ຕອນບ່າຍວັນທີ 4 ກໍລະກົດ, ຢູ່ຮ່າໂນ້ຍ, ຄະນະພັກສະຫະພັນບັນດາອົງການຈັດຕັ້ງມິດຕະພາບຫວຽດນາມ ໄດ້ຈັດພິທີປະດັບຫຼຽນກາອາຍຸພັກ 30 ປີໃຫ້ທ່ານນາງ ເອກອັກຄະລັດຖະທູດ ຫງວຽນເຟືອງງາ, ປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ແລະ ທ່ານ ຫງວຽນແອງຢຸງ, ຮອງຫົວໜ້າຮັບຜິດຊອບຄະນະວຽກງານທ້ອງຖິ່ນ .
ທີ່ພິທີ, ທ່ານ ຫງວຽນຫງອກຮຸ່ງ, ກຳມະການຄະນະປະຈຳຄະນະພັກ ໄດ້ປະກາດຂໍ້ຕົກລົງເລກທີ 688 ແລະ 687-QD/DUK-HH ລົງວັນທີ 26 ເມສາ 2022 ຂອງຄະນະພັກກຸ່ມອົງການສູນກາງກ່ຽວກັບເລື່ອງປະດັບຫຼຽນກາອາຍຸພັກ 30 ປີ ຄັ້ງວັນທີ 19 ພຶດສະພາ 2022 ໃຫ້ແກ່ທ່ານນາງ ຫງວຽນເຟືອງງາ ແລະ ທ່ານ ຫງວຽນແອງຢຸງ.
 |
| ປະດັບຫຼຽນກາອາຍຸພັກ 30 ປີໃຫ້ ທ່ານນາງເອກອັກຄະລັດຖະທູດ ຫງວຽນເຟືອງງາ. |
ຕາງໜ້າໃຫ້ຄະນະປະຈຳຄະນະພັກກຸ່ມອົງການສູນກາງ, ທ່ານ ເລຊວນເລີມ, ຮອງເລຂາຄະນະພັກກຸ່ມອົງການສູນກາງ ໄດ້ຂຶ້ນປະດັບຫຼຽນກາອາຍຸພັກ 30 ປີ ໃຫ້ທ່ານນາງ ຫງວຽນເຟືອງງາ ແລະ ທ່ານ ຫງວຽນແອງຢຸງ.
ກ່າວຄຳເຫັນທີ່ພິທີ, ທ່ານນາງເອກອັກຄະລັດຖະທູດ ຫງວຽນເຟືອງງາ ໃຫ້ຄຳໝັ້ນສັນຍາຈະສືບຕໍ່ມານະພະຍາຍາມ, ຝຶກຝົນຫຼໍ່ຫຼອມຕົນເອງ, ຮໍ່າຮຽນຢ່າງບໍ່ຢຸດຢັ້ງ, ບຳລຸງສ້າງຕາມແບບຢ່າງ, ຄຸນສົມບັດ, ແບບແຜນການດົງລົງຊີວິດຂອງປະທານ ໂຮ່ຈີມິນ, ພ້ອມກັນຮັບໃຊ້ພັກ, ປະເທດ ແລະ ປະຊາຊົນຈົນສຸດ ຄວາມສາມາດຂອງຕົນ; ສູ້ຊົນພ້ອມກັບການນຳຂອງສະຫະພັນບັນດາອົງການຈັດຕັ້ງມິດຕະພາບຫວຽດນາມ ເພື່ອປະຕິບັດສຳເລັດໜ້າທີ່ດ້ວຍຄຸນນະພາບ ແລະ ປະສິດທິຜົນສູງສຸດ, ກໍ່ສ້າງໝູ່ຄະນະສາມັກຄີ ແລະ ໝັ້ນຄົງເຂັ້ມແຂງ, ສົມເປັນກຳລັງຫຼັກແຫຼ່ງຂອງວຽກງານພົວພັນຕ່າງປະເທດຂອງປະຊາຊົນ.
ບູນມີ
