ່ອງທ່ຽວໄດ້ຮັບການພັດທະນາຢ່າງຕັ້ງໜ້າ; ການເຊື່ອມຕໍ່ຄົມມະນາຄົມໄດ້ດຳເນີນໄປຢ່າງບຸກທະລຸ, ການຮ່ວມມືຢູ່ທ້ອງຖິ່ນ ແລະ ການພົບປະແລກປ່ຽນມິດຕະພາບລະຫວ່າງປະຊາຊົນໄດ້ດຳເນີນໄປຢ່າງຟົດຟື້ນ.
ກ່ຽວກັບທິດທາງ, ຈຸດສຸມຂອງການພົບປະແລກປ່ຽນ ແລະ ການຮ່ວມມືໃນໄລຍະຈະມາເຖິງ, 2 ຝ່າຍເຫັນດີສືບຕໍ່ຮັກສາການພົບປະແລກປ່ຽນຂັ້ນສູງ; ເພີ່ມທະວີການແລກປ່ຽນຜ່ານຊ່ອງທາງຂອງພັກ ແລະ ລະຫວ່າງລັດຖະບານ, ສະພາແຫ່ງຊາດ, ແນວໂຮມປະເທດຊາດ ຫວຽດນາມ ແລະ ບັນດາອົງການທີ່ກ່ຽວຂ້ອງຂອງ ຈີນ; ເສີມຂະຫຍາຍບົດບາດການສົມທົບສັງລວມຂອງຄະນະກຳມະການຊີ້ນຳການຮ່ວມມືສອງຝ່າຍ; ຍູ້ແຮງບັນດາກົນໄກການພົບປະແລກປ່ຽນ ແລະ ການຮ່ວມມືໃນຂົງເຂດການທູດ, ການປ້ອງກັນປະຊາດ, ປ້ອງກັນຄວາມສະຫງົບລະຫວ່າງບັນດາຂັ້ນ, ຂະແໜງການ, ທ້ອງຖິ່ນ ແລະ ປະຊາຊົນ 2 ປະເທດ; ປະຕິບັດບັນດາການເຄື່ອນໄຫວສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດ ແລະ ປີພົບປະແລກປ່ຽນມະນຸດສະທຳ ຫວຽດນາມ - ຈີນ 2025; ເພີ່ມທະວີການສົມທົບກັນຢູ່ບັນດາເວທີປາໄສຫຼາຍຝ່າຍຢ່າງແທດຈິງ.
ທ່ານຮອງນາຍົກລັດຖະມົນຕີ ຫວຽດນາມ ກໍ່ສະເໜີຊຸກຍູ້ການລົງທຶນຄຸນນະພາບສູງຂອງ ຈີນ ຢູ່ ຫວຽດນາມ; ຜັນຂະຫຍາຍບັນດາບ້ວງຊ່ວຍເຫຼືອລ້າຂອງ ຈີນ ຢ່າງມີປະສິດທິຜົນ; ເພີ່ມທະວີການຮ່ວມມືໃນບັນດາຂົງເຂດຄື: ກະສິກຳ, ສິ່ງແວດລ້ອມ, ການເງິນ ແລະ ການທະນາຄານ, ວິທະຍາສາດ ແລະ ເຕັກໂນໂລຢີ, ວັດທະນະທຳ, ການສຶກສາ ແລະ ບຳລຸງສ້າງ, ເປີດກວ້າງບັນດາຂົງເຂດຮ່ວມມືໃໝ່ ແລະ ກຳລັງໜູນການເຕີບໂຕໃໝ່ໃຫ້ການພົວພັນລະຫວ່າງສອງຝ່າຍ.
