ສະຫະສະມາຄົມວິສາຫະກິດ ເອີລົບ ປະຈຳ ຫວຽດນາມ (EuroCham) ຈະຈັດ “ເວທີປາໄສ ແລະ ງານວາງສະແດງເສດຖະກິດສີຂຽວ (GEFE) 2022” ໃນລະຫວ່າງວັນທີ 28 – 30 ພະຈິກ, ຢູ່ນະຄອນ ໂຮ່ຈີມິນ.
 |
| ທີ່ການປະຊຸມຖະແຫຼງຂ່າວ. ພາບ: congthuong.vn |
ເຫດການໄດ້ຈັດຂຶ້ນເພື່ອແນໃສ່ໜູນຊ່ວຍ ຫວຽດນາມ ບັນລຸຄຳໝັ້ນສັນຍາທີ່ກອງ ປະຊຸມຄັ້ງທີ 26 ບັນດາຝ່າຍເຂົ້າຮ່ວມສົນທິສັນຍາແມ່ຂອງສະຫະປະຊາຊາດ ກ່ຽວກັບການປ່ຽນແປງຂອງດິນຟ້າອາກາດ (COP26) ແລະ ບັນດາເປົ້າໝາຍ ພັດທະນາເສດຖະກິດ - ສັງຄົມ ເຊິ່ງໄດ້ຍົກອອກມາໃນຍຸດທະສາດແຫ່ງຊາດ ກ່ຽວກັບການເຕີບໂຕສີຂຽວ ໄລຍະ 2021 – 2030. ນີ້ແມ່ນຂໍ້ມູນເຊິ່ງ EuroCham ປະກາດທີ່ການປະຊຸມຖະແຫຼງຂ່າວໃນວັນທີ 24 ພຶດສະພາ, ຢູ່ນະຄອນ ໂຮ່ຈີມິນ.
ເຫດການແມ່ນພື້ນຖານເພື່ອເພີ່ມທະວີການຮ່ວມມືລະຫວ່າງປະຊາຄົມວິສາຫະກິດ ເອີລົບ ແລະ ຫວຽດນາມ ຊຸກຍູ້ພື້ນຖານເສດຖະກິດ ຫວຽດນາມ ພັດທະນາຕາມທິດສີຂຽວ, ຍືນຍົງ ຜ່ານບັນດາຂໍ້ລິເລີ່ມແບ່ງປັນດ້ານວິຊາສະເພາະ ແລະ ຖ່າຍທອດເຕັກໂນໂລຢີ.
ບູນມີ
