ໂວດໃຫ້ການທ່ອງທ່ຽວຫວຽດນາມ ທີ່ລາຍການລາງວັນ World Travel Awards 2022

07:31 | 16/06/2022

ຍສໝ-ກົມໃຫຍ່ການທ່ອງທ່ຽວ ຮຽກຮ້ອງການຕອບສະໜອງຂອງປະຊາຊົນ ແລະ ນັກທ່ອງທ່ຽວ ໂວດ ໃຫ້ການທ່ອງທ່ຽວຫວຽດນາມ ທີ່ລາຍການລາງວັນ World Travel Awards 2022.

	EuroCham ຫວຽດນາມ ຈັດ “ເວທີປາໄສ ແລະ ງານວາງສະແດງເສດຖະກິດສີຂຽວ (GEFE) 2022” ໃນທ້າຍເດືອນ ພະຈິກ 2022
	Travel Blogger Duong Journey ແນະນຳ 7 ສະຖານທີ່ທີ່ຄວນໄປ ເມື່ອມາມົກເຈົາ

ອ່າວຮ້າລອງ (ພາບ: phunuvietnam.vn)

World Travel Awards (ຂຽນຫຍໍ້: WTA) ແມ່ນລາງວັນທີ່ໄດ້ຈັດຂຶ້ນເປັນປະຈໍາປີ ນັບແຕ່ປີ 1993, ມາຮອດປັດຈຸບັນ ໄດ້ກາຍເປັນເຄື່ອງໝາຍການຄ້າອັນດັບໜຶ່ງຂອງໂລກ ໃນການເຊີດຊູບັນດາຜົນງານດີເດັ່ນຂອງຂະແໜງການທ່ອງທ່ຽວໃນທຸກຂົງເຂດ. ປີນີ້ ເປັນຄັ້ງທີ 29 WTA ໄດ້ຈັດຕັ້ງກິດຈະກໍາ ໂວດ ແລະ ມອບລາງວັນ. ກິດຈະກໍາໂວດໃຫ້ບັນດາລາງວັນລະດັບພາກພື້ນ ແລະ ທະວີບໄດ້ເລີ່ມແຕ່ວັນທີ 30 ພຶດສະພາ 2022 ເພື່ອຄັດເລືອກເອົາຜູ້ສະໝັກທີ່ດີເດັ່ນທີ່ສຸດ ຊີງລາງວັນລະດັບທົ່ວໂລກ.

ປີນີ້, ການທ່ອງທ່ຽວຫວຽດນາມໄດ້ສະເໜີຢູ່ 10 ລາຍການ, ລວມມີ:

1.Asia's Leading Destination 2022 (Vietnam) - ສະຖານທີ່ທ່ອງທ່ຽວແຖວໜ້າຂອງອາຊີ 2022.

2.Asia's Leading Sustainable Tourism Destination 2022 (Vietnam) - ສະຖານທີ່ທ່ອງທ່ຽວແບບຍືນຍົງແຖວໜ້າຂອງອາຊີ 2022.

3.Asia's Leading Heritage Destination 2022 (Vietnam) - ສະຖານທີ່ທ່ອງທ່ຽວມໍລະດົກແຖວໜ້າຂອງອາຊີ 2022.

4.Asia's Leading Cultural Destination 2022 (Vietnam) - ສະຖານທີ່ທ່ອງທ່ຽວວັດທະນະທຳແຖວໜ້າຂອງອາຊີ 2022.

5.Asia's Leading Nature Destination 2022 (Vietnam) - ສະຖານທີ່ທ່ອງທ່ຽວທຳມະຊາດແຖວໜ້າຂອງອາຊີ 2022.

6.Asia's Leading Youth Travel Destination 2022 (Vietnam) - ສະຖານທີ່ທ່ອງທ່ຽວສຳລັບໄວໜຸ່ມແຖວໜ້າຂອງອາຊີ 2022.

7.Asia's Leading Beach Destination 2022 (Vietnam) - ສະຖານທີ່ທ່ອງທ່ຽວທະເລແຖວໜ້າຂອງອາຊີ 2022.

8.Asia's Leading Tourist Board 2022 (Vietnam National Administration of Tourism) - ອົງການທ່ອງທ່ຽວແຖວໜ້າຂອງອາຊີ 2022 (ກົມໃຫຍ່ການທ່ອງທ່ຽວ).

9.Asia's Leading City Break Destination 2022 (Hanoi) - ນະຄອນແຖວໜ້າຂອງອາຊີ 2022.

10.Asia's Leading Cultural City Destination 2022 (Hoi An) - ເມືອງວັດທະນະທຳແຖວໜ້າຂອງອາຊີ 2022.

ກ່ອນໜ້ານີ້, ຫວຽດນາມ ໄດ້ກາຍເປັນສະຖານທີ່ທ່ອງທ່ຽວແຖວໜ້າຂອງອາຊີເປັນ 3 ຄັ້ງ, ຫຼາຍເທື່ອໄດ້ນຳໜ້າໃນພາກພື້ນຢູ່ບັນດາລາຍການມໍລະດົກ, ວັດທະນະທຳ, ການທ່ອງທ່ຽວແບບຍືນຍົງແຕ່ປີ 2018 – 2021. ປີ 2022, ອົງການທ່ອງທ່ຽວ ຮຽກຮ້ອງການຕອບສະໜອງຂອງປະຊາຊົນ ແລະ ນັກທ່ອງທ່ຽວໂວດໃຫ້ການທ່ອງທ່ຽວຫວຽດນາມ ໂດຍສຸມໃສ່ບັນດາລາຍການຄື ສະຖານທີ່ທ່ອງທ່ຽວແຖວໜ້າຂອງອາຊີ, ສະຖານທີ່ທ່ອງທ່ຽວມໍລະດົກ/ວັດທະນະທຳ/ການທ່ອງທ່ຽວແບບຍືນຍົງແຖວໜ້າຂອງອາຊີ.

ເພື່ອໂວດໃຫ້ການທ່ອງທ່ຽວຫວຽດນາມໃນລາງວັນທີ່ມີກຽດນີ້, ທຸກຄົນສາມາດເຂົ້າເວັບໄຊ: www.worldtravelawards.com ແລະ ປະຕິບັດຕາມຂັ້ນຕອນ: ລົງທະບຽນ/ສ້າງບັນຊີເພື່ອໂວດ; ກົດໂວດໃຫ້ການທ່ອງທ່ຽວຫວຽດນາມ ຕາມຄຳແນະນຳຢູ່ເວັບໄຊ.

ເວລາໂວດຈະແກ່ຍາວເຖິງວັນທີ 31 ສິງຫາ 2022.

ຫອມມາລາ