| ທ່ານໝໍຫວຽດນາມ ຊ່ວຍຄົນຕ່າງປະເທດຫຼາຍຄົນ ທີ່ເປັນອຳມະພາດ ແລະ ເລືອດອອກໃນສະໝອງ | |
| ແຂວງເຫງະອານ ເລີ່ມການກໍ່ສ້າງສຸກສາລາທະຫານເສນາຮັກບ້ານ ໃຫ້ປະຊາຊົນລາວ |
ນີ້ກໍ່ແມ່ນການເຄື່ອນໄຫວ ເພື່ອຕອບສະໜອງ “ປີສາມັກຄີມິດຕະພາບຫວຽດນາມ - ລາວ, ລາວ - ຫວຽດນາມ 2022”; ສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ແລະ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ, ປະກອບສ່ວນເພີ່ມພູນຄູນສ້າງ ແລະ ເສີມຂະຫຍາຍຈິດໃຈສາມັກຄີ, ມິດຕະພາບ ລະຫວ່າງປະຊາຊົນສອງປະເທດໃນວິວັດການພັດທະນາ.
ຜ່ານໂຄງການດັ່ງກ່າວ, ຊາວຫວຽດນາມ ອາໄສຢູ່ຕ່າງປະເທດ ແລະ ປະຊາຊົນລາວ ທີ່ປະສົບກັບຄວາມຫຍຸ້ງຍາກຢູ່ນະຄອນຫຼວງວຽງຈັນ ໄດ້ມີໂອກາດໄດ້ກວດສຸຂະພາບ ເຊັ່ນ: ກວດຄວາມດັນເລືອດ, ຈັງຫວະເຕັ້ນຂອງຫົວໃຈ, ກວດຕາ, ກວດຫູ, ດັງ, ຄໍ ແລະ ໃຫ້ຄຳປຶກສາກ່ຽວກັບພະຍາດຕ່າງໆຈຳນວນໜຶ່ງ ເພື່ອປູກຈິດສຳນຶກໃນການຮັກສາສຸຂະພາບ ແລະ ຮັບຢາບຳລຸງ, ວິຕາມິນ, ຢາສ້າງພູມຕ້ານທານ, ຢາຂ້າເຊື້ອພະຍາດ... ກໍລະນີມີພະຍາດຮ້າຍແຮງ ຈະໄດ້ຮັບການໃຫ້ຄຳປຶກສາ ແລະ ແນະນຳວິທີປິ່ນປົວໃຫ້ດີຂາດ.
 |
| ທ່ານໝໍຫວຽດນາມ ປິ່ນປົວຄົນເຈັບ, ແຈກຢາຍຢຸກຢາ ໃຫ້ປະຊາຊົນລາວ. (ພາບ: VOV) |
ໃນຂອບເຂດຂອງໂຄງການ, ຄະນະແພດຍັງໄດ້ແຈກຢາຍຢາ ແລະ ມອບຂອງຂວັນໃຫ້ຊາວຫວຽດນາມ ແລະ ລາວ 500 ຄົນທີ່ປະສົບກັບຄວາມຫຍຸ້ງຍາກ. ຂອງຂວັນແຕ່ລະອັນມີມູນຄ່າ 1 ລ້ານດົ່ງ, ເຖິງວ່າມີມູນຄ່າບໍ່ຫຼາຍ, ແຕ່ກໍແມ່ນຄວາມຮັກແພງ, ນ້ຳໃຈ ແລະ ການແບ່ງປັນຂອງຄະນະພັກ, ອຳນາດການປົກຄອງ ແລະ ປະຊາຊົນນະຄອນ ໂຮ່ຈີມິນ.
ໃນ 2 ປີຜ່ານມາ (2020 – 2021), ພະຍາດໂຄວິດ-19 ໄດ້ແຜ່ລະບາດຢູ່ຫຼາຍປະເທດ ແລະ ເຂດແຄ້ວນ, ໄດ້ສົ່ງຜົນສະທ້ອນໂດຍກົງເຖິງຊີວິດຂອງປະຊາຄົມຊາວຫວຽດນາມ ອາໄສຢູ່ຕ່າງປະເທດເວົ້າລວມ ແລະ ໃນລາວເວົ້າສະເພາະ. ແນວໃດກໍດີ, ລັດຖະບານຫວຽດນາມ ແລະ ລາວ ກໍໄດ້ປະຕິບັດຫຼາຍມາດຕະການແກ້ໄຂຢ່າງຕັ້ງໜ້າ ແລະ ເປັນເຈົ້າການ ເພື່ອສະກັດກັ້ນການແຜ່ລະບາດຂອງພະຍາດໂຄວິດ-19 ແລະ ຟື້ນຟູເສດຖະກິດ.
ຄະນະປະຕິບັດງານ ຂອງຄະນະກຳມະການກ່ຽວກັບຊາວຫວຽດນາມ ອາໄສຢູ່ນະຄອນ ໂຮ່ຈີມິນ ມີສະມາຊິກ 31 ທ່ານ, ໃນນັ້ນມີ 25 ທ່ານແມ່ນແພດໝໍ, ພະຍາບານ, ອາສາສະໝັກທີ່ມີປະສົບການຫຼາຍປີ ໃນການກວດ ແລະ ປິ່ນປົວພະຍາດ.
ນີ້ແມ່ນການເຄື່ອນໄຫວສະແດງໃຫ້ເຫັນຄວາມສາມັກຄີ, ໃບດີປົກໃບຂາດ, ຊ່ວຍເຫຼືອເຊິ່ງກັນ ແລະ ກັນໃນຍາມຫຍຸ້ງຍາກ; ປະກອບສ່ວນຮັດແໜ້ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການພົວພັນຮ່ວມມືຮອບດ້ານຫວຽດນາມ - ລາວ.
ຄຳຮຸ່ງ
