ຈຳນວນແຂກສາກົນຊອກຫາກ່ຽວກັບທ່ອງທ່ຽວ ຫວຽດນາມ ສືບຕໍ່ເພີ່ມຂຶ້ນຢ່າງແຮງ

	ທ່ານນາຍົກລັດຖະມົນຕີ ຟ້າມມິນຈິງ ພົບປະກັບນາຍົກລັດຖະມົນຕີ ລາວ ແລະ ການນຳ ອາຊຽນ ຈຳນວນໜຶ່ງ
	ຈຳນວນຜູ້ໂດຍສານທີ່ຜ່ານສະໜາມບິນ ໂນ້ຍບ່າຍ ຄາດວ່າຈະເພີ່ມຂຶ້ນຢ່າງແຮງ

ຕາມກົມໃຫຍ່ທ່ອງທ່ຽວ ຫວຽດນາມ ແລ້ວ, ຂໍ້ມູນຈາກເຄື່ອງມືຕິດຕາມທ່າອ່ຽງ ຕະຫຼາດຂອງ Google ຊີ້ໃຫ້ເຫັນວ່າ, ແຂກສາກົນຊອກຫາກ່ຽວກັບທ່ອງທ່ຽວ ຫວຽດນາມ ໄດ້ເພີ່ມຂຶ້ນແຕ່ 50 – 75%, ລະດັບເພີ່ມຂຶ້ນສູງຢືນອັນດັບທີ 4 ໃນໂລກ.

ພາບປະກອບ: TTXVN

Google ຖືວ່າ, ດັດຊະນີດັ່ງກ່າວຂອງ ຫວຽດນາມ ໄດ້ຮັກສາລະດັບເຕີບໂຕສູງຢ່າງລຽນຕິດໃນໄລຍະກວ່າ 2 ເດືອນຜ່ານມາ, ຊີ້ໃຫ້ເຫັນລະດັບຟື້ນຟູຢ່າງແຮງຂອງຂະແໜງທ່ອງທ່ຽວ ຫວຽດນາມ. ໃນນັ້ນ, ບັນດາຕະຫຼາດພວມຊອກຫາກ່ຽວກັບທ່ອງທ່ຽວ ຫວຽດນາມ ຫຼາຍທີ່ສຸດແມ່ນ: ອາເມລິກາ, ສິງກະໂປ, ອົດສະຕາລີ, ຍີ່ປຸ່ນ, ອິນເດຍ, ຝລັ່ງ, ເຢຍລະມັນ, ໄທ, ການາດາ ແລະ ອັງກິດ. ບັນດາສະຖານທີ່ຂອງ ຫວຽດນາມ ເຊິ່ງນັກທ່ອງທ່ຽວສາກົນຊອກຫາຫຼາຍທີ່ສຸດແມ່ນ: ນະຄອນ ໂຮ່ຈີມິນ, ຮ່າໂນ້ຍ, ຝູກວກ (ແຂວງ ກຽນຢາງ), ດ່ານັ້ງ, ໂຮ້ຍອານ (ແຂວງ ກວາງນາມ), ຍາຈາງ (ແຂວງ ແຄງຮ່ວາ), ດ່າລາ (ແຂວງ ເລິມດົ່ງ), ຟານທຽດ (ແຂວງ ບິງທ້ວນ), ເຫ້ວ (ແຂວງ ເທື່ອທຽນເຫ້ວ).