ວັນທີ 7 ກໍລະກົດ, ຢູ່ກາວບັ່ງ, ສະຫະພັນບັນດາອົງການຈັດຕັ້ງມິດຕະພາບຫວຽດນາມ ໄດ້ໄຂກອງປະຊຸມທົ່ວປະເທດກ່ຽວກັບວຽກງານພົວພັນຕ່າງປະເທດປະຊາຊົນ ປີ 2022, ມີຫຼາຍບັນຫາສຳຄັນຈະໄດ້ປຶກສາຫາລື, ປະກອບຄຳເຫັນ ແລະ ຊອກຫາມາດຕະການແກ້ໄຂເພື່ອຊຸກຍູ້ການເຄື່ອນໄຫວຢ່າງມີປະສິດທິຜົນກວ່າ.
 |
| ທ່ານນາງເອກອັກຄະລັດຖະທູດ ຫງວຽນເຟືອງງາ, ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ກ່າວຄໍາເຫັນໄຂກອງປະຊຸມ. ພາບ: thoidai.com.vn |
ກອງປະຊຸມໄດ້ດຳເນີນໄປດ້ວຍການເຂົ້າຮ່ວມຂອງຜູ້ແທນກວ່າ 200 ທ່ານທີ່ມາຈາກບັນດາອົງການສະມາຊິກຂັ້ນສູນກາງ, ສະຫະພັນມິດຕະພາບຂັ້ນທ້ອງຖິ່ນ, ແລະ ຜູ້ຕາງໜ້າບັນດາຄະນະ, ຫົວໜ່ວຍ, ພະນັກງານຂອງຄະນະປະຈຳສະຫະພັນບັນດາອົງການຈັດຕັ້ງມິດຕະພາບຫວຽດນາມ.
ທີ່ກອງປະຊຸມຄັ້ງນີ້, ບັນດາຜູ້ແທນຈະຮັບຟັງບົດລາຍງານກ່ຽວກັບສະພາບການໂລກ, ພາກພື້ນ, ນະໂຍບາຍພົວພັນຕ່າງປະເທດຂອງພັກ ແລະ ລັດ, ວຽກງານພົວພັນຕ່າງປະເທດປະຊາຊົນ ແລະ ກ່ຽວກັບຮູບແບບສະຫະພັນບັນດາອົງການຈັດຕັ້ງມິດຕະພາບຂັ້ນທ້ອງຖິ່ນ; ປຶກສາຫາລືເປັນກຸ່ມກ່ຽວກັບຮ່າງໂຄງ ການດໍາເນີນງານງານເພື່ອປະຕິບັດຄໍາສັ່ງ 12-CT/TW...
 |
| ກອງປະຊຸມດຶງດູດການເຂົ້າຮ່ວມຂອງຜູ້ແທນກວ່າ 200 ທ່ານ. ພາບ: thoidai.com.vn |
ກອງປະຊຸມແມ່ນໂອກາດເພື່ອໃຫ້ລະບົບສະຫະພັນມິດຕະພາບ ກໍ່ຄືແຕ່ລະອົງການສະມາຊິກຕີລາຄາຄືນການເຄື່ອນໄຫວ, ການກໍ່ສ້າງ ແລະ ຜັນຂະຫຍາຍ ຍຸດທະສາດ, ແຜນການ ແລະ ໂຄງການດໍາເນີນງານວຽກງານພົວພັນຕ່າງປະເທດປະຊາຊົນ. ໝາກຜົນຂອງກອງປະຊຸມຍັງຊ່ວຍໃຫ້ອົງການປະຈຳ ໄດ້ສັງລວມ, ເປັນເສນາທິການ ແລະ ສະເໜີແນະໃຫ້ບັນດາການນຳຂອງພັກ, ລັດ, ບັນດາຄະນະ, ກະຊວງ, ຂະແໜງການ, ຄະນະພັກ ແລະ ອໍານາດການປົກຄອງທ້ອງຖິ່ນ;...
