| ບັນດາວິສາຫະກິດ ເອີລົບ ມີຄວາມສົນໃຈໃນຫຼາຍຂົງເຂດລົງທຶນຢູ່ ຫວຽດນາມ | |
| ບັນດາວິສາຫະກິດ ເຢຍລະມັນ ຖື ຫວຽດນາມ ແມ່ນຕະຫຼາດລົງທຶນທີ່ມີທ່າແຮງ ແລະ ເຊື່ອຖືໄດ້ |
ວັນທີ 31 ຕຸລານີ້, ຢູ່ມາເລເຊຍ, ສະມາຄົມມິດຕະພາບ ມາເລເຊຍ - ຫວຽດນາມ ແລະ ຫ້ອງການການຄ້າ ແລະ ອຸດສາຫະກຳ ອາຊຽນ (ACCI) - ຫົວໜ່ວຍຈັດຕັ້ງກອງປະຊຸມ ແລະ ງານງານວາງສະແດງການຄ້າສົ່ງອອກ ອາຊຽນ (MASTEX 2024) ຂອງມາເລເຊຍ ໄດ້ລົງນາມໃນບົດບັນທຶກຊ່ວຍຈຳການຮ່ວມມື (MoU).
ບົດບັນທຶກຊ່ວຍຈຳລະບຸວ່າ: ສອງຝ່າຍຈະຊຸກຍູ້ການຮ່ວມມືດ້ານການແລກປ່ຽນການຄ້າ, ວັດທະນະທຳ ແລະ ການທ່ອງທ່ຽວ. ສະມາຄົມມິດຕະພາບ ມາເລເຊຍ - ຫວຽດນາມ ແລະ ACCI ຈະສົມທົບກັນຈັດຕັ້ງ ແລະ ເຂົ້າຮ່ວມບັນດາເຫດການຄື: ກອງປະຊຸມສຳມະນາ, ງານຕະຫຼາດນັດ ເເລະ ງານວາງສະແດງ ເພື່ອຊຸກຍູ້ການຄ້າ ແລະ ຍົກອອກບັນດາຂໍ້ລິເລີ່ມຊຸກຍູ້ການເຄື່ອນໄຫວເສດຖະກິດສອງຝ່າຍ.
 |
| ພິທີລົງນາມ MoU ລະຫວ່າງສະມາຄົມມິດຕະພາບ ມາເລເຊຍ - ຫວຽດນາມ ແລະ ACCI. (ພາບ: ສະມາຄົມມິດຕະພາບ ມາເລເຊຍ-ຫວຽດນາມ) |
ໃນເບື້ອງຕົ້ນ, ເປົ້າໝາຍຂອງສອງປະເທດແມ່ນສົມທົບກັນຈັດຕັ້ງງານ MASTEX 2024 ໃຫ້ສຳເລັດຜົນ. ໃນຕໍ່ໜ້າ, ສອງຝ່າຍຈະເປັນຂົວຕໍ່ລະຫວ່າງວິສາຫະກິດ ມາເລເຊຍ ແລະ ຫວຽດນາມ, ສ້າງກາລະໂອກາດຮ່ວມມື ແລະ ການຄ້າລະຫວ່າງວິສາຫະກິດຂອງສອງປະເທດ.
ທ່ານນາງ ເຈີ່ນທິຈາງ, ປະທານສະມາຄົມມິດຕະພາບ ມາເລເຊຍ - ຫວຽດນາມ ໃຫ້ຮູ້ວ່າ: ສະມາຄົມຈະຊຸກຍູ້ການເຜີຍແຜ່ບັນດາຜະລິດຕະພັນຫວຽດນາມ ຢູ່ ມາເລເຊຍ, ຮ່ວມເດີນທາງພ້ອມກັບບັນດາວິສາຫະກິດ ຫວຽດນາມ ທີ່ພວມຊອກຫາກາລະໂອກາດພັດທະນາສິນຄ້າຢູ່ປະເທດນີ້.
ສະມາຄົມມິດຕະພາບ ມາເລເຊຍ - ຫວຽດນາມ ໄດ້ຮັບການສ້າງຕັ້ງໃນເດືອນ ມີນາ 2022, ແມ່ນອົງການຕາງໜ້າໃຫ້ປະຊາຄົມຊາວ ຫວຽດນາມ ຢູ່ ມາເລເຊຍ, ເປັນຂົວຕໍ່ລະຫວ່າງປະຊາຄົມຊາວ ຫວຽດນາມ ທີ່ຢູ່ ມາເລເຊຍ ກັບສະຖານທູດ ຫວຽດນາມ ປະຈຳ ມາເລເຊຍ.
ບັນດາການເຄື່ອນໄຫວຂອງສະມາຄົມເພື່ອກ້າວໄປເຖິງການຊຸກຍູ້, ເຮັດໃຫ້ການພົວພັນຮ່ວມມືລະຫວ່າງປະຊາຊົນສອງປະເທດ, ລະຫວ່າງບັນດາອົງການ, ອົງການຈັດຕັ້ງຫວຽດນາມ ແລະ ມາເລເຊຍ ເລິກເຊິ່ງຂຶ້ນຕື່ມ; ເພີ່ມທະວີການຮ່ວມມືລະຫວ່າງສອງປະເທດໃນຂົງເຂດການເມືອງ, ເສດຖະກິດ ແລະ ວັດທະນະທຳ - ສັງຄົມ; ຊຸກຍູ້ການຢ້ຽມຢາມເຊິ່ງກັນ ແລະ ກັນ ເພື່ອແລກປ່ຽນ ປະດິດສ້າງ ແລະ ປະຕິບັດບັນດາໂຄງການທີ່ມີຜົນປະໂຫຍດໃຫ້ປະຊາຊົນສອງປະເທດ; ໂຄສະນາ ແລະ ໜູນຊ່ວຍຊາວ ຫວຽດນາມ ປະຕິບັດກົດໝາຍຂອງປະເທດເຈົ້າພາບ...
Mastex 2024 ຈະໄດ້ຈັດຕັ້ງເເຕ່ວັນທີ 23 - 26 ມັງກອນ 2024 ທີ່ຢູ່ MITEC Kuala Lumpur ເພື່ອຊຸກຍູ້ໂອກາດທາງການຄ້າ ແລະ ການລົງທຶນລະຫວ່າງ ມາເລເຊຍ ແລະ ພາກພື້ນອາຊຽນ.
ເຫດການດັ່ງກ່າວໄດ້ນຳມາເຊິ່ງໂອກາດເຊື່ອມຕໍ່ໃຫ້ບັນດາວິສາຫະກິດໃນອາຊຽນໃນຫຼາຍຂົງເຂດຄື: F&B, ການຜະລິດກະສິກຳ, ການຢາ, ການທ່ອງທ່ຽວ, ແບບແຜນດຳລົງຊີວິດ, ການເງິນ. ນອກນັ້ນ, ຍັງມີຫຼາຍຂົງເຂດພິເສດຄື: ເສດຖະກິດສີຂຽວ ແລະ ເສດຖະກິດດີຈີຕອນ, ເຕັກໂນໂລຊີສູງ, ສິ່ງແວດລ້ອມ, ສັງຄົມ ແລະ ການປົກຄອງ (ESG), ລະບົບນິເວດອຸດສາຫະກຳ Halal ແລະ ຜະລິດຕະພັນປະດິດສ້າງ.
ດີງເລື້ອງ
