| ສົ່ງເສີມການຮ່ວມມືລະຫວ່າງທ້ອງຖິ່ນຕ່າງໆຂອງຫວຽດນາມ ແລະໂອຕຣິດ | |
| ວິສາຫະກິດຫຼາຍແຫ່ງຂອງ ໂອຕຣິດ ເປັນເຈົ້າການເຂົ້າຮ່ວມເວທີປາໄສວິສາຫະກິດຫວຽດນາມ - ໂອຕຣິດ |
ທ່ານລັດຖະມົນຕີ ບຸ່ຍແທັງເຊີນ ແລະ ທ່ານລັດຖະມົນຕີ Schallenberg ເຫັນດີຮັກສາການແລກປ່ຽນຄະນະຜູ້ແທນ ແລະ ການພົວພັນທຸກຂັ້ນ, ສົມທົບກັນຈັດຕັ້ງບັນດາການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ, ເພີ່ມທະວີການເຄື່ອນໄຫວສົ່ງເສີມການຄ້າ - ການລົງທຶນ, ເປີດກວ້າງການຮ່ວມມືໃນຂົງເຂດທີ່ໂອຕຣິດ ມີທ່າແຮງ, ຫວຽດນາມ ມີຄວາມຕ້ອງການ ເຊັ່ນ: ພະລັງງານທົດແທນ, ການຮັບມືກັບການປ່ຽນແປງຂອງດິນຟ້າອາກາດ, ແກ້ໄຂສິ່ງເສດເຫຼືອ, ອຸດສາຫະກຳປຸງແຕ່ງ...
 |
| ເພີ່ມທະວີການພົວພັນຮ່ວມມືລະຫວ່າງຫວຽດນາມ - ໂອຕຣິດ ໃຫ້ແທດຈິງ ແລະ ມີປະສິດທິຜົນກວ່າໃນໄລຍະຈະມາເຖິງ. (ພາບ: TTXVN) |
2 ຝ່າຍເຫັນດີເປັນເອກະສັນສົມທົບກັນຢ່າງແໜ້ນແຟ້ນ ເພື່ອຜັນຂະຫຍາຍກອງປະຊຸມຄະນະກຳມະການປະສົມ ກ່ຽວກັບການຮ່ວມມືດ້ານເສດຖະກິດ - ການຄ້າ ຫວຽດນາມ - ໂອຕຣິດ, ຍາດແຍ່ງກາລະໂອກາດ ແລະ ຜົນປະໂຫຍດທີ່ສັນຍາການຄ້າເສລີ ຫວຽດນາມ - EU (EVFTA) ນຳມາໃຫ້.
ທ່ານລັດຖະມົນຕີ ບຸ່ຍແທັງເຊີນ ປາດຖະໜາວ່າ ລັດຖະບານ ໂອຕຣິດ ຈະມີສຽງສະໜັບສະໜູນ ແລະ ຊຸກຍູ້ສະພາແຫ່ງຊາດ ໂອຕຣິດ ໃຫ້ສັດຕະຍາບັນສັນຍາປົກປ້ອງການລົງທຶນ EU - ຫວຽດນາມ (EVIPA).
2 ຝ່າຍຢືນຢັນຈະສືບຕໍ່ສົມທົບກັນຢ່າງແໜ້ນແຟ້ນ ແລະ ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສຫຼາຍຝ່າຍ ແລະ ບັນດາອົງການຄື ສປຊ, ASEM, ແລະ ອາຊຽນ - EU.
ຄຳຮຸ່ງ
