 | ດຳລັດໄດ້ກຳນົດບາງເງື່ອນໄຂໃນການຖືສັນຊາດ ຫວຽດນາມ |
| ເຂົ້າສັນຊາດ ຫວຽດນາມ ສຳລັບພົນລະເມືອງລາວ ຈຳນວນ 9 ຄົນທີ່ອາໄສຢູ່ເມືອງ ອ່າເລ໋ອຍ |
 |
| ບັນດາຄອບຄົວຊາວລາວ ທີ່ໄດ້ສັນຊາດ ຢູ່ ຫວຽດນາມ ດຳລົງຊີວິດຢູ່ບ້ານມັງຣາວ (ຕາແສງ ດັກແປກ, ເມືອງ ດັກເກິເລ) ໄດ້ຊົມໃຊ້ນະໂຍບາຍໜູນຊ່ວຍຈາກພັກ ແລະ ລັດ ກ່ຽວກັບການພັດທະນາເສດຖະກິດ. |
ອຳນາດການປົກຄອງທ້ອງຖິ່ນໜູນຊ່ວຍ ແລະ ສ້າງເງື່ອນໄຂເພື່ອໃຫ້ບັນດາພົນລະເມືອງນີ້ ອຸ່ນອ່ຽນໃຈໃນດ້ານການຢູ່ອາໄສ, ທຳມາຫາລ້ຽງຊີບ, ຕັດສິນໃຈຕິດພັນ ແລະ ສ້າງສາບ້ານເກີດເມືອງນອນ ຫວຽດນາມ.
ຊະຕາກໍາຂອງຄົນ "ມື້ນີ້ຢູ່ທີ່ນີ້ ແລະ ມື້ອື່ນຢູ່ທີ່ນັ້ນ"
ກ່ອນປີ 1987, ປະຊາກອນຈຳນວນໜ້ອຍຢູ່ ລາວ, ຊາຍແດນຕິດກັບເມືອງ ດັກເກິເລ (ແຂວງ ກອນຕູມ) ໄດ້ດຳລົງຊີວິດແບບ “ມື້ນີ້ຢູ່ທີ່ນີ້ ແລະ ມື້ອື່ນຢູ່ທີ່ນັ້ນ” ຍ້ອນບໍ່ມີສັນຊາດ. ລຸ່ງ ອາດ່າວ (ອາຍຸ 67 ປີ, ຢູ່ບ້ານ ມັງຣາວ, ຕາແສງ ດັກແປກ, ເມືອງ ດັກເກິເລ) ໄດ້ແບ່ງປັນວ່າ ຍ້ອນລະດູການເກັບກ່ຽວບໍ່ໄດ້ຜົນດີ, ຫຼາຍຄອບຄົວໄດ້ອົບພະຍົບໄປມາຢູ່ລະຫວ່າງຊາຍແດນ ລາວ - ຫວຽດນາມ ເພື່ອຊອກຫາທີ່ດິນທີ່ເໝາະສົມ.
ບໍ່ມີໄຟຟ້າ, ຖະໜົນ, ໂຮງຮຽນ, ສະຖານີ, ນ້ຳສະອາດ ແລະ ບໍ່ໄດ້ຊົມໃຊ້ບັນດານະໂຍບາຍໜູນຊ່ວຍ, ເຮັດວຽກດ້ານເສດຖະກິດ. “ພວກຂ້າພະເຈົ້າບໍ່ມີສຳເນົາຊີວະປະຫວັດ, ເອກະສານປະຈຳຕົວ, ລູກຂອງພວກຂ້າພະເຈົ້າໄປໂຮງຮຽນບໍ່ໄດ້, ພວກຂ້າພະເຈົ້າບໍ່ສາມາດໄດ້ຮັບການປິ່ນປົວພະຍາດໃນເວລາເຈັບປ່ວຍ. ສິ່ງດຽວທີ່ຂ້າພະເຈົ້າມີແມ່ນປຶ້ມພັກເຊົາ ແລະ ພັກເຊົາຊົ່ວຄາວທີ່ ຫວຽດນາມ ແລະ ລາວ ສະໜອງໃຫ້", ລຸ່ງ ອາດ່າວ ໃຫ້ຮູ້.
