 |
| ທ່ານປະທານສະພາແຫ່ງຊາດ ສິງກະໂປ Tan Chuan-Jin ຕອບສໍາພາດນັກຂ່າວ ( ພາບ: TTXVN) |
ເມື່ອຕີລາຄາກ່ຽວກັບການຢ້ຽມຢາມ ຫວຽດນາມ ຢ່າງເປັນທາງການ ຕາມຄຳເຊີນຂອງທ່ານປະທານສະພາແຫ່ງຊາດ ເວືອງດີງເຫ້ວ; ທ່ານປະທານສະພາແຫ່ງຊາດ ສິງກະໂປ Tan Chuan-Jin ໃຫ້ຮູ້ວ່າ ທ່ານໄດ້ມາ ຫວຽດນາມ ແຕ່ອາທິດກ່ອນ ເພື່ອເຂົ້າຮ່ວມພິທີໄຂງານ Sea Games 31; ພ້ອມກັນນັ້ນ, ທ່ານກໍໄດ້ສະແດງຄວາມຂອບອົກຂອບໃຈຕໍ່ການຕ້ອນຮັບອັນອົບອຸ່ນສຸດຈິດສຸດໃຈຂອງຫວຽດນາມ ສຳລັບຄະນະກິລາສິງກະໂປ ທີ່ Sea Games 31.
ທ່ານປະທານສະພາແຫ່ງຊາດ ສິງກະໂປ ຕີລາຄາສູງຕໍ່ກັບການຈັດຕັ້ງຂອງປະເທດເຈົ້າພາບຫວຽດນາມ ນັບມາຮອດຈຸດເວລານີ້. ທ່ານຖືວ່າ ວຽກງານການຈັດຕັ້ງ SEA Games 31 ແມ່ນດີເລີດ. ແລະສຳຄັນກວ່າ ແມ່ນການຕ້ອນຮັບອັນເປັນມິດຂອງປະຊາຊົນ ໄດ້ເຮັດໃຫ້ບັນດາສະມາຊິກຂອງຄະນະມີຄວາມປະທັບໃຈຫຼາຍ.
ທ່ານປະທານສະພາແຫ່ງຊາດສິງກະໂປແບ່ງປັນດ້ວຍຄວາມພູມໃຈວ່າ ການພົວພັນຮ່ວມມືຮອບດ້ານ ເວົ້າລວມ ແລະ ບັນດາໂຄງການລົງທຶນຂອງສອງປະເທດເວົ້າສະເພາະ ລ້ວນແຕ່ພວມມີການພັດທະນາຢ່າງດີງາມ, ການພົບປະແລກປ່ຽນປະຊາຊົນກໍໄດ້ຮັບການຖືເປັນສໍາຄັນ.
ກ່ອນປີ 2020, ແຕ່ລະປີຈໍານວນນັກທ່ອງທ່ຽວສິງກະໂປມາຫວຽດນາມ 500.000 ຄົນ, ເຊິ່ງເປັນມາດຕາສ່ວນໃຫຍ່ເມື່ອທຽບໃສ່ປະຊາກອນຂອງປະເທດເກາະນີ້.
ທ່ານ Tan Chuan-Jin ສະແດງຄວາມປາດຖະໜາວ່າ ສິງກະໂປ ແລະ ຫວຽດນາມ ຈະຊຸກຍູ້ການຮ່ວມມືຕື່ມອີກໃນສະພາບການທີ່ໂລກມີການປ່ຽນແປງຢ່າງວ່ອງໄວ ແລະ ສະເໜີວ່າ ທັງ 2 ຝ່າຍຄວນເພີ່ມທະວີການແລກປ່ຽນຄະນະ ແລະ ການພົບປະແລກປ່ຽນປະຊາຊົນຕື່ມອີກ.
ຫອມມາລາ