ໂດຍການຕີລາຄາສູງບັນດາຂໍ້ສະເໜີການຮ່ວມມືຂອງ ຫວຽດນາມ, ທ່ານ ຫວາງອີ ຢືນຢັນວ່າ: ຈີນ ຖືເປັນສຳຄັນການຊຸກຍູ້ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃນທຸກຂົງເຂດ, ພ້ອມແລ້ວທີ່ຈະເປີດກວ້າງການນຳເຂົ້າສິນຄ້າຄຸນນະພາບສູງຈາກ ຫວຽດນາມ, ເປີດກວ້າງການຮ່ວມມືໃນຂົງເຂດການຊື້-ຂາຍໄຟຟ້າ; ສົມທົບກັນແກ້ໄຂບັນດາຂໍ້ຄົງຄ້າງໃນບາງໂຄງການລົງທຶນຂອງ ຈີນ ຢູ່ ຫວຽດນາມ; ສົ່ງເສີມໃຫ້ວິສາຫະກິດ ຈີນ ມາລົງທຶນຢູ່ ຫວຽດນາມ ຕາມຄວາມຕ້ອງການ ແລະ ທ່າແຮງຂອງສອງຝ່າຍ.
2 ຝ່າຍໄດ້ປຶກສາຫາລືຢ່າງກົງໄປກົງມາກ່ຽວກັບບັນຫາທະເລ, ເຫັນດີສືບຕໍ່ປະຕິບັດຄວາມຮັບຮູ້ຮ່ວມຂັ້ນສູງຢ່າງເຂັ້ມງວດ, ຄວບຄຸມ ແລະ ແກ້ໄຂຄວາມຂັດແຍ່ງກັນໃຫ້ດີກວ່າ, ຮັກສາສັນຕິພາບ ແລະ ສະຖຽນລະພາບຢູ່ທະເລຕາເວັນອອກ.
ໃນວັນດຽວກັນ, ທ່ານຮອງນາຍົກລັດຖະມົນຕີ ບຸຍແທງເຊີນ ແລະ ທ່ານ ຫວາງອີ ໄດ້ເຂົ້າຮ່ວມພິທີສະເຫຼີມສະຫຼອງ 25 ປີແຫ່ງວັນເຊັນສົນທິສັນຍາວ່າດ້ວຍຊາຍແດນ ແລະ 15 ປີແຫ່ງວັນລົງນາມໃນເອກະສານນິຕິກຳ 3 ສະບັບ ກ່ຽວກັບເສັ້ນຊາຍແດດິນຕໍ່ແຜ່ນ ຫວຽດນາມ - ຈີນ ແລະ ເຂົ້າຮ່ວມງານວາງສະແດງຮູບພາບກ່ຽວກັບການປັກຫຼັກໝາຍເຂດຊາຍແດນ ແລະ ການຮ່ວມມືຢູ່ດິນຕໍ່ແຜ່ນລະຫວ່າງ ຫວຽດນາມ - ຈີນ.
 |
| ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸຍແທງເຊີນ ແລະ ທ່ານ ຫວາງອີ ໄດ້ໄປຢ້ຽມຢາມງານວາງສະແດງຮູບພາບສະເຫຼີມສະຫຼອງ 25 ປີແຫ່ງວັນລົງນາມໃນສົນທິສັນຍາວ່າດ້ວຍຊາຍແດນດິນຕໍ່ແຜ່ນ ແລະ 15 ປີແຫ່ງການລົງນາມໃນເອກະສານນິຕິກຳ 3 ສະບັບກ່ຽວກັບເສັ້ນຊາຍແດນດິນຕໍ່ແຜ່ນ ຫວຽດນາມ - ຈີນ. |
ກ່າວຄຳປາໄສທີ່ພິທີສະເຫຼີມສະຫຼອງ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸຍແທງເຊີນ ຢືນຢັນວ່າ: ການລົງນາມໃນສົນທິສັນຍາວ່າດ້ວຍຊາຍແດນດິນຕໍ່ແຜ່ນ ແລະ 15 ປີແຫ່ງການລົງນາມໃນເອກະສານນິຕິກຳ 3 ສະບັບ ແມ່ນເຫດການມີຄວາມໝາຍປະຫວັດສາດອັນຍິ່ງໃຫຍ່, ເປີດໜ້າໃໝ່ໃນການພົວພັນລະຫວ່າງ 2 ປະເທດ ແລະ ປະກອບສ່ວນສຳຄັນເຂົ້າໃນການຢືນຢັນບັນດາຫຼັກການທົ່ວໄປຂອງກົດໝາຍສາກົນ.
