ຈຳນວນແຂກສາກົນຊອກຫາກ່ຽວກັບທ່ອງທ່ຽວ ຫວຽດນາມ ສືບຕໍ່ເພີ່ມຂຶ້ນຢ່າງແຮງ
	ສາດສະດາຈານຊາວຫວຽດນາມ ໄດ້ຮັບລາງວັນອັນສູງສົ່ງຂອງ ສະຫະສະມາຄົມເຄມີລາຊະວົງ ອັງກິດ

ຕອນບ່າຍວັນທີ 9 ມິຖຸນາ, ທີ່ຮ່າໂນ້ຍ ໄດ້ດໍາເນີນພິທີອັດກອງປະຊຸມຄົບ ຄະນະປະຈໍາປີ ແລະ ກອງປະຊຸມສໍາມະນາສະຫະພັນບັນດາສູນຮັກສາ ສັນຕິພາບ ອາຊີ-ປາຊີຟິກ (AAPTC) ປີ 2022.

ຫວຽດນາມ ຈັດຕັ້ງກອງປະຊຸມບັນດາສູນຮັກສາສັນຕິພາບ ຢ່າງສໍາເລັດຜົນ. ພາບ: TTXVN

ໃນການເຮັດວຽກ 3 ວັນ, ບັນດາຜູ້ແທນ ໄດ້ສຸມໃສ່ແລກປ່ຽນ, ປຶກສາຫາລື ບັນດາຫົວຂໍ້ທີ່ກ່ຽວຂ້ອງເຖິງການເຄື່ອນໄຫວຮັກສາສັນຕິພາບ ສະຫະປະຊາ ຊາດ; ພ້ອມທັງເຫັນດີຮັບຮອງເອົາ ແລະ ນໍາໃຊ້ບັນດາເອກະສານທີ່ສໍາຄັນ, ລວມມີ: ຖະແຫຼງການຮ່ວມ, ແຈ້ງການລວມ ແລະ ກົດລະບຽບສະບັບປັບ ປຸງເພີ່ມເຕີມຂອງສະຫະພັນ.

ກ່າວຄໍາເຫັນອັດກອງປະຊຸມ, ທ່ານພົນຈັດຕະວາ ຮວ່າງກິມຟຸ້ງ ຫົວໜ້າ ກົມຮັກສາສັນຕິພາບຫວຽດນາມ ໄດ້ຮັບຮູ້ ແລະ ຕີລາຄາສູງຄວາມມານະ ພະຍາຍາມ, ຈິດໃຈເຮັດວຽກຢ່າງມີຄວາມຮັບຜິດຊອບຂອງບັນດາຜູ້ແທນ.

ກອງປະຊຸມ ໄດ້ສ້າງເວທີປາໄສທາງການ ແລະ ສໍາຄັນເພື່ອໃຫ້ບັນດາ ປະເທດສະມາຊິກ AAPTC ອັບເດດກ່ຽວກັບການພັດທະນາຂອງສະຫະພັນ, ແບ່ງປັນບົດຮຽນປະສົບການ ແລະ ຖອດຖອນບົດຮຽນເຊິ່ງກັນແລະກັນ, ພ້ອມທັງເນັ້ນໜັກເຖິງຄວາມຈໍາເປັນຂອງການດັດປັບຄໍາໝັ້ນສັນຍາ ແລະ ແຫຼ່ງກໍາລັງຂອງບັນດາປະເທດຄືນໃໝ່ ເພື່ອຕອບສະໜອງຄວາມຮຽກຮ້ອງ ຕ້ອງການ ກໍ່ຄືສິ່ງທ້າທາຍໃນພູມີປະເທດຕົວຈິງຢູ່ຄະນະປະຕິບັດງານ ໃນວິວັດ ການກະກຽມ, ຝຶກແອບ, ຜັນຂະຫຍາຍ, ບັນຊາ ແລະ ຄວບຄຸມກໍາລັງ, ເພີ່ມທະວີຄວາມໝັ້ນຄົງກວ່າອີກໃຫ້ແກ່ກໍາລັງໝວກເບເລສີຟ້າ ທີ່ກໍາລັງ ປະຕິບັດໜ້າທີ່ຮັກສາສັນຕິພາບສະຫະປະຊາຊາດ ກໍ່ຄືຊຸກຍູ້ໂຄງກາ ນດໍາເນີນງານກ່ຽວກັບແມ່ຍິງ, ສັນຕິພາບ ແລະ ຄວາມໝັ້ນຄົງ, ຂໍ້ລິເລີ່ມ ກະທໍາເພື່ອສັນຕິພາບ (A4P) ແລະ ຂໍ້ລິເລີ່ມກະທໍາເພື່ອສັນຕິພາບເປີດກວ້າງ (A4P+) ຂອງສະຫະປະຊາຊາດ. ກອງປະຊຸມກໍ່ໃຫ້ບຸລິມະສິດຍຸດທະສາດ ແລະ ແຜນການລວມ, ມຸ່ງໄປເຖິງເປົ້າໝາຍຊຸກຍູ້ບັນດາຂໍ້ລິເລີ່ມ, ການປັບປຸງ ແລະ ມາດຕະການຕ່າງໆ ເພື່ອຍົກສູງກໍາລັງຄວາມສາມາດ ແນໃສ່ຮັບມື ກັບສິ່ງທ້າທາຍໃນປັດຈຸບັນ, ພ້ອມທັງຍົກສູງປະສິດທິຜົນການເຄື່ອນ ໄຫວຮັກສາສັນຕິພາບຂອງສະຫະປະຊາຊາດ.

ທີ່ພິທີອັດ, ທ່ານພົນຈັດຕະວາ ຮວ່າງກິມຟຸ້ງ ໄດ້ມອບໃບຢັ້ງຢືນໃຫ້ແກ່ ບັນດາຜູ້ແທນ, ພ້ອມທັງສົ່ງມອບທຸງ AAPTC ແລະ ບົດບາດປະທານ AAPTC 2023 ໃຫ້ຜູ້ຕາງໜ້າ ອົດສະຕາລີ.