 | ປະມານ 500 ຄົນເຂົ້າຮ່ວມວັນແຮງງານ ຫວຽດນາມ ຢູ່ຍີ່ປຸ່ນ ປີ 2024 |
| ໝູ່ບ້ານຜັກ ຈ່າເກວ - “ໝູ່ບ້ານທ່ອງທ່ຽວດີກ່ວາໝູ່ໃນໂລກ” ປີ 2024 |
ໃນປີ 2024, ໂລກສືບຕໍ່ມີວິວັດການຂອງການຜັນປ່ຽນຢ່າງເລິກເຊິ່ງ, ມີຫຼາຍການຜັນແປໃຫມ່ ແລະ ສະຫຼັບສັບຊ້ອນທີ່ສົ່ງຜົນກະທົບຕໍ່ທຸກດ້ານຂອງຊີວິດສັງຄົມ. ປີ 2024 ກໍ່ແມ່ນປີທີ່ປະເທດກ້າວເຂົ້າສູ່ໄລຍະປະເທດຊາດຮີບເຮັ່ງປະຕິບັດບັນດາມະຕິຂອງກອງປະຊຸມໃຫຍ່ຄັ້ງທີ 13 ຢ່າງມີໄຊ. ໃນສະພາບການນັ້ນ, ວຽກງານການຕ່າງປະເທດໄດ້ຮັບການຜັນຂະຫຍາຍຢ່າງຄົບຊຸດ ແລະ ມີປະສິດທິຜົນ ດ້ວຍບັນດາການເຄື່ອນໄຫວທີ່ຟົດຟື້ນ, ບັນລຸໄດ້ໝາກຜົນຕັ້ງໜ້າຫຼາຍຢ່າງ.
ປະຕິບັດແນວທາງການຕ່າງປະເທດຂອງກອງປະຊຸມໃຫຍ່ທົ່ວປະເທດຄັ້ງທີ 13 ຂອງພັກຢ່າງມີໄຊ
ບັນດາການເຄື່ອນໄຫວວຽກງານການຕ່າງປະເທດ, ພິເສດແມ່ນວຽກງານການຕ່າງປະເທດຂັ້ນສູງໄດ້ຮັບການປະຕິບັດຢ່າງຟົດຟື້ນ, ຍົກລະດັບການພົວພັນຕ່າງປະເທດຂອງປະເທດຊາດ. ໂດຍຕິດແທດກັບແນວທາງການຕ່າງປະເທດຂອງກອງປະຊຸມໃຫຍ່ທົ່ວປະເທດຄັ້ງທີ 13 ຂອງພັກ, ພາຍໃຕ້ການນຳພາ ແລະ ຊີ້ນຳຢ່າງໃກ້ຊິດຂອງສູນກາງພັກ, ກົມການເມືອງ, ຄະນະເລຂາທິການ ແລະ ບັນດາການນຳພັກ, ລັດ, ການເຄື່ອນໄຫວວຽກງານການຕ່າງປະເທດ ປີ 2024 ໄດ້ຮັບການຜັນຂະຫຍາຍຢ່າງເປັນລະບົບ ແລະ ກວ້າງຂວາງກັບຫຼາຍຄູ່ຮ່ວມມື, ຫຼາຍເວທີປາໄສ ແລະ ກົນໄກຫຼາຍຝ່າຍທີ່ສຳຄັນ.