 |
| ເຮືອນທີ່ກວ້າງງາມຂອງຄອບຄົວຊາວລາວ ທີ່ໄດ້ສັນຊາດ ຫວຽດນາມ ດຳລົງຊີວິດຢູ່ບ້ານ ມັງຣາວ (ຕາແສງ ດັກແປກ, ເມືອງ ດັກເກິເລ). |
ນັບແຕ່ປີ 2017 ເປັນຕົ້ນມາ, ອຳນາດການປົກຄອງທ້ອງຖິ່ນແຂວງ ກອນຕູມ ໄດ້ໂຄສະນາເຜີຍແຜ່ຢ່າງຕັ້ງໜ້າ ແລະ ແຈກຢາຍໃບປິວ ເພື່ອແນໃສ່ຍົກຄວາມຮັບຮູ້ໃຫ້ປະຊາຊົນກ່ຽວກັບການເຄື່ອນຍ້າຍຖິ່ນຖານແບບເສລີ ແລະ ການແຕ່ງງານແບບຜິດກົດໝາຍຢູ່ເຂດຊາຍແດນ. ພ້ອມກັນນັ້ນ, ອຳນາດການປົກຄອງກໍ່ໄດ້ສົມທົບກັບບັນດາຂະແໜງການໜ້າທີ່ຂອງແຂວງ ແລະ ສູນກາງສ້າງລະບຽບການເພື່ອຍື່ນສະເໜີຕໍ່ປະທານປະເທດ ພິຈາລະນາ ແລະ ຕົກລົງໃຫ້ເຂົ້າສັນຊາດສຳລັບພົນລະເມືອງທີ່ບໍ່ມີສັນຊາດ ເພື່ອອຳນວຍຄວາມສະດວກໃນການເຮັດໜັງສືແຈ້ງເກີດ, ອອກປຶ້ມສຳມະໂນຄົວ, ເຮັດບັດປະຈຳຕົວໃຫ້ພົນລະເມືອງຕາມລະບຽບການ.
ຫັນໄປໜ້າໃໝ່
ນັບແຕ່ປີ 2009 ມາຮອດປະຈຸບັນ, ແຂວງ ກອນຕູມ ມີພົນລະເມືອງ 1.000 ກວ່າຄົນທີ່ໄດ້ຖືສັນຊາດ ຫວຽດນາມ ຕາມການຕົກລົງຂອງປະທານປະເທດ, ຕົ້ນຕໍແມ່ນດຳລົງຊີວິດຢູ່ບັນດາຕາແສງຊາຍແດນຂອງເມືອງ ງອກໂຮ່ຍ ແລະ ເມືອງ ດັກເກິເລ. ເພື່ອໃຫ້ປະຊາຊົນມີເງື່ອນໄຂພັດທະນາເສດຖະກິດພາຍຫຼັງການເຂົ້າຖືສັນຊາດ, ອຳນາດການປົກຄອງທ້ອງຖິ່ນໄດ້ຊີ້ນຳໃຫ້ບັນດາອົງການວິຊາສະເພາະເຮັດໜັງສືແຈ້ງເກີດ, ອອກປື້ມສຳມະໂນຄົວ, ເຮັດບັດປະຈຳຕົວໃຫ້ປະຊາຊົນ; ຮັບປະກັນສິດພົນລະເມືອງ ແລະ ເດັກນ້ອຍໃນເກນອາຍຸໄປຮຽນລ້ວນແຕ່ໄດ້ເຂົ້າໂຮງຮຽນ, ໜູນຊ່ວຍບັນດາລະບອບຢ່າງຄົບຖ້ວນເພື່ອໄດ້ຮ່ຳຮຽນ.c.
ທ້າວ ຢ່າອາຈ່າງ (ບ້ານ ມັງຣາວ, ຕາແສງ ດັກແປກ) ໃຫ້ຮູ້ວ່າ ສິດທິພິເສດເມື່ອມີສັນຊາດແມ່ນສິດຂອງພົນລະເມືອງໄດ້ໄປເລືອກຕັ້ງ. ສາມາດເວົ້າໄດ້ວ່າ ເວລານາທີທີ່ໄດ້ຈັບບັດເລືອກຕັ້ງໃນມືເຮັດໃຫ້ປະຊາຊົນສ່ວນຫຼາຍຮູ້ສຶກເຖິງຄວາມສັກສິດ, ພູມໃຈ ແລະ ຮູ້ບຸນຄຸນຕໍ່ພັກ ແລະ ລັດ.