ສ່ວນທ່ານລັດຖະມົນຕີກະຊວງການຕ່າງປະເທດ ຈີນ ຫວາງອີ ຢືນຢັນວ່າ: ປີ 2025 ແມ່ນໂອກາດສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດລະຫວ່າງສອງປະເທດ ແລະ ກໍ່ແມ່ນປີແຫ່ງການພົບປະແລກປ່ຽນມະນຸດສະທຳລະຫວ່າງ ຈີນ-ຫວຽດນາມ, ສະນັ້ນ, 2 ປະເທດຕ້ອງເຊື່ອມຊຶມປະຕິບັດຄວາມຮັບຮູ້ຮ່ວມທີ່ສຳຄັນໃຫ້ດີ ປິ່ນອ້ອມເປົ້າໝາຍສັງລວມ “6 ກວ່າ” ທີ່ການນຳສອງພັກ ແລະ ສອງປະເທດບັນລຸໄດ້, ຊຸກຍູ້ການສ້າງສາປະຊາຄົມແບ່ງປັນອະນາຄົດເຂົ້າສູ່ລວງເລິກ ແລະ ແທດຈິງ, ນຳມາເຊິ່ງຄວາມໝາຍຍຸກໃໝ່ໃຫ້ແກ່ການພົວພັນຮ່ວມມືຍຸດທະສາດຮອບດ້ານລະຫວ່າງສອງປະເທດ.
ທີ່ການໂອ້ລົມເຈລະຈາ, 2 ຝ່າຍໄດ້ປຶກສາຫາລືຢ່າງເລິກເຊິ່ງກ່ຽວກັບສະພາບການສາກົນ ແລະ ພາກພື້ນ; ເຫັນດີຮັກສາການພົບປະແລກປ່ຽນຍຸດທະສາດເປັນປະຈຳ ແລະ ເພີ່ມທະວີການຮ່ວມມືໃນບັນດາຂົງເຂດການທູດ, ການປ້ອງກັນຊາດ ແລະ ປ້ອງກັນຄວາມສະຫງົບ; ຊຸກຍູ້ “ການຮ່ວມມືດ້ານປ້ອງກັນຊາດ-ປ້ອງກັນຄວາມສະຫງົບໃຫ້ແໜ້ນແຟ້ນກວ່າອີກ” ບົນພື້ນຖານສອດຄ່ອງກັບນະໂຍບາຍການຕ່າງປະເທດ, ນະໂຍບາຍປ້ອງກັນຊາດ, ນະໂຍບາຍຄວາມໝັ້ນຄົງຂອງແຕ່ລະປະເທດ, ປະກອບສ່ວນແທດຈິງໃຫ້ແກ່ສັນຕິພາບ, ການຮ່ວມມື ແລະ ການພັດທະນາຢູ່ພາກພື້ນ ແລະ ໃນໂລກ.
 | ຍສໝ - ວັນທີ 10 ກໍລະກົດ, ຢູ່ ຮ່າໂນ້ຍ, ສະຫະພັນບັນດາອົງການມິດຕະພາບ ຫວຽດນາມ ໄດ້ຈັດຕັ້ງກອງປະຊຸມຄັ້ງທີ 10 ຂອງຄະນະປະທານ ຊຸດທີ VI, ອາຍຸການ 2019-2024. ຫຼັງຈາກການສົນທະນາ ແລະ ໃຫ້ຄຳເຫັນແລ້ວ, 100% ຂອງກຳມະການຄະນະປະທານໄດ້ລົງຄະແນນສຽງຮັບຮອງເອົາບົດລາຍງານທີ່ສຳຄັນທີ່ໄດ້ນຳສະເໜີຢູ່ກອງປະຊຸມ. |
 | ຍສໝ - ຕອນເຊົ້າວັນທີ 22 ກຸມພາ, ຢູ່ຫໍສະພາແຫ່ງຊາດ (ນະຄອນຫຼວງ ຮ່າໂນ້ຍ), ທ່ານ ເຫວືອງດິງເຫ້ວ ກໍາມະການກົມການເມືອງ, ປະທານສະພາແຫ່ງຊາດ ຫວຽດນາມ ໄດ້ເປັນປະທານ ແລະ ກ່າວຄຳປາໄສທີ່ພິທີເປີດກອງປະຊຸມຄັ້ງທີ 30 ຂອງຄະນະປະຈຳສະພາແຫ່ງຊາດ. |
ມິງດຶກ
