 | ຫຼາຍຈຸດໝາຍປາຍທາງທີ່ດຶງດູດຢູ່ ຫວຽດນາມ ສຳລັບນັກທ່ອງທ່ຽວ ຝຣັ່ງ |
| ໂຄສະນາ, ສົ່ງເສີມ, ດຶງດູດນັກທ່ອງທ່ຽວ ສ.ເກົາຫຼີ ມາຍັງ ຫວຽດນາມ |
ທ່ານ Redouane Mahi ພວມມີການໄປທ່ອງທ່ຽວຢູ່ ຫວຽດນາມ. ກ່ອນທີ່ຈະມາເຖິງ ກາວບັ່ງ, ລາວ ໄດ້ໃຊ້ເວລາຫຼາຍຢູ່ ຮ່າໂນ້ຍ, ຊາປາ (ລາວກາຍ) ແລະ ປະຈຸບັນແມ່ນຢູ່ບ້ານ ຄ໋ວຍກີ, ຂຶ້ນກັບຕາແສງ ດ່າມຖຸຍ, ເມືອງ ຈູ່ງແຄັງ, ແຂວງ ກາວບັ່ງ ໄດ້ເວລາ 2 ວັນ. ລາວ ໃຫ້ຮູ້ວ່າ ຢາກຄົ້ນຫາການເຄື່ອນໄຫວວັດທະນະທໍາຊຸມຊົນທີ່ເປັນເອກະລັກສະເພາະຢູ່ທີ່ນີ້ຕື່ມອີກ.
 |
| ໝູ່ບ້ານຫີນ ຄ໋ວຍກີ ທີ່ເບິ່ງຈາກມູມສູງ. (ພາບ: ດຶກອຽນ) |
ໝູ່ບ້ານ ຄ໋ວຍກີ ທີ່ພົ້ນເດັ່ນດ້ວຍບັນດາເຮືອນຮ້ານທີ່ເຮັດດ້ວຍຫີນທີ່ກວ້າງຂວາງບົນເນື້ອທີ່ປະມານ 10.000 ຕາແມັດ, ອີງຫຼັງໃສ່ພູຫີນປູນຕັ້ງຕະຫງ່ານ, ຢູ່ທາງໜ້າແມ່ນສາຍນ້ຳ ຄ໋ວຍກີ ທີ່ໃສ ແລະ ເຢັນສະບາຍ. ໃນຊຸມປີມໍ່ໆມານີ້, ໝູ່ບ້ານບູຮານຂອງຊາວເຜົ່າໄຕ ໄດ້ດຶງດູດນັກທ່ອງທ່ຽວເປັນຈຳນວນຫຼວງຫຼາຍ ຍ້ອນຈຸດສະຖາປັດຕະຍະກຳທີ່ເປັນເອກະລັກສະເພາະ ແລະ ວັດທະນະທຳພື້ນເມືອງ. ຊາວເຜົ່າໄຕຢູ່ທີ່ນີ້ ໄດ້ໝູນໃຊ້ບັນດາເຮືອນຮ້ານທີ່ມີອາຍຸນັບຮ້ອຍປີ, ໄດ້ກໍ່ສ້າງດ້ວຍຫີນທັງໝົດ, ຫຼັງຄາມຸງດິນຂໍພຶ້ນເມືອງ ເພື່ອເຮັດ homestay ຕ້ອນຮັບແຂກທີ່ມາພັກເຊົາ.
