 | ນາຍົກລັດຖະມົນຕີ ຫວຽດນາມ ແລະ ນາຍົກລັດຖະມົນຕີ ມາເລເຊຍ ໄປຢ້ຽມຢາມຖະໜົນປື້ມ ຮ່າໂນ້ຍ |
| ທ່ານ ນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໂອ້ລົມທາງໂທລະສັບກັບທ່ານ ນາຍົກລັດຖະມົນຕີ ຍີ່ປຸ່ນ Suga Yoshihide |
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກ່າວຄຳປາໄສທີ່ການພົບປະກັບບັນດາພະນັກງານ, ລັດຖະກອນສະຖານທູດ ແລະ ປະຊາຄົມຊາວ ຫວຽດນາມ ປະຈຳ ບຣາຊິນ |
ເຂົ້າຮ່ວມມີບັນດາສະມາຊິກຄະນະຜູ້ແທນ ຫວຽດນາມ ທີ່ໄປເຂົ້າຮ່ວມກອງປະຊຸມສຸດຍອດ G20 ແລະ ດຳເນີນບັນດາການເຄື່ອນໄຫວສອງຝ່າຍຢູ່ Rio de Janeiro, ປະເທດ ບຣາຊິນ.
ກ່າວຄຳປາໄສທີ່ການພົບປະ, ທ່ານເອກອັກຄະລັດຖະທູດ ຫວຽດນາມ ປະຈຳ ບຣາຊິນ ບຸຍວັນຫງິ ເນັ້ນໜັກວ່າ: ການເຂົ້າຮ່ວມກອງປະຊຸມສຸດຍອດ G20 ຂອງທ່ານນາຍົກລັດຖະມົນຕີ ຟ້າມມິງຈິງ ແມ່ນຂີດໝາຍສຳຄັນ, ເນື່ອງໃນໂອກາດສະເຫຼີມສະຫຼອງ 35 ປີແຫ່ງວັນສ້າງຕັ້ງການພົວພັນທາງການທູດ ແລະ 17 ປີແຫ່ງການສ້າງຕັ້ງການພົວພັນຄູ່ຮ່ວມມືຮອບດ້ານລະຫວ່າງສອງປະເທດ, ຫຼັງຈາກການຢ້ຽມຢາມປະເທດ ບຣາຊິນ ຢ່າງເປັນທາງການຂອງນາຍົກລັດຖະມົນຕີ ຫວຽດນາມ ໃນປີ 2023.
ທ່ານເອກອັກຄະລັດຖະທູດ ກໍ່ໃຫ້ຮູ້ວ່າ: ປະຈຸບັນ ບຣາຊິນ ແມ່ນຄູ່ຮ່ວມມືການຄ້າໃຫຍ່ທີ່ສຸດຂອງ ຫວຽດນາມ ຢູ່ ອາເມລິກາລາຕິນ, ເປັນອັນດັບສອງຂອງທະວີບອາເມລິກາ, ແຕ່ການຮ່ວມມືດ້ານການຄ້າ ແລະ ການລົງທຶນຍັງບໍ່ທັນສົມກັບການພົວພັນທາງການເມືອງ - ການທູດທີ່ດີ ແລະ ຍັງມີຄວາມສາມາດບົ່ມຊ້ອນອັນໃຫຍ່ຫຼວງ.
ສະຖານທູດຈະສືບຕໍ່ຊຸກຍູ້ການເລີ່ມຕົ້ນເຈລະຈາສັນຍາການຄ້າເສລີ (FTA) ຫວຽດນາມ ກັບກຸ່ມຕະຫຼາດຮ່ວມອາເມລິກາໃຕ້ (MERCOSUR), ຄາດວ່າ ສັນຍາຈະສ້າງບາດກ້າວບຸກທະລຸໃນການພົວພັນດ້ານການຄ້າ, ຈະຊ່ວຍຊຸກຍູ້ການແລກປ່ຽນສິນຄ້າ ແລະ ການລົງທຶນລະຫວ່າງ ຫວຽດນາມ ແລະ ບຣາຊິນ ເວົ້າສະເພາະ ແລະ ບັນດາປະເທດໃນກຸ່ມ ເວົ້າລວມ.