 |
| ບັນດາຄອບຄົວຊາວລາວ ທີ່ໄດ້ເຂົ້າຖືສັນຊາດຫວຽດນາມ ດຳລົງຊີວິດຢູ່ບ້ານ ມັງຣາວ (ຕາແສງ ດັກແປກ, ເມືອງ ດັກເກິເລ) ໄດ້ຊົມໃຊ້ນະໂຍບາຍໜູນຊ່ວຍຫຼາຍຢ່າງຈາກພັກ ແລະ ລັດ ກ່ຽວກັບການພັດທະນາເສດຖະກິດ. |
ຕາມສະຖິຕິ, ເຂດຊາຍແດນແຂວງ ກອນຕູມ ມີປະຊາກອນເກືອບ 61.600 ຄົນ, ດ້ວຍ 25 ຊົນເຜົ່າ. ໃນນັ້ນ, ຊົນເຜົ່າສ່ວນໜ້ອຍກວມເອົາກວ່າ 77%, ດຳລົງຊີວິດຢູ່ 99 ໝູ່ບ້ານ, ບ້ານຂຶ້ນກັບ 13 ຕາແສງຂອງ 4 ເມືອງຊາຍແດນຄື: ດັກເກິເລ, ງອກໂຮ່ຍ, ຊາໄທ ແລະ ລາ ເຮິຢຣາຍ.
ທ່ານປະທານຄະນະກຳມະການປະຊາຊົນຕາແສງ ເປີອີ - ຕົງວັນດົ່ງ ໃຫ້ຮູ້ວ່າ: ປະຈຸບັນ, ຢູ່ຕາແສງມີພົນລະເມືອງ 12 ຄົນທີ່ໄດ້ຮັບການເຂົ້າສັນຊາດ, ໄດ້ຮັບການໜູນຊ່ວຍໃນທຸກດ້ານຈາກອຳນາດການປົກຄອງທ້ອງຖິ່ນ. ດ້ວຍຄວາມເອົາໃຈໃສ່ເປັນພິເສດ, ບັນດາພົນລະເມືອງເຫຼົ່ານີ້ ເຊື່ອມໂຍງເຂົ້າກັບຊີວິດການເປັນຢູ່ຂອງ ຫວຽດນາມ ຢ່າງວ່ອງໄວ, ອຸ່ນອ່ຽນໃຈດຳລົງຊີວິດ ແລະ ອອກແຮງງານທຳການຜະລິດ. ໃນໄລຍະຈະມາເຖິງ, ຕາແສງ ຈະສືບຕໍ່ຄວບຄູ່ກັບບັນດາລາຍການເປົ້າໝາຍແຫ່ງຊາດ ເພື່ອໜູນຊ່ວຍບັນດາຄອບຄົວພັດທະນາການຜະລິດ ແລະ ບືນຕົວໃຫ້ຫຼຸດພົ້ນອອກຈາກຄວາມທຸກຍາກແບບຍືນຍົງ.
 |
| ເດັກນ້ອຍພົນລະເມືອງລາວ ທີ່ໄດ້ສັນຊາດຫວຍດນາມ ອາໄສຢູ່ແຂວງ ກອນຕູມ ໄດ້ໄປຮຽນໜັງສື ແລະ ໄດ້ຊົມໃຊ້ນະໂຍບາຍໜູນຊ່ວຍໂດຍພັກ ແລະ ລັດວາງອອກ. |
ທ່ານຮອງປະທານຄະນະກຳມະການປະຊາຊົນເມືອງ ງອກໂຮ່ຍ - ອີລານ ໃຫ້ຮູ້ວ່າ ບັນດາຄອບຄົວທີ່ໄດ້ເຂົ້າສັນຊາດ ຫວຽດນາມ ຍາມໃດກໍ່ພ້ອມກັບບັນດາເຜົ່າຢູ່ທ້ອງຖິ່ນຜ່ານຜ່າທຸກຄວາມຫຍຸ້ງຍາກ, ສາມັກຄີຮ່ວມກັນ, ຊ່ວຍເຫຼືອເຊິ່ງກັນ ແລະ ກັນເພື່ອພັດທະນາເສດຖະກິດ, ຕັ້ງໜ້າເຂົ້າຮ່ວມບັນດາຂະບວນການແຂ່ງຂັນຮັກຊາດ. ປະຊາຊົນຍາມໃດກໍຮັກສາລັກສະນະວັດທະນະທຳມູນເຊື້ອຂອງປະເທດຊາດ ແລະ ມັກໄປຢ້ຽມຢາມພີ່ນ້ອງ, ເດີນທາງໄປມາຫາສູ່ຢູ່ເຂດຊາຍແດນ. ເຂົາເຈົ້າໄດ້ຮັບຖືວ່າເປັນບັນດາ “ຂົວເຊື່ອມຕໍ່” ທີ່ສຳຄັນໃນການເພີ່ມພູນຄູນສ້າງຄວາມສາມັກຄີ, ມິດຕະພາບທີ່ເປັນມູນເຊື້ອລະຫວ່າງ ຫວຽດນາມ - ລາວ, ປະກອບສ່ວນກໍ່ສ້າງເສັ້ນຊາຍແດນສັນຕິພາບ ແລະ ພັດທະນາ.