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິ໋ງ ພ້ອມດ້ວຍຄະນະຜູ້ແທນ ຫວຽດນາມ ໄດ້ດຳເນີນການຢ້ຽມຢາມ ສ.ເກົາຫຼີ ຢ່າງເປັນທາງການແຕ່ວັນທີ 30 ມິຖຸນາ ຫາ ວັນທີ 3 ກໍລະກົດ. |
ສະພາບການການຕ່າງປະເທດທີ່ສະດວກ ແລະ ເປີດກວ້າງ ໄດ້ຮັບການປັບປຸງ, ສ້າງພື້ນຖານອັນໜັກແໜ້ນໃຫ້ແກ່ການປົກປັກຮັກສາ ແລະ ສ້າງສາປະເທດຊາດ. ຫວຽດນາມ ໄດ້ສ້າງຕັ້ງການພົວພັນທາງການທູດກັບ 194 ປະເທດ, ຍົກລະດັບການພົວພັນເປັນຄູ່ຮ່ວມມືຍຸດທະສາດຮອບດ້ານກັບ ອົດສະຕາລີ, ຝລັ່ງ ແລະ ມາເລເຊຍ, ຍົກລະດັບການພົວພັນເປັນຄູ່ຮ່ວມມືຍຸດທະສາດກັບ ບຣາຊິນ ແລະ ສ້າງຕັ້ງການພົວພັນຄູ່ຮ່ວມມືຮອບດ້ານກັບ ມົງໂກນ ແລະ UAE, ຍົກຍອດຈໍານວນຄູ່ຮ່ວມມືທີ່ ຫວຽດນາມ ມີຂອບເຂດການພົວພັນເປັນ 32 ຄູ່ຮ່ວມມື ແລະ ໄດ້ລົງນາມໃນຂໍ້ຕົກລົງຮ່ວມມື 170 ກວ່າສະບັບໃນຫຼາຍຂົງເຂດ. ສິ່ງດັ່ງກ່າວ ດ້ານໜຶ່ງໄດ້ສະແດງໃຫ້ເຫັນເຖິງຄວາມຂະຫຍັນຂັນເຂື່ອນ, ເປັນເຈົ້າການຂອງການຕ່າງປະເທດ ແລະ ການທູດ ຫວຽດນາມ, ອີກດ້ານໜຶ່ງ ແມ່ນສະແດງໃຫ້ເຫັນຄວາມເຄົາລົບນັບຖືຂອງບັນດາປະເທດສຳລັບຄຸນຄ່າ, ບົດບາດທີ່ຕັ້ງຍຸດທະສາດຂອງ ຫວຽດນາມ ແລະ ປາດຖະໜາຢາກຊຸກຍູ້ການພົວພັນຕ່າງປະເທດກັບ ຫວຽດນາມ ໃຫ້ເລິກເຊິ່ງກວ່າ.
ພ້ອມກັນນັ້ນ, ທ່າແຮງ ແລະ ກຳລັງແຮງຂອງປະເທດ ກໍ່ໄດ້ຍົກສູງຈາກການກະທົບຮ່ວມຢ່າງມີປະສິດທິຜົນຂອງວຽກງານຂໍ້ມູນຂ່າວສານການຕ່າງປະເທດ, ການທູດວັດທະນະທຳ, ວຽກງານຊາວ ຫວຽດນາມ ຢູ່ຕ່າງປະເທດ ແລະ ປົກປ້ອງພົນລະເມືອງ. ການທູດໄດ້ປະກອບສ່ວນຂົນຂວາຍຢ່າງສຳເລັດຜົນໂດຍອົງການ UNESCO ຈົດທະບຽນອີກ 6 ນາມມະຍົດ/ມໍລະດົກ, ຍົກຍອດຈຳນວນນາມມະຍົດຈາກ UNESCO ຂຶ້ນເຖິງ 71 ຊື່, ແມ່ນແຫຼ່ງຊັບພະຍາກອນໃໝ່ໃຫ້ແກ່ການພັດທະນາເສດຖະກິດ, ວັດທະນະທຳ, ສັງຄົມຢູ່ທ້ອງຖິ່ນຢ່າງໝັ້ນຄົງ. ວຽກງານຊາວ ຫວຽດນາມ ຢູ່ຕ່າງປະເທດໄດ້ປະຕິບັດນະໂຍບາຍເບິ່ງແຍງດູແລຂອງພັກ ແລະ ລັດທີ່ມີຕໍ່ປະຊາຊົນເກືອບ 6 ລ້ານຄົນເປັນຢ່າງດີ, ລະດົມແຫຼ່ງຊັບພະຍາກອນ ເພື່ອການພັດທະນາດ້ວຍໂຄງການລົງທຶນນັບພັນໂຄງການ ແລະ ບ້ວງເງິນຕາກັບເຂົ້າປະເທດຫຼາຍສິບຕື້ໂດລາສະຫະລັດ (USD).
ບັນດາຜົນສຳເລັດອັນສຳຄັນ ແລະ ມີຄວາມໝາຍໃນ ປີ 2024 ແມ່ນຕິດພັນກັບການນຳພາ, ຊີ້ນຳຢ່າງໃກ້ຊິດ ແລະ ບັນດານະໂຍບາຍຊີ້ຂາດທີ່ສະຫຼາດສ່ອງໃສ ແລະ ທັນການຂອງສູນກາງພັກ, ກົມການເມືອງ ແລະ ຄະນະເລຂາທິການ. ຜົນສຳເລັດດັ່ງກ່າວ ແມ່ນການເຕົ້າໂຮມຄວາມມານະພະຍາຍາມ, ຮ່ວມແຮງກຳລັງ ແລະ ຮ່ວມຈິດຮ່ວມໃຈຂອງທຸກຂະແໜງການ, ທຸກຂັ້ນ ແລະ ລະບົບການເມືອງທັງໝົດ, ໃນນັ້ນ ມີການປະກອບສ່ວນຢ່າງຕັ້ງໜ້າຂອງກຳລັງທີ່ເຮັດວຽກງານການຕ່າງປະເທດ.
