 |
ຊຸມວັນນີ້, ປະຊາຄົມການທ່ອງທ່ຽວໄດ້ຕີລາຄາຕົ້ນກົກເປືອຍ ວ່າ “ສວຍງາມທີ່ສຸດ ຫວຽດນາມ” ນອນຢູ່ແຄມຖະໜົນຫຼວງ ເລກ 1A ບ້ານ ລຽມທ໊າຍ, ຕາແສງ ຮົ່ງລຽມ, ເມືອງຮ່າມທ້ວນບັກ ເລີ່ມບານສະພັ່ງດ້ວຍສີອິດທີ່ສວຍສົດງົດງາມ. ຊາວທ້ອງຖິ່ນ ແລະ ແຂກທ່ອງທ່ຽວທຸກທົ່ວສາລະທິດ ໄດ້ມາທີ່ນີ້ເພື່ອຢ້ຽມຢາມຄວາມງາມທີ່ເປັນເອກະລັກສະເພາະມີໜຶ່ງບໍ່ມີສອງຂອງຕົ້ນໄມ້ນີ້. ພາບ: vnexpress
 |
ຕອນເຊົ້າວັນທີ 20 ພຶດສະພາ, ເອື້ອຍຫງວຽນທິທູຖາວ ພ້ອມກັບໝູ່ 4 ຄົນ ຈາກນະຄອນ ຟານທຽດ ໄດ້ເດີນທາງດ້ວຍລົດໃຫຍ່ໄປຍັງຕາແສງ ຮົ່ງລຽມ ທີ່ຫາງຈາກນັ້ນ 26 ກິໂລແມັດ ເພື່ອຖ່າຍຮູບ.ພາບ: vnexpress
 |
ເອື້ອຍຖາວແບ່ງປັນວ່າ “ມື້ວານນີ້, ເມື່ອເຫັນໝູ່ເອົາຮູບຕົ້ນໄມ້ທີ່ສວຍງາມນີ້ລົງໃນອິນເຕີເນັດ, ສະນັ້ນ ແຕ່ຮຸ່ງເຊົ້ານີ້ ຂ້າພະເຈົ້າໄດ້ນຸ່ງຊຸດເຊື້ອຍາວໃໝ່ ພ້ອມກັບໝູ່ເພື່ອນມານີ້ຖ່າຍຮູບ”. ເອື້ອຍໃຫ້ຮູ້ວ່າ: ເຂດຕາແສງ ຮົ່ງລຽມມີຫຼາຍເຮືອນທີ່ປູກຕົ້ນກົກເປືອຍ, ແຕ່ນີ້ແມ່ນຕົ້ນໄມ້ງາມທີ່ສຸດ, ປີໃດ ເອື້ອຍກໍ່ລໍຖ້າຕົ້ນໄມ້ບານສະພັ່ງ ເພື່ອມານີ້ຖ່າຍຮູບ. ພາບ: vnexpress
 |
ເພື່ອນຂອງເອື້ອຍຖາວ 2 ຄົນກໍ່ພວມແອັກທ່າຖ່າຍຮູບ, ໂດຍນຳໃຊ້ສະມາດໂຟນ ເພື່ອ check in, ຖ່າຍຮູບຕົ້ນໄມ້ ເພື່ອອວດອ້າງກັບທຸກໆຄົນ. ພາບ: vnexpress
 |
ເອື້ອຍກິມຮວາ ກໍ່ມາຈາກຟານທຽດ, ນຸ່ງຊຸດເຊື້ອຍາວສີຂາວ, ຈັບກຸບ ຖ່າຍຮູບ. ພາບ: vnexpress
 |
ຈຸດພິເສດຂອງຕົ້ນໄມ້ນີ້ແມ່ນດອກໄມ້ບານສະພັ່ງໃນເວລາດຽວກັນ ເຊິ່ງເປັນສິ່ງທີ່ຕົ້ນໄມ້ຫຼາຍຊະນິດໃນເຂດ ແລະ ທົ່ວປະເທດສາມາດບໍ່ເຮັດໄດ້ຄືແນວນີ້. ພາບ: vnexpress
 |
ລຸງ ຫວໍວັນບານ, ອາຍຸ 63 ປີ ເປັນເຈົ້າຂອງຕົ້ນໄມ້ທີ່ມີຊື່ສຽງນີ້ໃຫ້ຮູ້ວ່າ ນີ້ແມ່ນຕົ້ນໄມ້ແນວພັນກົກເປືອຍພາຍໃນປະເທດ, ລຸງໄດ້ເອົາມາຈາກເຂດປ່າທີ່ຫາງຈາກບ້ານປະມານ 2 ກີໂລແມັດ, ນຳມາປຸກຢູ່ໜ້າຮ່ອມກ່ອນນີ້ 24 ປີແລ້ວ. ພາບ: vnexpress
 |
ເຊິ່ງໄດ້ອອກເຫື່ອເທແຮງບົວລະບັດ ເພື່ອໃຫ້ມີຕົ້ນກົກເປືອຍທີ່ສວຍງາມຄືໃນປັດຈຸບັນ, ແຕ່ເຈົ້າຂອງເຮືອນກໍ່ບໍ່ເກັບຄ່າສຳລັບຜູ້ຄົນທີ່ມີຄວາມເມົາມົວກັບຄວາມງາມ ແລະ ມາແຫ່ງນີ້ເພື່ອຢ້ຽມຊົມຕົ້ນໄມ້. ພາບ: vnexpress
 |
ເຈົ້າຂອງຕົ້ນໄມ້ແບ່ງປັນວ່າ: ຂ້າພະເຈົ້າຮູ້ສຶກບໍ່ລຳຄານ ຫຼື ຖືກລົບກວນຫຍັງ, ຫາກຍັງຮູ້ສຶກດີໃຈຫຼາຍອີກ ຍ້ອນວ່າຜົນງານຂອງຕົນສ້າງຂຶ້ນໄດ້ຮັບການຮັບຮູ້ຈາກຫຼາຍຄົນ. ພາບ: vnexpress
ບຸນຄົງ