ໂດຍຖືບົນຕົວສັນຊາດ ຫວຽດນາມ, ປັດຈຸບັນ, ຊີວິດການເປັນຢູ່ຂອງບັນດາພົນລະເມືອງລາວ ທີ່ໄດ້ເຂົ້າສັນຊາດຫວຽດນາມ ໄດ້ຫັນໄປສູ່ “ໜ້າ” ໃໝ່ທີ່ສົດໃສກວ່າເມື່ອເຂົາເຈົ້າມີຢູ່ມີກິນ. ພວກເຂົາເຈົ້າ ຍາມໃດກໍ່ດໍາລົງຊີວິດ ແລະ ເຮັດປະຕິດບັດຕາມກົດຫມາຍ; ຮ່ວມມື, ພ້ອມໃຈ, ສາມັກຄີກັບວົງຄະນະຍາດເພື່ອສ້າງສາບ້ານເກີດເມືອງນອນໃຫ້ນັບມື້ນັບພັດທະນາ ແລະ ກາຍເປັນ “ແກ່ນສານ” ໃນການເພີ່ມພູນຄູນສ້າງມິດຕະພາບ, ຄວາມສາມັກຄີ ແລະ ການຮ່ວມມືຮອບດ້ານລະຫວ່າງສອງປະເທດ ຫວຽດນາມ - ລາວ.
 | ສືບຕໍ່ມູນເຊື້ອອັນດີງາມລະຫວ່າງກອງທັບປະຊາຊົນ ຫວຽດນາມ-ລາວ ຍສໝ - ຕອນບ່າຍວັນທີ 5 ພະຈິກ, ຢູ່ຮ່າໂນ້ຍ, ກົມໃຫຍ່ການເມືອງ ກອງທັບປະຊາຊົນຫວຽດນາມ ໄດ້ຈັດຕັ້ງພິທີເປີດຊຸດຝຶກອົບຮົມພະນັກງານກອງທັບປະຊາຊົນລາວ ກ່ຽວກັບວຽກງານກໍາມະບານໃນກອງທັບ ປີ 2024. |
 | ສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນ ຫວຽດນາມ ຢູ່ ຈີນ ແລະ ລາວ ຍສໝ - ໃນລະຫວ່າງວັນທີ 15-16 ທັນວາ, ຫຼາຍເຄື່ອນໄຫວທີ່ມີຄວາມໝາຍໄດ້ດຳເນີນຢູ່ ຈີນ ແລະ ລາວ ເພື່ອສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນ ຫວຽດນາມ ແລະ 35 ປີແຫ່ງວັນບຸນປ້ອງກັນຊາດທົ່ວປວງຊົນ. ບັນດາລາຍການບໍ່ພຽງແຕ່ສະແດງໃຫ້ເຫັນນ້ຳໃຈມິດຕະພາບອັນເລິກເຊິ່ງລະຫວ່າງຫວຽດນາມ ແລະ ສອງປະເທດບ້ານໃກ້ເຮືອນຄຽງເທົ່ານັ້ນ, ຫາກຍັງສະແດງໃຫ້ເຫັນເຖິງມູນເຊື້ອອັນສະຫງ່າລາສີຂອງກອງທັບ ຫວຽດນາມ ໃນຕະຫຼອດ 80 ປີຜ່ານມາ. |
ແທັງຮັ່ງ