ສ້າງທ່ວງທ່ານຳປະເທດຊາດກ້າວເຂົ້າສູ່ສັງກາດໃໝ່
ປີ 2025 ເປັນປີທີ່ສຳຄັນ, ມີຄວາມໝາຍພິເສດຕໍ່ປະເທດ ຫວຽດນາມ, ເປັນປີສະເຫຼີມສະຫຼອງ 80 ປີແຫ່ງວັນສ້າງຕັ້ງປະເທດຊາດ ແລະ 50 ປີແຫ່ງການທ້ອນໂຮມປະເທດຊາດ, ເປັນປີສຸດທ້າຍທີ່ຕັດສິນການປະຕິບັດມະຕິກອງປະຊຸມໃຫຍ່ທົ່ວປະເທດຄັ້ງທີ 13 ຂອງພັກຢ່າງມີໄຊ, ພ້ອມກັນນັ້ນ ຍັງເປັນປີສຳຄັນທີ່ກ້າວເຂົ້າສູ່ສັງກາດແຫ່ງການບືນຕົວຂຶ້ນຂອງຊາດ. ປະເທດ ຫວຽດນາມ ພວມປະເຊີນໜ້າກັບຈຸດເລີ່ມຕົ້ນປະຫວັດສາດໃໝ່, ກຳນົດໜ້າທີ່ການຕ່າງປະເທດ ແລະ ການທູດໃໝ່.
ສະນັ້ນ, ໜ້າທີ່ກວມລວມຂອງການຕ່າງປະເທດ ແລະ ການທູດ ປີ 2025 ກໍ່ຄືໃນໄລຍະໃໝ່ແມ່ນສືບຕໍ່ສືບທອດບັນດາເປົ້າໝາຍ, ຫຼັກການ, ທິດນຳ, ແບບວິທີການພົວພັນຕ່າງປະເທດທີ່ໄດ້ຮັບການຢືນຢັນໃນໄລຍະ 80 ປີແຫ່ງພື້ນຖານການທູດ, ການພົວພັນຕ່າງປະເທດຂອງການປະຕິວັດ ຫວຽດນາມ. ພ້ອມກັນນັ້ນ, ດ້ວຍບັນດາການຜັນແປອັນໃຫຍ່ຫຼວງຂອງຍຸກສະໄໝ, ໄດ້ວາງອອກໃຫ້ການຕ່າງປະເທດ ແລະ ການທູດ ຫວຽດນາມ ຕ້ອງມີບັນດາການປ່ຽນແປງໃໝ່ພື້ນຖານ ເພື່ອຕອບສະໜອງຄວາມຮຽກຮ້ອງຕ້ອງການຂອງໄລຍະໃໝ່.