ກ່ອນໜ້ານັ້ນ, ສະຫະພັນບັນດາອົງການຈັດຕັ້ງມິດຕະພາບຫວຽດນາມ ໄດ້ຈັດຕັ້ງກອງປະຊຸມກວດກາຄືນວຽກງານ 6 ເດືອນຕົ້ນປີ ແລະ ປະຕິບັດວຽກງານ 6 ເດືອນທ້າຍປີ 2022. ໝາກຜົນດີຫຼາຍຢ່າງທີ່ໄດ້ແບ່ງປັນຢູ່ທີ່ນີ້ ເຊັ່ນ: ວຽກງານສັນຕິພາບ, ຄວາມສາມັກຄີ, ມິດຕະພາບ. ເພີ່ມຂຶ້ນທັງປະລິມານ ແລະ ຄຸນນະພາບຂອງກິດຈະກໍາ; ວຽກງານບໍ່ຂຶ້ນກັບລັດຖະບານຮັບປະກັນການປະຕິບັດບັນດາໜ້າທີ່ ແລະ ແຜນການທີ່ວາງອອກ;...
 |
| ບັນດາຜູ້ແທນເຂົ້າຮ່ວມກອງປະຊຸມ. ພາບ: thoidai.com.vn |
ທີ່ກອງປະຊຸມ, ທ່ານນາງເອກອັກຄະລັດຖະທູດ ຫງວຽນເຟືອງງາ, ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ໄດ້ຕີລາຄາວ່າ: ເຖິງວ່າຈະປະສົບກັບຄວາມຫຍຸ້ງຍາກຫຼາຍຢ່າງກໍ່ຕາມ, ແຕ່ດ້ວຍຄວາມມານະພະຍາຍາມຂອງພະນັກງານແຕ່ລະຄົນ, ການນຳບັນດາຄະນະ, ຫົວໜ່ວຍ, ບັນດາອົງການຈັດຕັ້ງມິດຕະພາບ ຫວຽດນາມ ກໍໄດ້ປະຕິບັດສຳເລັດໜ້າທີ່ເປັນຢ່າງດີ ໃນ 6 ເດືອນຕົ້ນປີ. ໃນໄລຍະຈະມາເຖິງ, ສະຫະພັນບັນດາອົງການຈັດຕັ້ງມິດຕະພາບຫວຽດນາມ ຈະສືບຕໍ່ເພີ່ມທະວີຄວາມສາມັກຄີ ແລະ ຄວາມໝັ້ນຄົງເຂັ້ມແຂງ, ເຊີດຊູຈິດໃຈແບບຢ່າງຂອງສະມາຊິກພັກ, ສຸມໃສ່ບຳລຸງສ້າງພະນັກງານທີ່ມີຄວາມສາມາດ ມີຄວາມອຸ່ນອ່ຽນຕິດພັນ, ອຸທິດສ່ວນ...
ບັນດາໝາກຜົນທີ່ບັນລຸໄດ້ໃນ 6 ເດືອນຕົ້ນປີ 2022 ແມ່ນໜຶ່ງໃນບັນດາພື້ນຖານສຳຄັນໃຫ້ບັນດາຜູ້ແທນທີ່ກອງປະຊຸມທົ່ວປະເທດວຽກງານພົວພັນຕ່າງປະເທດປະຊາຊົນ ປີ 2022 (ດຳເນີນໃນຕອນເຊົ້າວັນທີ 7 ກໍລະກົດ ຢູ່ ກາວບັ່ງ) ພ້ອມກັນປຶກສາຫາລື, ແບ່ງປັນປະສົບການ, ຜ່ານນັ້ນ ສະເໜີແນວຄວາມຄິດໃໝ່ ແລະ ສະເຫນີຫຼາຍມາດຕະການແກ້ໄຂເພື່ອບູລະນະອົງການຈັດຕັ້ງ ແລະ ຍົກສູງປະສິດທິຜົນຂອງການພົວພັນຕ່າງປະເທດປະຊາຊົນ.
ບູນມີ
