ຄວາມຮັບຮູ້ທີ່ຖືກຕ້ອງເພື່ອມີກົນໄກເໝາະສົມກ່ຽວກັບວຽກງານການທູດປະຊາຊົນ

15:44 | 12/06/2022

ຍສໝ - ຫວ່າງແລ້ວນີ້, ທ່ານເອກອັກຄະລັດຖະທູດ ນາງ ຫງວຽນເຟືອງງາ, ປະທານສະຫະພັນບັນດາອງົການຈັດຕັ້ງມິດຕະພາບ ຫວຽດນາມ ພ້ອມກັບຄະນະປະຕິບັດງານໄດ້ມີການເຮັດວຽກກັບອົງຄະນະພັກແຂວງ, ຄະນະກຳມະການປະຊາຊົນແຂວງຈ່າວິງ ເພື່ອແນໃສ່ຮັບຟັງສະພາບການປະຕິບັດວຽກງານການທູດປະຊາຊົນໃນບໍລິເວນ…

	ຂຸດຄົ້ນມໍລະດົກອ່າວຮ່າລອງ ເໝາະສົມກັບການອະນຸລັກມໍລະດົກ, ຕິດພັນກັບການພັດທະນາການທ່ອງທ່ຽວແບບຍືນຍົງ
	SEA Games 31: ງານມະຫາກຳກິລາ ທີ່ປອດໄພ, ມີຄວາມສະເໝີພາບ ແລະ ປະທັບໃຈ

ຄວາມຮັບຮູ້ທີ່ຖືກຕ້ອງເພື່ອມີກົນໄກເໝາະສົມກ່ຽວກັບວຽກງານການທູດປະຊາຊົນ

ບັນຍາກາດທີ່ການເຮັດວຽກ

ທີ່ການເຮັດວຽກ, ທ່ານ ຟ້າມວັນເຣ ປະທານສະຫະພັນບັນດາອົງການຈັດຕັ້ງມິດຕະພາບແຂວງ ຈ່າວິງ ໄດ້ລາຍງານສະພາບການກັບຄະນະກ່ຽວກັບການຜັນຂະຫຍາຍຄຳສັ່ງເລກທີ 38 ລົງວັນທີ 19 ກັນຍາ 2019 ຂອງຄະນະເລຂາກ່ຽວກັບການສືບຕໍ່ປ່ຽນແປງໃໝ່, ເສີມຂະຫຍາຍບົດບາດ ແລະ ຍົກສູງຄຸນນະພາບ, ປະສິດທິຜົນຂອງການເຄື່ອນໄຫວຂອງສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ໃນສະພາບການໃໝ່ ແລະ ບັນດາຄຳສັ່ງ, ມະຕິຂອງພັກ, ພ້ອມທັງແຈ້ງໃຫ້ຊາບກ່ຽວກັບສະພາບການເຄື່ອນໄຫວຂອງສະຫະພັນບັນດາອົງການຈັດຕັ້ງມິດຕະພາບແຂວງຈ່າວິງ ໃນໄລຍະຜ່ານມາ.

ກ່າວຄຳເຫັນທີ່ການເຮັດວຽກ, ທ່ານເອກອັກຄະລັດຖະທູດ ນາງ ຫງວຽນເຟືອງງາ, ປະທານ VUFO ໄດ້ສະແດງຄວາມຊົມເຊຍຕໍ່ບັນດາຜົນສຳເລັດດ້ານເສດຖະກິດ ສັງຄົມ ຂອງແຂວງຈ່າວິງ, ທ່ານກໍ່ຕີລາຄາສູງບົດບາດ ແລະ ບັນດາໝາກຜົນການເຄື່ອນໄຫວຂອງ ສະຫະພັນບັນດາອົງການຈັດຕັ້ງມິດຕະພາບ ແຂວງຈ່າວິງ ໃນໄລຍະຜ່ານມາ.