 |
| ວັນທີ 29 ສິງຫາ, ຢູ່ ຮ່າໂນ້ຍ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລິມ ໄດ້ມີການພົບປະເຮັດວຽກກັບຄະນະພັກກະຊວງການຕ່າງປະເທດ ຫວຽດນາມ ກ່ຽວກັບປະຕິບັດນະໂຍບາຍການຕ່າງປະເທດຂອງກອງປະຊຸມໃຫຍ່ຄັ້ງທີ 13 ຂອງພັກ ແລະ ການພັດທະນາຂະແໜງການການທູດ. |
ອັນທີໜຶ່ງແມ່ນ, ເສີມຂະຫຍາຍບົດບາດ “ສຳຄັນ ແລະ ເປັນປະຈຳ”, ປັບປຸງສະພາບການການຕ່າງປະເທດທີ່ສະດວກໃຫ້ແກ່ປະເທດຊາດ, ສ້າງຂອບເຂດການພົວພັນທີ່ໝັ້ນຄົງໃນຕໍ່ໜ້າການຜັນແປຢ່າງເລິກເຊິ່ງຂອງຍຸກສະໄໝ. ໃນໂລກທີ່ຕ້ອງເອື່ອຍອີງກັນຄືປະຈຸບັນ, ຄວາມໝັ້ນຄົງ ແລະ ການພັດທະນາຂອງບັນດາປະເທດລ້ວນແຕ່ບໍ່ສາມາດຕັດແຍກອອກຈາກສະພາບແວດລ້ອມພາກພື້ນ ແລະ ສາກົນພາຍນອກ. ຂອບຂະໜາດຂອງການພົວພັນຕ່າງປະເທດໃໝ່ພາຍຫຼັງການຍົກລະດັບ ແລະ ຍົກສູງຂອບເຂດການພົວພັນກັບບັນດາປະເທດນັບແຕ່ຕົ້ນສະໄໝມາຮອດປະຈຸບັນ ໄດ້ຍົກອອກຄວາມຮຽກຮ້ອງຕ້ອງການໃໝ່ ກ່ຽວກັບການສ້າງຄວາມຍືນຍົງໃນບັນດາການພົວພັນດ້ວຍຄວາມໄວ້ເນື້ອເຊື່ອໃຈດ້ານການເມືອງທີ່ສູງຂຶ້ນ, ການຮ່ວມມືຢ່າງເລິກເຊິ່ງກ່ວາອີກ ແລະ ມີຜົນປະໂຫຍດສະຫຼັບກັນຫຼາຍກວ່າອີກ.
ອັນທີສອງແມ່ນ, ການຕ່າງປະເທດມີບົດບາດສ້າງ, ເປັນກຳລັງໜູນ, ເປີດກາລະໂອກາດໃໝ່ໃຫ້ແກ່ປະເທດຊາດ, ເຊື່ອມຕໍ່ກຳລັງພາຍໃນກັບກຳລັງພາຍນອກ, ໃນນັ້ນກຳລັງພາຍໃນແມ່ນພື້ນຖານ ແລະ ຍາວນານ, ກຳລັງພາຍນອກແມ່ນສຳຄັນ ແລະ ບຸກທະລຸ. ນັ້ນແມ່ນແຫຼ່ງກຳລັງການຄ້າ ແລະ ການລົງທຶນ, ແມ່ນບັນດາທ່າອ່ຽງພັດທະນາ ແລະ ເຊື່ອມໂຍງເສດຖະກິດ, ແມ່ນຄວາມເປັນລະບຽບຮຽບຮ້ອຍຂອງໂລກຫຼາຍຂົ້ວ, ຫຼາຍໃຈກາງ, ບົນພື້ນຖານກົດໝາຍສາກົນ, ແມ່ນກຳລັງແຮງຂອງສັງກາດປະຕິວັດວິທະຍາສາດເຕັກໂນໂລຊີ, ເສດຖະກິດພູມປັນຍາ...
ອັນທີສາມແມ່ນ, ວິທີການເຂົ້າເຖິງການຕ່າງປະເທດໃໝ່ຈາກການຮັບໄປເຖິງການປະກອບສ່ວນ, ຈາກການຮຽນຮູ້ໄປເຖິງການນຳໜ້າ, ຈາກການເຊື່ອມໂຍງຢ່າງເລິກເຊິ່ງໄປເຖິງການເຊື່ອມໂຍງຢ່າງຄົບຖ້ວນ, ຈາກປະເທດຢູ່ທາງດ້ານຫຼັງໄປເຖິງປະເທດພວມບືນຕົວຂຶ້ນ, ພ້ອມແລ້ວທີ່ຈະຮັບພາລະໜ້າທີ່ໃໝ່. ທ່າແຮງ ແລະ ກຳລັງແຮງໃໝ່ຂອງປະເທດຊາດໄດ້ມີການປ່ຽນແປງ, ເຮັດໃຫ້ ຫວຽດນາມ ມີຄວາມສາມາດ ແລະ ເງື່ອນໄຂເຂົ້າຮ່ວມຢ່າງເລິກເຊິ່ງ, ມີຄວາມຮັບຜິດຊອບກວ່າ, ແຕ່ຍັງໄດ້ຮັບການຕັ້ງຫວັງຈະປະກອບສ່ວນຫຼາຍກວ່າອີກໃນການແກ້ໄຂບັນດາບັນຫາລວມຂອງໂລກ.
