| ຄວາມຮັບຮູ້ທີ່ຖືກຕ້ອງເພື່ອມີກົນໄກເໝາະສົມກ່ຽວກັບວຽກງານການທູດປະຊາຊົນ | |
| ດ່ານັ້ງກວດຫາເຊື້ອໂຄວິດ - 19 ໂດຍບໍ່ເສຍຄ່າໃຫ້ແກ່ແຂກທ່ອງທ່ຽວ ສ.ເກົາຫຼີ ກ່ອນທີ່ຈະກັບເມືອປະເທດ |
 |
| ພິທີນຳສົ່ງອັດຖິກັບເມືອປະເທດຊາດ (ພາບ: .kontum.gov.vn) |
ເຂົ້າຮ່ວມພິທີຕ້ອນຮັບມີທ່ານນາງ ອີງອກ - ຮອງປະທານຄະນະກຳມະການປະຊາຊົນແຂວງ, ຫົວໜ້າຄະນະຊີ້ນຳ 515 ແຂວງ, ການນຳບັນດາພະແນກ, ຄະນະ, ຂະແໜງການ ແລະ ພໍ່ແມ່ປະຊາຊົນເປັນຈຳນວນຫຼາຍໃນບໍລິເວນນະຄອນກອມຕູມ.
ໃນລະດູແລ້ງ 2021 – 2022, ໂດຍໄດ້ຮັບຄວາມເອົາໃຈໃສ່ຈາກຄະນະພັກ, ອຳນາດການປົກຄອງ, ກຳລັງປະກອບອາວຸດ, ປະຊາຊົນ ແລະ ໂດຍສະເພາະແມ່ນຄະນະສະເພາະກິດແຂວງ Ratanakiri ທີ່ບໍ່ຢ້ານປະສົບກັບຄວາມຫຍຸ້ງຍາກ, ສ້າງເງື່ອນໄຂສະດວກ, ໜູນຊ່ວຍດ້ານວັດຖຸ ແລະ ຈິດໃຈ, ພາຫະນະໃຫ້ກົມກອງ K53 ແຂວງ ກອນຕູມ ປະຕິບັດໜ້າທີ່ຊອກຄົ້ນ ແລະ ເກັບກູ້ອັດຖິຂອງທະຫານອາສາສະໝັກ ແລະ ນັກຊ່ຽວຊານຫວຽດນາມ ທີ່ເສຍຊີວິດໃນສົງຄາມ ແລະ ສົງຄາມສາກົນຢູ່ ກຳປູເຈຍ 06 ທ່ານ ເພື່ອນຳກັບຄືນໄປປະກອບພິທີທາງສາສະໜາຢູ່ປະເທດຊາດ.
ພິທີຮັບ ແລະ ສົ່ງອັດຖິຂອງນັກຮົບເສຍສະຫຼະຊີວິດເພື່ອຊາດ ໄດ້ດຳເນີນໄປຢ່າງສະຫງ່າຜ່າເຜີຍ ແລະ ເຂັ້ມງວດ, ບັນດາກຳລັງປະກອບອາວຸດ, ຄູອາຈານ, ນັກຮຽນ ແລະ ປະຊາຊົນໄດ້ເຕົ້າໂຮມກັນຢູ່ລຽບຕາມເສັ້ນທາງຂະບວນລົດແລ່ນຜ່ານເພື່ອໄປສົ່ງວິລະຊົນ, ນັກຮົບເສຍສະຫຼະຊີວິດເພື່ອຊາດ, ອາສາສະໝັກ ແລະ ນັກຊ່ຽວຊານຫວຽດນາມ ທີ່ເສຍຊີວິດຢູ່ກຳປູເຈຍ.
ການຮັບວິລະຊົນກັບຄືນເມືອປະເທດຊາດ, ເປັນໂອກາດເພື່ອໃຫ້ຄົນລຸ້ນຫຼັງໄດ້ລະນຶກເຖິງຄຸນງາມຄວາມດີຂອງບັນດາວິລະຊົນ, ພ້ອມທັງສະແດງໃຫ້ເຫັນເຖິງຫຼັກສິນທໍາ "ກິນເຂົ້າຄິດຮອດຄຸນນາ, ກິນປາຄິດຮອດຄຸນນ້ຳ" ແລະ ຄວາມຮູູ້ບຸນຄຸນ, ຄວາມເຄົາລົບຕໍ່ຄຸນງາມຄວາມດີຂອງວິລະຊົນ ແລະ ນັກຮົບເສຍສະຫຼະຊີວິດເພື່ອຊາດ. ຕາມແຜນການແລ້ວ, ພິທີໄຫວ້ອາໄລ, ແລະ ປະກອບພິທີທາງສາສະໜານັກຮົບສະຫຼະຊີວິດເພື່ອຊາດ ໄດ້ດຳເນີນໃນເວລາ 8:00 ໂມງ ວັນທີ 10 ມິຖຸນານີ້ ຢູ່ສຸສານນັກຮົບເສຍສະຫຼະຊີວິດເພື່ອຊາດ ເມືອງ ງອກໂຮ່ຍ (ກອນຕູມ).
ບຸນຄົງ