ກ່າວຄຳປາໄສທີ່ການພົບປະ, ທ່ານນາຍົກລັດຖະມົນຕີ ຟ້າມມິງຈິງ ໄດ້ສະແດງຄວາມປິຕິຍິນດີທີ່ໄດ້ພົບປະປະຊາຄົມ ຊາວຫວຽດນາມ ຢູ່ ບຣາຊິນ ພາຍຫຼັງ 1 ປີຜ່ານມາ ແລະ ຕາງໜ້າໃຫ້ທ່ານເລຂາທິການໃຫຍ່ ໂຕເລິມ, ປະທານປະເທດ ເລືອງເກື່ອງ, ປະທານສະພາແຫ່ງຊາດ ເຈີ່ນແທງເໝີ໊ນ ສົ່ງຄຳຢື້ຢາມຖາມຂ່າວດ້ວຍຄວາມນັບຖືຢ່າງສູງ ແລະ ຄຳອວຍພອນອັນດີງາມເຖິງພໍ່ແມ່ປະຊາຊົນ.
 |
| ທ່ານນາຍົກລັດຖະມົນຕີໄດ້ໄປຢ້ຽມຢາມຖາມຂ່າວ ແລະ ໃຫ້ກຳລັງໃຈປະຊາຄົມ ຊາວຫວຽດນາມ ຢູ່ ບຣາຊິນ |
ໂດຍແບ່ງປັນກັບພໍ່ແມ່ປະຊາຊົນກ່ຽວກັບສະພາບຂອງປະເທດຊາດ, ທ່ານນາຍົກລັດຖະມົນຕີ ໃຫ້ຮູ້ວ່າ: ມາຮອດປະຈຸບັນ, ຫວຽດນາມ ໄດ້ສ້າງລະບົບທິດສະດີສັງຄົມນິຍົມ ແລະ ເສັ້ນທາງກ້າວສູ່ສັງຄົມນິຍົມຢູ່ ຫວຽດນາມ ໂດຍພື້ນຖານ.
ໂດຍແຈ້ງກ່ຽວກັບບັນດາປັດໄຈພື້ນຖານ, 6 ໜ້າທີ່ໃຈກາງໃນການພັດທະນາເສດຖະກິດ, ຮັບປະກັນການປ້ອງກັນຊາດ - ປ້ອງກັນຄວາມສະຫງົບ, ການຕ່າງປະເທດ ແລະ ເຊື່ອມໂຍງ, ພັດທະນາວັດທະນະທຳ, ຮັບປະກັນຊີວິດສັງຄົມ, ກໍ່ສ້າງພັກ ແລະ ລະບົບການເມືອງ, ປະຕິບັດ 3 ບຸກທະລຸຍຸດທະສາດ, ທ່ານນາຍົກລັດຖະມົນຕີ ກໍ່ໄດ້ເນັ້ນໜັກເຖິງບັນດາຜົນງານທີ່ສຳຄັນ ແລະ ມີຄວາມໝາຍທາງປະຫວັດສາດຂອງ ຫວຽດນາມ ພາຍຫຼັງເກືອບ 40 ປີແຫ່ງການປ່ຽນແປງໃໝ່.
ທ່ານນາຍົກລັດຖະມົນຕີ ຕີລາຄາວ່າ: ພາຍຫຼັງ 35 ປີແຫ່ງການສ້າງຕັ້ງການພົວພັນທາງການທູດ (ນັບແຕ່ປີ 1989), ພິເສດ ແມ່ນນັບແຕ່ຍາມສ້າງຕັ້ງການພົວພັນຄູ່ຮ່ວມມືຮອບດ້ານໃນປີ 2007, ສາຍພົວພັນຮ່ວມມື ຫວຽດນາມ - ບຣາຊິນ ພວມສືບຕໍ່ພັດທະນາຢ່າງຕັ້ງໜ້າໃນທຸກຂົງເຂດ, ການພົວພັນດ້ານການເມືອງນັບມື້ນັບສະໜິດສະໜົມ ແລະ ມີຄວາມໄວ້ເນື້ອເຊື່ອໃຈ, ໃນຂະນະທີ່ການພົວພັນດ້ານເສດຖະກິດການຄ້ານັບມື້ນັບເພີ່ມຂຶ້ນ, ການຮ່ວມມືດ້ານການປ້ອງກັນຊາດໄດ້ຮັບການຊຸກຍູ້...
