| ງານພົວພັນແລກປ່ຽນວັດທະນະທຳມິດຕະພາບ ຫວຽດນາມ - ລາວ ຢູ່ຝລັ່ງ | |
| ຊຸກຍູ້ການພົວພັນຄູ່ຮ່ວມມືຮອບດ້ານ ຫວຽດນາມ - ຮຸງກາຣີ |
ເພື່ອຂ່ຳນັບຮັບຕ້ອນວັນຄອບຄົວ ຫວຽດນາມ (28 ມິຖຸນາ), ແລະ ເດືອນເຄື່ອນໄຫວ ລະດັບຊາດກ່ຽວກັບການປ້ອງກັນ, ຕ້ານການໃຊ້ຄວາມຮຸງແຮງໃນຄອບຄົວ, ຫໍພິພິຕະພັນແມ່ຍິງ ຫວຽດນາມ ໄດ້ຈັດງານວາງສະແດງ “ຄວາມສະຫງົບສຸກພາຍຫຼັງພາຍຸລົມແຮງ”. ງານວາງສະແດງໄດ້ແນະນຳຕໍ່ມະຫາຊົນການສັງເກດກ່ຽກວັບຊີວິດຂອງເດັກກຳພ້າຍ້ອນໂລກລະບາດໂຄວິດ-19 ພ້ອມກັນການເຄື່ອນໄຫວທີ່ພວກນ້ອງໄດ້ຮັບການປົກປ້ອງ ແລະ ໄດ້ຮັບຄວາມຮັກຈາກບັນດາຫົວໃຈເມດຕາປານີ. ງານວາງສະແດງໄດ້ແນະນຳໂດຍກົງເຖິງມະຫາຊົນຢູ່ແຂວງ ບິ່ງເຢືອງ ໃນລະຫວ່າງວັນທີ 25 – 27 ມິຖຸນາ ແລະ ຢູ່ສູນງານວາງສະແດງສິລະປະ ຫວຽດນາມ (ຮ່າໂນ້ຍ) ໃນລະຫວ່າງວັນທີ 26 – 28 ມິຖຸນາ.
ຢູ່ນະຄອນ ໂຮ່ຈີມິນ, ຕອນບ່າຍວັນທີ 25 ມິຖຸນາ, ສະຫະພັນແຮງງານນະຄອນ ໄດ້ຈັດງານພົບປະສ້າງສັງ “ຄອບຄົວຜາສຸກ” ດ້ວຍການເຂົ້າຮ່ວມຂອງ 150 ຄອບຄົວກຳມະກອນ, ພາລະກອນ, ຜູ້ອອກແຮງງານ. ເນື່ອງໃນໂອກາດນິ້, ຫໍວັດທະນະທຳແຮງງານນະຄອນ ໂຮ່ຈີມິນ ກໍ່ຈັດການລະຫຼິ້ນບັນເທິງຄື: ສະແດງສີລະປະ, ການລະຫຼີ້ນ, ຊື້ຂາຍ, ອາຫານການກິນ... ຮັບໃຊ້ຄວາມຕ້ອງການລະຫຼິ້ນ, ດຳລົງຊີວິດໃນຊຸມມື້ທ້າຍອາທິດໃຫ້ແກ່ບັນດາຄອບຄົວ.
 |
| ພາບປະກອບ: baophuyen.com.vn |
ເນື່ອງໃນໂອກາດວັນຄອບຄົວຫວຽດນາມ, ສະຫະພັນກຳມະບານນະຄອນ ໂຮ່ຈີມິນ ໄດ້ຈັດຕັ້ງການເຄື່ອນໄຫວຫຼາຍຢ່າງເພື່ອຢ້ຽມຢາມ ແລະ ມອບຂອງຂວັນໃຫ້ຜູ້ອອກແຮງງານປະສົບກັບຄວາມຫຍຸ້ງຍາກທີ່ໄດ້ຮັບຜົນກະທົບຈາກພະຍາດໂຄວິດ-19; ຈັດຕັ້ງບົດລາຍງານຫົວຂໍ້ “ຄວາມສາມາດສ້າງຄອບຄົວທີ່ມີຄວາມສຸກໃນຍຸກເຕັກໂນໂລຊີ 4.0”; ກອງປະຊຸມສະເຫຼີມສະຫຼອງວັນຄອບຄົວຫວຽດນາມ; ໄດ້ຮັບລາງວັນການປະກວດຮູບຖ່າຍ “ສຸຂະພາບດີ, ຄອບຄົວງາມ” ໃນປີ 2022.