ຜົວເມຍຂອງ ທ່ານ ຈ້ຽວອິກສີ - ທ່ານນາງ ຫຼີທິດ້ຽບ ແມ່ນຜູ້ນຳໜ້າໃນການເຮັດທ່ອງທ່ຽວຊຸມຊົນຢູ່ ຄ໋ວຍກີ. ທ່ານ ສີ ກ່າວວ່າ : "ປີ 2016, ຂ້າພະເຈົ້າໄດ້ໄປທ່ຽວ ຮວ່າງຊູຟີ (ຮ່າຢາງ), ໄດ້ເຫັນປະຊາຊົນເຮັດທ່ອງທ່ຽວຊຸມຊົນໄດ້ເປັນຢ່າງດີ, ສະນັ້ນ, ຂ້າພະເຈົ້າໄດ້ປຶກສາຫາລືກັບເມຍ ເພື່ອເປີດ homestay, ຕັ້ງຊື່ວ່າ ອ໋ຽນຍີ. ພວກຂ້າພະເຈົ້າ ໄດ້ຊົມໃຊ້ເຮືອນ 5 ຫ້ອງໃນໝູ່ບ້ານເພື່ອຕ້ອນຮັບແຂກທ່ອງທ່ຽວ, ໃຊ້ເງິນພຽງແຕ່ 50 ລ້ານດົ່ງ ເພື່ອຊື້ຜ້າຫົ່ມ, ໝອນ, ເສື່ອຕື່ມ. ໃນປີ 2021, ພວກຂ້າພະເຈົ້າ ໄດ້ກໍ່ສ້າງ homestay ແຫ່ງທີ 2 ໃສ່ຊື່ວ່າ ອ໋ຽນຍີ 2 ດ້ວຍ 17 ຫ້ອງ ແລະ ເຮືອນຮ້ານແຫ່ງໜຶ່ງທີ່ສາມາດຕ້ອນຮັບແຂກ 25 - 30 ຄົນຢູ່ລວມໝູ່.
 |
| ຫ້ອງພັກຂອງ ອ໋ຽນຍີ homestay. (ພາບ: ອ໋ຽນຍີ homestay) |
ໂດຍໝູນໃຊ້ທີ່ຕັ້ງທີ່ເປັນເອກະລັກສະເພາະຂອງ homestay - ອີງຫຼັງໃສ່ພູຫີນ, ອວ່າຍໜ້າໄປຫາສາຍນ້ຳ, ພວກຂ້າພະເຈົ້າໄດ້ສ້າງສອງຫ້ອງໄວ້ໃກ້ໜ້າຜາຫີນ. ດ້ານໜຶ່ງຂອງຫ້ອງແມ່ນໜ້າຜາຫີນປູນເປັນຮູບທໍ່ກົມ, ອີກດ້ານໜຶ່ງກໍ່ສ້າງດ້ວຍຫີນ, ມີປ່ອງຢ້ຽມທີ່ເບິ່ງເຫັນເດີ່ນເຮືອນລວມ. ຫ້ອງນອນມີຫ້ອງນໍ້າ, ແອເຢັນ, ຕູ້ເສື້ອຜ້າ, wifi ຟຣີ... ດ້ວຍລາຄາ 800 - 1 ລ້ານດົ່ງ/ຄືນ. ຫ້ອງນີ້ນັກທ່ອງທ່ຽວຫຼາຍຄົນນິຍົມເນື່ອງຈາກຄວາມແປກໃຫມ່, ເປັນເອກະລັກຂອງມັນ. ເຂົາເຈົ້າມາທີ່ນີ້ເພື່ອສຳຜັດການນອນໃນຖ້ຳຈະເປັນແນວໃດ..."
ຄຽງຄູ່ກັບການປັບປຸງຄຸນນະພາບການບໍລິການເທື່ອລະກ້າວ, ຄອບຄົວຂອງທ່ານ ຈ້ຽວອິກສີ ຍັງສຸມໃສ່ການໂຄສະນາ homestay ໃນບັນດາສື່ສັງຄົມເຊັ່ນ Facebook, Zalo, TikTok, ເຊື່ອມໂຍງກັບເວທີການທ່ອງທ່ຽວໃຫຍ່ເຊັ່ນ Booking, Agoda ... ເພື່ອແນະນໍາ homestay ຂອງຄອບຄົວໄປສູ່ນັກທ່ອງທ່ຽວພາຍໃນ ແລະ ຕ່າງປະເທດ.
ເມື່ອມີລູກຄ້າຕ່າງປະເທດຕິດຕໍ່ມາ, ໃນເບື້ອງຕົ້ນຍ້ອນການສື່ສານພາສາຕ່າງປະເທດຍັງຈໍາກັດຢູ່, ຄູ່ຜົວເມຍຂອງລາວ ໄດ້ໃຊ້ເຄື່ອງມືແປພາສາອັດສະລິຍະ Google Translate ເພື່ອຊອກຮູ້ ແລະ ຕອບສະໜອງບັນດາຄຳຮຽກຮ້ອງຂອງລູກຄ້າ. ພາຍຫຼັງການຝຶກອົບຮົມເປັນໄລຍະໜຶ່ງ, ກໍ່ມີລູກຫຼານທີ່ຮຽນຢູ່ມະຫາວິທະຍາໄລຢູ່ຮ່າໂນ້ຍ ມາໜູນຊ່ວຍ, ການສື່ສານກັບແຂກຕ່າງປະເທດຕໍ່ homestay ອ໋ຽນຍີ ກໍ່ກາຍເປັນສະດວກສະບາຍ. ສະນັ້ນ, homestay ກໍ່ມີແຂກເຕັມເປັນປະຈຳ.