2 ພື້ນຖານເສດຖະກິດ ຫວຽດນາມ ແລະ ບຣາຊິນ ຍັງມີຫຼາຍຂົງເຂດ ແລະ ຜະລິດຕະພັນທີ່ມີລັກສະນະເພີ່ມເຕີມໃຫ້ກັນສູງ. ດ້ານອື່ນ, ການພົວພັນລະຫວ່າງສອງປະເທດມີພື້ນຖານມາແຕ່ດົນນານ, ນະຄອນ Rio de Janeiro ແມ່ນບ່ອນທີ່ປະທານ ໂຮ່ຈີມິນ ເຄີຍຢຸດຢູ່ທີ່ນີ້ເມື່ອ 112 ປີກ່ອນໃນການເດີນທາງຊອກຫາເສັ້ນທາງກູ້ຊາດ.
ທ່ານນາຍົກລັດຖະມົນຕີ ໃຫ້ຮູ້ວ່າ ຄາດວ່າໃນການເດີນທາງໄປປະຕິບັດງານຄັ້ງນີ້, ສອງຝ່າຍຈະຍົກລະດັບການພົວພັນ, ຊຸກຍູ້ການຮ່ວມມືໃນທຸກຂົງເຂດ, ພິເສດແມ່ນການຄ້າ, ການລົງທຶນ, ການຮ່ວມມືດ້ານແຮງງານ, ການສຶກສາ ແລະ ກໍ່ສ້າງບຸກຄະລາກອນ…
ຕາມທ່ານນາຍົກລັດຖະມົນຕີແລ້ວ, ປະຈຸບັນ, ປະຊາຄົມ ຊາວຫວຽດນາມ ໃນໂລກມີກ່ວາ 6 ລ້ານຄົນ, ໃນນັ້ນມີປະມານ 10% ແມ່ນປັນຍາຊົນ, ເຄື່ອນໄຫວໃນຫຼາຍຂົງເຂດທີ່ແຕກຕ່າງກັນ. ປະຊາຄົມ ຊາວຫວຽດນາມ ຢູ່ຕ່າງປະເທດນັບມື້ນັບພັດທະນາຢ່າງເຕີບໃຫຍ່ເຂັ້ມແຂງ, ພິເສດແມ່ນໃນການເຊື່ອມໂຍງການ, ການປ່ຽນແປງໃໝ່ ແລະ ປະດິດສ້າງ.
ໂດຍຜ່ານບົດລາຍງານຂອງທ່ານເອກອັກຄະລັດຖະທູດ ແລະ ຄຳເຫັນຂອງປະຊາຊົນ, ທ່ານນາຍົກລັດຖະມົນຕີ ໄດ້ຕີລາຄາສູງບັນດາຄວາມມານະພະຍາຍາມຂອງປະຊາຄົມ ຊາວຫວຽດນາມ ອາໄສຢູ່ ບຣາຊິນ ໃນການຮັກສາຄວາມເປັນປົກກະຕິການດຳລົງຊີວິດ, ເຊື່ອມໂຍງເຂົ້າກັບສັງຄົມຂອງປະເທດເຈົ້າພາບເປັນຢ່າງດີ, ປະກອບສ່ວນເຂົ້າໃນການພົວພັນມິດຕະພາບລະຫວ່າງ 2 ປະເທດ.
ທ່ານນາຍົກລັດຖະມົນຕີ ຢືນຢັນວ່າ ພັກ ແລະ ລັດ ຫວຽດນາມ ຍາມໃດກໍ່ເອົາໃຈໃສ່ເຖິງປະຊາຄົມ ຊາວຫວຽດນາມ ຢູ່ຕ່າງປະເທດ ເວົ້າລວມ ແລະ ວົງຄະນະຍາດໃນປະເທດ ບຣາຊິນ ເວົ້າສະເພາະ ແມ່ນສ່ວນໜຶ່ງທີ່ຂາດບໍ່ໄດ້ຂອງປະຊາຄົມບັນດາເຜົ່າ ຫວຽດນາມ. ລະບົບກົນໄກ, ນະໂຍບາຍນັບມື້ນັບສະດວກໃຫ້ ຊາວຫວຽດນາມ ຢູ່ຕ່າງປະເທດ, ໃນນັ້ນ ມີນະໂຍບາຍທີ່ຢູ່ອາໄສ.