ຄະນະໂຄສະນາອົບຮົມນະຄອນ ໂຮ່ຈີມິນ ກໍ່ຈັດຕັ້ງລາຍການທ່ອງທ່ຽວວຽກງານສັງຄົມ “ເກາະແມ່ນບ້ານ, ທະເລແມ່ນບ້ານເກີດເມືອງນອນ”; ມອບ 2 “ສູນການຄ້າສະຫະພັນກຳມະບານ”, ເບິ່ງແຍງພະນັກງານ, ຄູ-ອາຈານ, ນັກຮຽນຢູ່ຕາແສງ ແທງອານ, ເມືອງ ແຄ໋ງຮ່ວາ. ສະຫະພັນແຮງງານບັນດາເມືອງ ແລະ ນະຄອນ Thu Duc ແລະ ບັນດາສະຫະພັນກຳມະບານ ໄດ້ຈັດຕັ້ງການເຄື່ອນໄຫວສະເຫຼີມສະຫຼອງວັນຄອບຄົວ ຫວຽດນາມ ເຊັ່ນ: ງານແຂ່ງຂັນເກັບດອກໄມ້ປະຊາທິປະໄຕ, ການແຂ່ງຂັນປຸງແຕ່ງອາຫານ, ໃນຄອບຄົວ, ງານກິລາ, ໃນເວລາ 9 ໂມງ ໂດຍມີບັນດາການເຄື່ອນໄຫວມ່ວນຊື່ນ ແລະ ມີປະໂຫຍດ, ການແລກປ່ຽນ ລະຫວ່າງຄອບຄົວ ...
ຕາມທ່ານ ໂຮ່ຊວນເລີມ, ຮອງປະທານສະຫະພັນແຮງງານນະຄອນ ໂຮ່ຈີມິນ ແລ້ວ, ບັນດາການເຄື່ອນໄຫວດັ່ງກ່າວບໍ່ພຽງແຕ່ຍົກສູງຄຸນຄ່າມະນຸດອັນເລິກເຊິ່ງຂອງຄອບຄົວຊາວ ຫວຽດນາມ ເທົ່ານັ້ນ ຫາກຍັງສ້າງກຳລັງໃຈ ແລະ ຂົນຂວາຍປະຊາຊົນ ແລະ ບັນດາສະມາຊິກສະຫະພັນອີກດ້ວຍ ປະຕິບັດວິຖີຊີວິດຕົວເມືອງ, ຄອບຄົວ, ຊຸມຊົນ ແລະ ວັດທະນະທຳສັງຄົມ, ປະກອບສ່ວນສ້າງຄອບຄົວທີ່ມີຄວາມຜາສຸກ, ຍືນຍົງ...
ງານບຸນຄອບຄົວຫວຽດນາມ 2022 ດຳເນີນໄປແຕ່ວັນທີ 25 – 28 ມິຖຸນາ. ນີ້ແມ່ນການເຄື່ອນໄຫວປະຈຳປີເພື່ອເຊີດຊູ ແລະ ເຜີຍແຜ່ບັນດາຄຸນຄ່າວັດທະນະທຳພື້ນເມືອງຂອງບັນດາຄອບຄົວ ຫວຽດນາມ; ສ້າງກາລະໂອກາດແລກປ່ຽນ ແລະ ແບ່ງປັນປະສົບການໃນການສ້າງຄອບຄົວມີຄວາມຜາສຸກ, ຄອບຄົວວັດທະນະທຳ, ມຸ່ງໄປເຖິງການພັດທະນາແບບຍືນຍົງຂອງຄອບຄົວໃນໄລຍະຫັນເປັນອຸດສາຫະກຳ, ທັນສະໄໝ ແລະ ເຊື່ອມໂຍງເຂົ້າກັບສາກົນ.
ວີໂອວີ