ທ່ານ ສີ ກ່າວວ່າ “ໃນ 2 ປີຜ່ານມາ, ມີລູກຄ້າຮູ້ຈັກກັບ homestay ຫຼາຍຂື້ນ, ໃນທ້າຍອາທິດ, ປົກກະຕິມີລູກຄ້າ 20-30 ຄົນ/ມື້, ກ່ອນໜ້ານີ້, ຄອບຄົວຂອງຂາ້ພະເຈົ້າ ປູກສາລີ, ເຂົ້າ ພຽງແຕ່ພໍກິນ, ທຸກໆຄັ້ງທີ່ຢາກອອກໄປຕະຫຼາດ ກໍ່ຕ້ອງຂາຍເຂົ້າເປືອກ, ຂາຍສາລີ. ປະຈຸບັນ ແຫຼ່ງລາຍຮັບຕົ້ນຕໍຂອງຄອບຄົວແມ່ນມາຈາກທຸລະກິດບໍລິການ homestay".
 |
| ນາງ ຫງວຽນທິເຟືອງ, ເຈົ້າຂອງ Tay’s homestay. (ພາບ:ເຍີດແອງ) |
ເຂົ້າມາດຳເນີນທຸລະກິດ homestay ແຕ່ປີ 2022, ນາງ ຫງວຽນທິເຟືອງ (ຢູ່ບ້ານ ບ້ານຢົກ, ເມືອງ ດ່າມຖຸຍ, ແຂວງ ກາວບັ່ງ), ເຈົ້າຂອງ Tay’s homestay, ໄດ້ຮຽນຮູ້ປະສົບການຈາກບັນດາຄອບຄົວທີ່ໄປກ່ອນໃນບ້ານ ແລະ ຫຼາຍທ້ອງຖິ່ນອື່ນໆ.
ໂດຍຮັກສາສະຖາປັດຕະຍະກຳເຮືອນຮ້ານຫີນຂອງຊາວໄຕ, ກະເບື້ອງຊ້ອນທັບກັນ, ເສົາເຮືອນໄມ້ 5 ຫ້ອງ, ຮາວລະບຽງໄມ້, ຂັ້ນໄດຫີນ... ແຕ່ທ່ານນາງ ເຟືອງ ກໍ່ໄດ້ຍົກລະດັບພື້ນຖານວັດຖຸ ເພື່ອນຳມາເຊິ່ງພື້ນທີ່ຊີວິດທີ່ສະດວກສະບາຍ ແລະ ມີເຄື່ອງໃຊ້ຢ່າງຄົບຖ້ວນໃຫ້ແຂກ. ຕາມນັ້ນແລ້ວ, ທ່ານນາງຈຶ່ງສ້າງເຮືອນໃຫ້ສູງຂຶ້ນເພື່ອບໍ່ໃຫ້ຫົວແຂກຕຳ; ໃຊ້ເພດານສັງກະສີສອງຊັ້ນພາຍໃຕ້ກະເບື້ອງຊ້ອນທັບກັນ ເພື່ອຫຼີກລ້ຽງການໄຫຼຂອງນ້ໍາໃນລະດູພະຍຸຝົນຕົກ; ຖອກຊີມັງແລ້ວຕິດກະເບື້ອງທີ່ເຮັດດ້ວຍກະເບື້ອງລາຍໄມ້ເພື່ອບໍ່ໃຫ້ມີສຽງດັງຢູ່ພື້ນ. ນອກນີ້, homestay ຍັງສະຫນອງບັນດາການເຄື່ອນໄຫວສຳຜັດວັດທະນະທຳເຊັ່ນ ການຮ້ອງເພງ, ຫຼິ້ນດົນຕີ ແລະ ເຕັ້ນສາບ. ນັກທ່ອງທ່ຽວໄປຍັງ ຄ໋ວຍກີ ກໍ່ຈະໄດ້ເຂົ້າຮ່ວມວຽກງານປະຈໍາວັນຂອງຊາວທ້ອງຖິ່ນເຊັ່ນ ເກັບກ່ຽວເຂົ້າ, ຈັບຫາປາ, ຫລື ສຳຜັດ trekking, ປີນພູ...
