 | ຫວຽດນາມເຂົ້າຮ່ວມງານວາງສະແດງການປ້ອງກັນປະເທດໃຫຍ່ທີ່ສຸດຂອງອາຊີ |
| ຫວຽດນາມ - ຈຸດທີ່ດຶງດູດຂອງພາກພື້ນ ອາຊີ ໃນລະດູການທ່ອງທ່ຽວ 2024 |
 |
| ຖະໜົນເກົ່າ ໂຮ້ຍອານ. |
ຕາມນັ້ນແລ້ວ, ຢູ່ອັນດັບທີ 7 ຂອງບັນຊີລາຍຊື່, ໂຮ້ຍອານ ໄດ້ຮັບການພັນລະນາໂດຍ TripAdvisor ວ່າແມ່ນຕັ້ງຢູ່ລຽບຕາມແມ່ນ້ຳ ທູບົນ, ມີຊື່ສຽງດ້ວຍບັນດາເຮືອນບູຮານທີ່ມີສີເຫຼືອງ ແລະ ມໍລະດົກທີ່ເປັນມູນເຊື້ອວັດທະນະທຳທີ່ອຸດົມສົມບູນ.
ເຄີຍເປັນບ່ອນເຕົ້າໂຮມຂອງບັນດາພໍ່ຄ້າຊາວ ອາຊີ, ໂຮ້ຍອານ ໄດ້ສ້າງຄວາມປະທັບໃຈໃນໃຈນັກທ່ອງທ່ຽວຕ່າງປະເທດເປັນຈຳນວນຫຼວງຫຼາຍ ຍ້ອນຄວາມສະຫງົບງຽບ, ເຂັ້ມຂຸ້ນໄປດ້ວຍຄວາມເປັນໝູ່ບ້ານ, ແຕ່ກໍ່ບໍ່ຂາດບັນດາການສຳຜັດທີ່ເປັນເອກະລັກສະເພາະ.
 |
| ຫໍພິພິທະພັນວັດຖຸພັນຮ່ອງຮອຍສົງຄາມ. |
ຢູ່ອັນດັບທີ 10 ຂອງບັນຊີລາຍຊື່ແມ່ນຫໍພິພິທະພັນວັດຖຸພັນຮ່ອງຮອຍສົງຄາມຢູ່ຖະໜົນ ຫວໍວັນເຕີນ, ເມືອງ 3, ນະຄອນ ໂຮ່ຈີມິນ. ໂດຍໄດ້ຮັບການສ້າງຂຶ້ນໃນ ປີ 1975, ຫໍພິພິທະພັນແມ່ນສະຖານທີ່ທ່ອງທ່ຽວທີ່ບໍ່ຄວນມອງຂ້າມສຳລັບຄົນທີ່ຢາກຊອກຮູ້ປະຫວັດສາດ ຫວຽດນາມ.
ປະຈຸບັນ, ຫໍພິພິທະພັນມີວັດຖຸຸພັນ, ຮູບພາບ ແລະ ຟິມເອກະສານກວ່າ 20.000 ຢ່າງທີ່ເນັ້ນໜັກເຖິງບັນດາສິ່ງທີ່ພົ້ນເດັ່ນທີ່ສຸດຂອງຊາວ ຫວຽດນາມ ໃນສອງບັ້ນສົງຄາມ.
TripAdvisor ໃຫ້ຂໍ້ສັງເກດວ່າ: "ດ້ວຍບັນດາງານວາງສະແດງທີ່ເປັນໜ້າຈັບໃຈ ແລະ ຂໍ້ມູນທີ່ເປັນປະໂຫຍດ, ນັກທ່ອງທ່ຽວຈະໄດ້ໄປທັດສະນະທີ່ແທ້ຈິງທີ່ສຸດກ່ຽວກັບບັນດາສິ່ງທີ່ສົງຄາມສົ່ງຜົນກະທົບຕໍ່ການດຳລົງຊີວິດ".
 |
| ນັກທ່ອງທ່ຽວສາກົນໄປຢ້ຽມຢາມອຸໂມງໃຕ້ດິນ ກູ້ຈີ. |
ໂດຍຕັ້ງຫ່າງຈາກໃຈກາງນະຄອນ ໂຮ່ຈີມິນ ໄປທາງທິດຕາເວັນຕົກສ່ຽງເໜືອປະມານ 60 ກິໂລແມັດ, ອຸໂມງໃຕ້ດິນ ກູ້ຈີ, ເປັນສັນຍາລັກແຫ່ງການຕໍ່ຕ້ານທີ່ຍືດເຍື້ອຍາວນານຂອງກອງທັບ ແລະ ປະຊາຊົນ ຫວຽດນາມ, ຢືນອັນດັບທີ 14 ໃນຈຳນວນ 25 ແຫຼ່ງທ່ອງທ່ຽວທີ່ນິຍົມທີ່ສຸດຂອງ ອາຊີ.
ອຸໂມງໃຕ້ດິນດັ່ງກ່າວໄດ້ຮັບການສ້າງຂຶ້ນໃນທ້າຍຊຸມປີ 1940 ແລະ ໄດ້ຖຶກຖິ້ມລະເບີດຢ່າງຮຸນແຮງໃສ່ຫຼາຍຄັ້ງໃນຊຸມປີ 1960.
TripAdvisor ຂຽນວ່າ: "ອຸໂມງໃຕ້ດິນ ກູ້ຈີ ຈະນຳມາເຊິ່ງການຜະຈົນໄພທີ່ຫນ້າຈັບໃຈ ແລະ ມີຄວາມສຳພັດໂດຍກົງ, ຊ່ວຍໃຫ້ນັກທ່ອງທ່ຽວຮູ້ສຶກເຖິງຄວາມໝາຍທາງປະຫວັດສາດ ແລະ ມີຄວາມເຂົ້າໃຈເລິກເຊິ່ງກ່ຽວກັບວັດທະນະທໍາທ້ອງຖິ່ນ".
ສະຖານທີ່ທ່ອງທ່ຽວທີ່ເປັນໜ້າສົນໃຈອື່ນໆໃນບັນຊີລາຍຊື່ນີ້ປະກອບມີ: Gardens by the Bay, ສິງກະໂປ (ອັນດັບທີ 1), ອັງກໍວັດ, ກຳປູເຈຍ (ອັນດັບທີ 2), ວິຫານ Taj Mahal, ອິນເດຍ (ອັນດັບທີ 4)...
 | ພິທີເປີດກອງປະຊຸມນະຄອນອັດສະລິຍະ ຫວຽດນາມ - ອາຊີ 2023 ຍສໝ - ວັນທີ 29 ພະຈິກ, , ຢູ່ ຮ່າໂນ້ຍ, , ກອງປະຊຸມນະຄອນອັດສະລິຍະ ຫວຽດນາມ - ອາຊີ 2023 (Vietnam - Asia Smart City Summit 2023) ໄດ້ເປີດຢ່າງເປັນທາງການ. |
 | ຫວຽດນາມ ປາດຖະໜາຢາກປະກອບສ່ວນເຂົ້າໃນອະນາຄົດຂອງ ອາຊີ ຍສໝ - ທ່ານຮອງນາຍົກລັດຖະມົນຕີ ເຈິ່ນລືວກວາງ ຈະເຂົ້າຮ່ວມກອງປະຊຸມອະນາຄົດອາຊີຄັ້ງທີ 28 ແລະ ຢ້ຽມຢາມ ຍີ່ປຸ່ນ ແຕ່ວັນທີ 24-26 ພຶດສະພາ. |
ມິງດຶກ
