ວັນທີ 19 ມິຖຸນາ ຢູ່ Tel Aviv, ກຸ່ມບໍລິສັດ CT Group (ຫວຽດນາມ) ໄດ້ເປີດສຳນັກງານຜູ້ຕາງໜ້າ ຢູ່ອິດສະຣາແອນ ເພື່ອເຊື່ອມຕໍ່ ແລະຊຸກຍູ້ການ ຮ່ວມມືກັບຕະຫຼາດປ່ຽນແປງໃໝ່ປະດິດສ້າງ ແລະເຕັກໂນໂລຢີສູງຂອງ ອິດສະຣາແອນ. ສຳນັກງານຜູ້ຕາງໜ້າຂອງກຸ່ມບໍລິສັດ, ເອີ້ນວ່າ CT Group Israel, ຕັ້ງຢູ່ອາຄານ H Tower, ໃນໃຈກາງເມືອງ Tel Aviv, ເຊິ່ງເປັນເຂດທີ່ມີຊື່ສຽງສໍາລັບບໍລິສັດລົງທຶນດ້ານເຕັກໂນໂລຢີສູງ ແລະທາງດ້ານການເງິນຂອງ ອິດສະຣາແອນ ຫຼາຍແຫ່ງ.
 |
| ກຸ່ມບໍລິສັດຫວຽດນາມແຫ່ງທຳອິດທີ່ເປີດສຳນັກງານຜູ້ຕາງໜ້າຢູ່ ອິດສະຣາແອນ. ພາບ: TTXVN |
ກ່າວຄຳເຫັນທີ່ພິທີເປີດ, ທ່ານ ເຈີ່ນກິມຈຸງ, ປະທານກຸ່ມບໍລິສັດ CT Group ໃຫ້ຮູ້ວ່າ: ການສ້າງຕັ້ງສຳນັກງານຜູ້ຕາງໜ້າຢູ່ Tel Aviv, ອິດສະຣາແອນ ແມ່ນມີຄວາມໝາຍສຳຄັນທີ່ສຸດ, ຢືນຢັນຍຸດທະສາດຂອງກຸ່ມບໍລິສັດກ່ຽວກັບນະວັດຕະກຳຕົວແບບການລົງທຶນດຳເນີນທຸລະກິດ, ໃຫ້ບຸລິມະສິດພັດທະນາບັນດາຂະແໜງເຕັກໂນໂລຢີສູງເພື່ອໃຫ້ທັນກັບທ່າອ່ຽງການພັດທະນາໄວທີ່ສຸດຂອງການປະຕິວັດວິທະຍາສາດ ແລະເຕັກໂນໂລຢີິໃນໂລກ ແລະເຊື່ອມຕໍ່ກຸ່ມກັບ ອິດສະຣາແອນ - ເປັນຕະຫຼາດທີ່ມີທ່າແຮງ ແລະກຳລັງບົ່ມຊ້ອນສໍາລັບການຮ່ວມມືກ່ຽວກັບນະວັດຕະກໍາ ແລະເຕັກໂນໂລຢີສູງ.
ທີ່ພິທີເປີດ, ໄດ້ດໍາເນີນພິທີລົງນາມໃນສັນຍາຮ່ວມມື (MOU) ລະຫວ່າງ VGCT, ໜ່ວຍງານສະມາຊິກຂອງກຸ່ມບໍລິສັດ CT Group ກັບ ບໍລິສັດ OBCT-CD24 ກ່ຽວກັບມາດຕະການທີ່ມີລັກສະນະວິທະຍາສາດເພື່ອປິ່ນປົວພະຍາດກ່ຽວກັບປອດ; ແລະລະຫວ່າງກຸ່ມບໍລິສັດ CT Group ກັບບໍລິສັດ Falcon ກ່ຽວກັບການນໍາໃຊ້ເຕັກໂນໂລຢີໃໝ່ໃນການກໍ່ສ້າງ.
ບູນມີ