ນາງ ເຟືອງ ກ່າວວ່າ “ພວກຂ້າພະເຈົ້າທັງຮຽນ ທັງເຮັດວຽກ. ມື້ທີ່ບໍ່ມີແຂກມາ, ປະຊາຊົນກໍ່ເຮັດວຽກນາ, ຮັກສາການດຳລົງຊີວິດປະຈຳວັນ. ເມື່ອ homestay ມີແຂກມາຢາມຫຼາຍ, ແມ່ຍິງໃນໝູ່ບ້ານກໍ່ພ້ອມທີ່ຈະແລ່ນໄປຊ່ວຍເຫຼືອ. ລາຍຮັບສະເລ່ຍຂອງພະນັກງານຢູ່ homestay ແມ່ນປະມານ 6,1 ລ້ານດົ່ງ/ເດືອນ. ໃນໄລຍະມີແຂກເປັນຈຳໜ່ວຍຫຼວງຫຼາຍ, ພວກຂ້າພະເຈົ້າໄດ້ ເຊົ່າຊາວບ້ານໄປເຮັດວຽກຕາມຊົ່ວໂມງ ດ້ວຍ 350.000 ດົ່ງ/ຊົ່ວໂມງ ຫຼື ເຮັດວຽກຕາມ show ລະອຽດດ້ວຍແຕ່ 100.000 – 500.000 ດົ່ງ/show”.
 |
| ແມ່ຍິງຢູ່ ຄ໋ວຍກີ ຮັກສາສະໂມສອນ. (ພາບ: Tay's homestay) |
ການເຄື່ອນໄຫວການທ່ອງທ່ຽວຊຸມຊົນ ໄດ້ສ້າງວຽກເຮັດ ແລະ ລາຍຮັບທີ່ໝັ້ນຄົງໃຫ້ແກ່ແມ່ຍິງບ້ານ ຄ໋ວຍກີ, ຊ່ວຍໃຫ້ເຂົາເຈົ້າມີລາຍຮັບເພີ່ມຈາກການເຂົ້າຮ່ວມບັນດາການເຄື່ອນໄຫວໃນບໍລິການທ່ອງທ່ຽວເຊັ່ນ ຂັບແທ່ນ, ຕີພິນຕິ໋ງ... ສິ່ງດັ່ງກ່າວປະກອບສ່ວນຍົກສູງຄຸນນະພາບຊີວິດການເປັນຢູ່ ແລະ ອະນຸລັກຮັກສາວັດທະນະທຳພື້ນເມືອງຂອງຊາວເຜົ່າໄຕ ຢູ່ບ້ານຢົກ.
ຕາມທ່ານ ເລືອງວັນລາ, ຫົວໜ້າຫ້ອງວັດທະນະທຳ ແລະ ຂໍ້ມູນເມືອງ ຈູ່ງແຄັງ ແລ້ວ, ມາຮອດປະຈຸບັນ ຢູ່ບ້ານ ຄ໋ວຍກີ ມີ homestay 17 ຫຼັງ, ໄດ້ດຶງດູດນັກທ່ອງທ່ຽວຫຼາຍຂຶ້ນ. ຮອດປີ 2023, ທົ່ວເມືອງ ຈູ່ງແຄັງ ໄດ້ຕ້ອນຮັບແຂກທ່ອງທ່ຽວເກືອບ 1 ລ້ານເທື່ອຄົນ, ໃນນັ້ນ ສະເພາະໝູ່ບ້ານຫີນ ຄ໋ວຍກີ ໄດ້ຕ້ອນຮັບນັກທ່ອງທ່ຽວປະມານ 5.000 ເທື່ອຄົນ, ດ້ວຍກວ່າ 20% ແມ່ນແຂກສາກົນ. ການພັດທະນາຮູບແບບການທ່ອງທ່ຽວຊຸມຊົນຢູ່ຄ໋ວຍກີ ປະສົບຜົນສຳເລັດ ໄດ້ປະກອບສ່ວນບໍ່ໜ້ອຍເຂົ້າໃນການພັດທະນາການທ່ອງທ່ຽວ, ຫຼຸດຜ່ອນຄວາມທຸກຍາກຢູ່ຕາແສງ ດ່າມຖຸຍ. ໄລ່ຮອດທ້າຍປີ 2020, ອັດຕາຄອບຄົວທຸກຍາກໃນຕາແສງມີພຽງ 8,9%.