ອັນທີສີ່ແມ່ນ, ເສີມຂະຫຍາຍ “ກຳລັງແຮງການດຶງດູດ” ຂອງປະເທດຊາດໃຫ້ເໝາະສົມກັບຂອບຂະໜາດປະຫວັດສາດ ແລະ ວັດທະນະທຳ, ທີ່ຕັ້ງຖານະທາງການເມືອງ, ເສດຖະກິດຂອງປະເທດຊາດ. “ກຳລັງແຮງດຶງດູດ” ຂອງ ຫວຽດນາມ ແມ່ນພື້ນຖານວັດທະນະທຳທີ່ອຸດົມສົມບູນດ້ວຍສີສັນແຫ່ງຊາດ, ບັນດາຜົນງານອັນໃຫຍ່ຫຼວງ, ມີຄວາມໝາຍທາງປະຫວັດສາດໃນຂະບວນການປ່ຽນແປງໃໝ່, ແມ່ນນະໂຍບາຍການຕ່າງປະເທດທີ່ມີສັນຕິພາບ, ການແກ້ໄຂບັນຫາສາກົນຢ່າງກົມກຽວກັນ, ສົມເຫດສົມຜົນ, ເຄົາລົບກົດໝາຍສາກົນ, ຄວາມເຫັນດີເຫັນພ້ອມ ແລະ ການສະໜັບສະໜູນຂອງປະຊາຊົນໃນໂລກ.
ອັນທີຫ້າແມ່ນ, ເພື່ອປະຕິບັດວຽກງານດັ່ງກ່າວໃຫ້ມີໄຊ, ສິ່ງໜຶ່ງທີ່ຈຳເປັນຫຼັກແຫຼ່ງແມ່ນສ້າງແນວທາງນະໂຍບາຍການຕ່າງປະເທດ ແລະ ການທູດ ຫວຽດນາມ ຢ່າງຮອບດ້ານ, ທັນສະໄໝ ແລະ ເປັນມືອາຊີບ. ໃນການຈັດຕັ້ງກົງຈັກ, ບູລະນະການຈັດຕັ້ງກົງຈັກບັນດາອົງການເຮັດວຽກງານການຕ່າງປະເທດຕາມທິດກະທັດຮັດ, ເຄື່ອນໄຫວຢ່າງມີປະສິດທິພາບ, ປະສິດທິຜົນ ແລະ ກໍ່ສ້າງພັກປອດໃສເຂັ້ມແຂງ.
 | ຫວຽດນາມ - ອິນເດຍ ດຳເນີນການຝຶກຊ້ອມສອງຝ່າຍຢູ່ພູມສາດຕົວຈິງ ກ່ຽວກັບການຮັກສາສັນຕິພາບ ສປຊ ປີ 2024 ຍສໝ - ການຝຶກຊ້ອມສອງຝ່າຍກ່ຽວກັບການຮັກສາສັນຕິພາບຂອງສະຫະປະຊາຊາດ (ສປຊ) ລະຫວ່າງຫວຽດນາມ ແລະອິນເດຍ ປີ 2024 (VINBAX 2024) ພວມດຳເນີນໄປດ້ວຍການເຄື່ອນໄຫວແທດຈິງຫຼາຍຢ່າງລະຫວ່າງກຳລັງການແພດທະຫານ, ທະຫານຊ່າງແສງ ຮັກສາສັນຕິພາບຂອງຫວຽດນາມ ແລະອິນເດຍ ທີ່ກອງພັນໃຫຍ່ຊ່າງແສງ 67 ຂຶ້ນກັບກອງພົນນ້ອຍຊ່າງແສງ 474, ທະຫານພາກຕາເວັນຕົກ ເຊິ່ງຕັ້ງທັບຢູ່ໃນ Ambala ແລະກອງພົນນ້ອຍ 474 ຢູ່ Chandimandir, ... |
 | ປິດຊຸດຝຶກອົບຮົມວຽກງານແມ່ຍິງ ໃຫ້ແກ່ພະນັກງານຍິງກອງທັບປະຊາຊົນລາວ ປີ 2024 ຍສໝ - ຕອນບ່າຍວັນທີ 11 ພະຈິກ, ຢູ່ຮ່າໂນ້ຍ, ກົມໃຫຍ່ການເມືອງ ກອງທັບປະຊາຊົນຫວຽດນາມ ໄດ້ຈັດຕັ້ງພິທີປິດຊຸດຝຶກອົບຮົມວຽກງານແມ່ຍິງໃຫ້ແກ່ພະນັກງານຍິງກອງທັບປະຊາຊົນລາວປີ 2024. |
ມິງດຶກ