ທ່ານນາງ ຫງວຽນເຟືອງງາ ໃຫ້ຮູ້ວ່າ, ດ້ວຍທິດນຳ “ມີໄຫວພິບ - ເປັນເຈົ້າການ - ປະດິດຄິດສ້າງ - ມີປະສິດທິຜົນ” ລະບົບຂອງສະຫະພັນບັນດາອົງການຈັດຕັ້ງມິດຕະພາບສູນກາງ ລົງຮອດທ້ອງຖິ່ນ ກໍມີການເຄື່ອນໄຫວທີ່ນັບມື້ນັບມີປະສິດທິຜົນ, ບົດບາດຂອງວຽກງານການທູດປະຊາຊົນ ໄດ້ຮັບການຕີລາຄາສູງຈາກພັກ ແລະ ລັດ. ຢູ່ບັນດາແຂວງ, ນະຄອນ, ສະຫະພັນບັນດາອົງການຈັດຕັ້ງມິດຕະພາບຍາມໃດກໍ່ສວມບົດບາດຫຼັກແຫຼ່ງໃນວຽກງານການທູດປະຊາຊົນ.

ທ່ານ ເລິມມິງດັ່ງ ຮອງເລຂາຄະນະພັກແຂວງ ຈ່າວິງ ໃຫ້ຮູ້ວ່າ ຈ່າວິງໄດ້ຕັດແຍກອອກຈາກແຂວງກິວລອງ ແຕ່ປີ 1991, ຜ່ານ 30 ປີທີ່ເຕັມໄປດ້ວຍຄວາມຫຍຸ້ງຍາກ, ສິ່ງທ້າທາຍຫຼາຍຢ່າງນັ້ນ, ທາງແຂວງໄດ້ບັນລຸໄດ້ການເຕີບໂຕພັດທະນາເສດຖະກິດຢູ່ລະດັບສູງ, ລາຍຮັບສະເລ່ຍຕໍ່ຫົວຄົນມີຄວາມເປັນປົກກະຕິ, ນະໂຍບາຍການໜູນຊ່ວຍສັງຄົມ, ວຽກງານລົບລ້າງຄວາມອຶດຫິວຫຼຸດຜ່ອນຄວາມທຸກຍາກ ຍາມໃດກໍ່ໄດ້ຮັບຄວາມເອົາໃຈໃສ່, ປັດຈຸບັນ ທາງແຂວງມີ 82/85 ຕາແສງບັນລຸມາດຖານຊົນນະບົດໃໝ່, ສູ້ຊົນຮອດກ່ອນປີ 2025, ທົ່ວແຂວງຈະໄດ້ຮັບຮອງວ່າ ປະຕິບັດສຳເລັດບັນດາເປົ້າໝາຍກ່ຽວກັບການກໍ່ສ້າງຊົນນະບົດໃໝ່.

ຕາມທ່ານດັ່ງແລ້ວ, ການພັດທະນາຂອງແຂວງໄດ້ມີການປະກອບສ່ວນບໍ່ແມ່ນໜ້ອຍຂອງສະຫະພັນບັນດາອົງການຈັດຕັ້ງມິດຕະພາບ ແຂວງຈ່າວິງ ແລະ ບັນດາອົງການບໍ່ຂຶ້ນກັບລັດຖະບານ ທີ່ມີການເຄື່ອນໄຫວໃນແຂວງ. ໄລຍະຜ່ານມາ, ມີຫຼາຍອົງການໄດ້ຈັດຕັ້ງການໜູນຊ່ວຍປະຊາຊົນໃນບໍລິເວນແຂວງເປັນຢ່າງດີ ນັບແຕ່ງົບປະມານຕະຫຼອດຮອດການແນະນຳ, ຝຶກອົບຮົບໃຫ້ແກ່ປະຊາຊົນ, ບັນດາບົດຮຽນປະສົບການເພື່ອຜະລິດດຳເນີນທຸລະກິດບັນລຸປະສິດທິຜົນສູງ…

ບຸນຄົງ