ເພື່ອພັດທະນາການທ່ອງທ່ຽວແບບຍືນຍົງຕາມບັນດາຄຸນຄ່າວັດທະນະທໍາພື້ນເມືອງ, ທ່ານ ລາ ໃຫ້ຮູ້ວ່າ ໃນໄລຍະຈະມາເຖິງ, ເມືອງ ຈູ່ງແຄັງ ຈະສືບຕໍ່ຈັດຕັ້ງຊຸດອົບຮົມການຕ້ອນຮັບ, ແຕ່ງກິນ, ຫ້ອງຮຽນພາສາອັງກິດໄລຍະສັ້ນ ເພື່ອໃຫ້ປະຊາຊົນເຂົ້າເຖິງ ແລະ ເຊີນແຂກມາທ່ອງທ່ຽວ. ເມືອງຍັງໄດ້ສົມທົບກັບອົງການ ສວນສາທາລະນະທໍລະນີສາດທົ່ວໂລກ UNESCO ພູຜາແມ່ນ້ຳລຳເຊ ກາວບັ່ງ ເພື່ອແນະນຳປະຊາຊົນສ້າງຄະນະຄຸ້ມຄອງການທ່ອງທ່ຽວຊຸມຊົນ, ສ້າງຄະນະສີລະປະ ແລະ ຈັດຕັ້ງຮູບແບບການຈັດປະເພດສິ່ງເສດເຫຼືອ ເພື່ອເກັບ ແລະ ບໍາບັດສິ່ງເສດເຫຼືອ.
 | ເຍື່ອງອາຫານ ແລະ ວັນນະຄະດີ ຫວຽດນາມ ໄດ້ດຶງດູດນັກທ່ອງທ່ຽວ ຝຣັ່ງ ຍສໝ - ວັນທີ 15 ມິຖຸນາ, ຄືຈຸດນັດພົບທີ່ໄດ້ຈັດຕັ້ງແຕ່ລະປີທີ່ກາງສະໜາມຫຼວງ Monge ຢູ່ເມືອງ 5 ຢູ່ນະຄອນຫຼວງ ປາຣີ (ຝຣັ່ງ), ວັນບຸນອາຫານ ແລະ ວັນນະຄະດີ ຫວຽດນາມ ດ້ວຍຊື່ວ່າ “Ici Vietnam Festival” ຄັ້ງທີ່ 4 ໄດ້ສືບຕໍ່ດຶງດູດນັກທ່ອງທ່ຽວ ຝຣັ່ງ ແລະ ... |
 | ສູ້ຊົນສ້າງທັດສະນິຍະພາບນ້ຳຕົກຕາດບ້ານຢົກ (ຫວຽດນາມ) - ດຶກທຽນ (ຈີນ) ໃຫ້ເປັນຕົວແບບການທ່ອງທ່ຽວຂ້າມຊາຍແດນ ຍສໝ - ນີ້ແມ່ນຄຳເຫັນຂອງ ທ່ານ ຮວ່າງຊວນແອັງ, ປະທານຄະນະກຳມະການປະຊາຊົນ ແຂວງ ກາວບັ່ງ ທີ່ກອງກອງປະຊຸມຮ່ວມກັບຄະນະຜູ້ແທນຄະນະກຳມະການຊາຍແດນແຫ່ງຊາດ ກະຊວງການຕ່າງປະເທດ ຫວຽດນາມ ກ່ຽວກັບການຜັນຂະຫຍາຍດໍາເນີນການທົດລອງເຂດທັດສະນິຍະພາບນ້ຳຕົກຕາດບ້ານຢົກ (ຫວຽດນາມ) - ດຶກທຽນ (ຈີນ) ເມື່ອບໍ່ດົນມານີ້. |
ມີງດຶກ