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ພ້ອມດ້ວຍພັນລະຍາ, ພະນັກງານ, ລັດຖະກອນສະຖານທູດ ແລະ ປະຊາຄົມ ຊາວຫວຽດນາມ ປະຈຳ ບຣາຊິນ |
ທ່ານນາຍົກລັດຖະມົນຕີ ຍັງໃຫ້ຮູ້ຕື່ມອີກວ່າ: ເພື່ອບັນລຸ 2 ເປົ້າໝາຍ 100 ປີ (ໃນປີ 2030, ສະເຫຼີມສະຫຼອງ 100 ປີແຫ່ງວັນສ້າງຕັ້ງພັກ ແລະ ໃນປີ 2045, ສະເຫຼີມສະຫຼອງ 100 ປີແຫ່ງວັນສ້າງຕັ້ງປະເທດ ຫວຽດນາມ ປະຊາທິປະໄຕ ສາທາລະນະລັດ, ປະຈຸບັນແມ່ນ ສາທາລະນະລັດ ສັງຄົມນິຍົມ ຫວຽດນາມ), ເຊິ່ງໃນຊຸມປີທີ່ຈະມາເຖິງ, ຫວຽດນາມ ຕ້ອງບັນລຸການເຕີບໂຕເປັນສອງຕົວເລກໃນແຕ່ລະປີ, ດ້ວຍວິໄສທັດ ແລະ ການພັດທະນາຢ່າງບຸກທະລຸ.
ຕາມທ່ານນາຍົກລັດຖະມົນຕີແລ້ວ, ໃນຂະບວນວິວັດນີ້, ປະຊາຊົນແຕ່ລະຄົນ, ໃນນັ້ນມີ ຊາວຫວຽດນາມ ຢູ່ຕ່າງປະເທດຕ້ອງເສີມຂະຫຍາຍຈົນສຸດຄວາມສາມາດຂອງຕົນ, ການທູດກໍ່ຕ້ອງສູງກວ່າ, ເລິກເຊິ່ງກ່ວາອີກ, ເສີມຂະຫຍາຍຈິດໃຈເປັນເຈົ້າຕົນເອງ, ເຊື່ອໝັ້ນຕົນເອງ, ອີງໃສ່ກຳລັງແຮງຂອງຕົນ, ສ້າງຄວາມເຂັ້ມແຂງດ້ວຍຕົນເອງ ແລະ ຄວາມເອກອ້າງທະນົງໃຈຂອງຊາດ.
 | ທ່ານ ຫງວຽນຊວນຟຸກ ນາຍົກລັດຖະມົນຕີ ສສ.ຫວຽດນາມ ໄດ້ມີການພົບປະເຈລະຈາ ກັບ ທ່ານ ທອງລຸນ ສີສຸລິດ ນາຍົກລັດຖະມົນຕີ ສປປ.ລາວ ຍສໝ - ໂດຍຕອບສະໜອງຕາມຄຳເຊີນຂອງ ທ່ານນາຍົກລັດຖະມົນຕີ ສສ.ຫວຽດນາມ ຫງວຽນຊວນຟຸກ, ວັນທີ 5 ກໍລະກົດ, ທ່ານ ທອງລຸນ ສີສຸລິດ ນາຍົກລັດຖະມົນຕີ ສປປ.ລາວ ແລະ ຄະນະຜູ້ແທນຂັ້ນສູງຂອງລັດຖະບານລາວ ໄດ້ເດີນທາງຢ້ຽມຢາມເຮັດວຽກທີ່ຫວຽດນາມ ໃນລະຫວ່າງແຕ່ວັນທີ 5 - 6 ມິຖຸນານີ້. |
 | ນາຍົກລັດຖະມົນຕີ ຫວຽດນາມ ຕ້ອນຮັບ ນາຍົກລັດຖະມົນຕີ ລາວ ຍສໝ - ໃນຕອນເຊົ້າຂອງວັນທີ 01 ມິຖຸນາ 2019, ທີ່ ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວຽນ ຊວນ ຟຸກ ໄດ້ໃຫ້ການຕ້ອນຮັບທ່ານນາຍົກລັດຖະມົນຕີ ລາວ ທອງລຸນ ສີສຸລິດ ເຊິ່ງພວມຢ້ຽມຢາມ ແລະ ເຮັດວຽກຢູ່ຫວຽດນາມ. |
ມິງດຶກ
