| APEC ສ້າງພື້ນຖານໃໝ່ໃຫ້ແກ່ການພັດທະນາຢູ່ພາກພື້ນອາຊີ - ປາຊີຟິກ | |
| ຫວຽດນາມ ຊົມເຊີຍຂໍ້ລິເລີ່ມເຂົ້າຮ່ວມ ແລະ ເຊື່ອມຕໍ່ອິນໂດ - ປາຊີຟິກ |
ກາວຄຳເຫັນທີ່ການຕ້ອນຮັບ, ທ່ານພົນຕີ ຟູງສີເຕີນ ເນັ້ນໜັກວ່າ ນີ້ແມ່ນຄັ້ງທຳອິດທີ່ ຫວຽດນາມ ໄດ້ຮັບດຳລົງເປັນປະທານ AAPTC ແລະ ເປັນປະເທດເຈົ້າພາບຈັດຕັ້ງກອງປະຊຸມ AAPTC ໃນສະພາບທີ່ ຫວຽດນາມ ເຂົ້າຮ່ວມ AAPTC ເປັນທາງການ ໃນ 7 ປີຜ່ານມາ, ພ້ອມກັນນັ້ນກໍໄດ້ສົ່ງກຳລັງເຂົ້າຮ່ວມການເຄື່ອນໄຫວຮັກສາສັນຕິພາບ ຂອງສະຫະປະຊາຊາດເປັນເວລາ 8 ປີ. ກະຊວງປ້ອງກັນປະເທດຫວຽດນາມ ຕີລາຄາສູງຄວາມສຳຄັນ ແລະ ຄວາມໝາຍຂອງກອງປະຊຸມ AAPTC ຄັ້ງນີ້ ເພາະວ່າ ແມ່ນໂອກາດອັນລ້ຳຄ່າ ເພື່ອໃຫ້ຫວຽດນາມ ແລະ ບັນດາປະເທດສະມາຊິກແລກປ່ຽນວິຊາສະເພາະ, ແບ່ງປັນປະສົບການ, ຂໍ້ລິເລີ່ມ ແລະ ມາດຕະການເພື່ອຜ່ານຜ່າສິ່ງທ້າທາຍ ແລະ ຄວາມຫຍຸ້ງຍາກ, ພິເສດແມ່ນຜົນກະທົບຈາກການລະບາດຂອງພະຍາດໂຄວິດ-19, ເພີ່ມທະວີການຮ່ວມມື ແລະ ແບ່ງປັນແຫຼ່ງກຳລັງ ເພື່ອຮັບປະກັນການຍົກສູງຄຸນນະພາບການຝຶກອົບຮົມ, ກະກຽມການຜັນຂະຫຍາຍກຳລັງຢ່າງວ່ອງໄວ ແລະ ເຂົ້າຮ່ວມບັນດາການເຄື່ອນໄຫວຮັກສາສັນຕິພາບຂອງ ສປຊ ຢ່າງມີປະສິດທິຜົນ, ປະກອບສ່ວນປະຕິບັດບັນດາຄວາມມານະພະຍາຍາມຮັກສາສັນຕິພາບຂອງປະຊາຄົມສາກົນ.
 |
| ເປີດກອງປະຊຸມ ແລະ ສຳມະນາ ສະຫະສະມາຄົມບັນດາສູນຮັກສາສັນຕິພາບອາຊີ - ປາຊີຟິກ. (ພາບ: qdnd) |
ການເປັນເຈົ້າພາບຈັດກອງປະຊຸມ ແລະ ສຳມະນາ AAPTC ປະຈຳປີ 2022 ຂອງຫວຽດນາມ ໄດ້ຢືນຢັນບົດບາດ ແລະ ຄວາມຮັບຜິດຊອບຂອງປະເທດປະທານ ແລະ ປະເທດເຈົ້າພາບ AAPTC ທີ່ດຳລົງ, ເພີ່ມທະວີທີ່ຕັ້ງສາກົນຂອງຫວຽດນາມ ໃນການຮ່ວມມືຮັກສາສັນຕິພາບຂອງ ສປຊ ຢູ່ພາກພື້ນ ອາຊີ - ປາຊີຟິກ, ປະກອບສ່ວນແທດຈິງເຂົ້າໃນການຍົກສູງປະສິດທິຜົນໃນການເຂົ້າຮ່ວມຂອງປະເທດສະມາຊິກ ໃນການເຄື່ອນໄຫວຮັກສາສັນຕິພາບຂອງສະຫະປະຊາຊາດໃນພາກພື້ນ. ຢັ້ງຢືນ ແລະ ຍົກສູງຜົນສຳເລັດຂອງ ຫວຽດນາມ ໃນການປ້ອງກັນ, ຕ້ານການລະບາດຂອງພະຍາດ ໂຄວິດ-19 ແລະ ປັບຕົວເຂົ້າກັບສະພາບການໃໝ່ໂດຍໄວຢ່າງປອດໄພ ແລະ ມີປະສິດທິຜົນ; ພ້ອມກັນນັ້ນ ກໍໂຄສະນາບັນດາຜົນງານ ແລະ ການປະກອບສ່ວນຂອງຫວຽດນາມ ເຂົ້າໃນການເຄື່ອນໄຫວຮັກສາສັນຕິພາບຂອງ ສປຊ.
ຄຳຮຸ່ງ
