| AVCK ແລະ KVFFA ຮ່ວມມືສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງ ສ.ເກົາຫຼີ ແລະ ຫວຽດນາມ | |
| ງານວາງສະແດງ ລະນຶກ 30 ປີ ການສ້າງຕັ້ງການພົວພັນການທູດຫວຽດນາມ-ຢູເຄຣນ |
ກອງປະຊຸມໃຫຍ່ສ້າງຕັ້ງສະມາຄົມຊາວຫວຽດນາມ ຢູ່ ມາຣົກ ໄດ້ດຳເນີນໄປຢູ່ Rabat, ດ້ວຍການເຂົ້າຮ່ວມຂອງທ່ານນາງ ດັ້ງທິທູຮ່າ ເອກອັກຄະລັດຖະທູດຫວຽດນາມ ປະຈຳ ມາຣົກ, ຜູ້ຕາງໜ້າອຳນາດການປົກຄອງທ້ອງຖິ່ນ ແລະ ຜູ້ແທນເກືອບ 100 ທ່ານທີ່ມາຈາກບັນດາແຂວງ, ນະຄອນຂອງ ມາຣົກ.
 |
| ສ້າງຕັ້ງສະມາຄົມຊາວຫວຽດນາມ ຢູ່ ມາຣົກ. |
ທ່ານນາງເອກອັກຄະລັດຖະທູດ ດັ້ງທິທູຮ່າ ຕີລາຄາສູງບັນດາຄວາມມານະພະຍາຍາມຂອງປະຊາຊົນໃນຂະບວນການກະກຽມສ້າງຕັ້ງສະມາຄົມ ກໍ່ຄື ສົມທົບກັບສະຖານທູດຫວຽດນາມ ປະຈຳ ມາຣົກ ແລະ ຈັດຕັ້ງການເຄື່ອນໄຫວຫຼາຍຢ່າງເຊື່ອມໂຍງເຂົ້າກັບປະຊາຄົມໃນໄລຍະຜ່ານມາ.ທີ່ກອງປະຊຸມ, ບັນດາຜູ້ແທນໄດ້ຮັບຮອງເອົາຂໍ້ກຳນົດ ແລະ ທິດທາງການເຄື່ອນໄຫວຂອງສະມາຄົມ, ໄດ້ເລືອກຕັ້ງຄະນະບໍລິຫານງານຂອງສະມາຄົມລວມມີ 11 ທ່ານ, ນຳໂດຍທ່ານນາງ Korchane Juliette (ຊື່ຫວຽດແມ່ນ ຕວຽດ) ເປັນປະທານສະມາຄົມ, ທ່ານນາງ Amal Allam ເປັນເລຂາທິການ.
ທ່ານເອກອັກຄະລັດຖະທູດປາດຖະໜາວ່າສະມາຄົມຈະແມ່ນຊາຍຄາລວມຂອງບັນດາສະມາຊິກໃນປະຊາຄົມຊາວຫວຽດນາມ ອາໄສຢູ່ ມາຣົກ, ເສີມຂະຫຍາຍບົດບາດສຳຄັນໃນການເຕົ້າໂຮມປະຊາຄົມຊາວ ຫວຽດນາມ ໃນບໍລິເວນ, ພ້ອມກັນສາມັກຄີ, ສູ້ຊົນປະສົບຜົນສຳເລັດ, ປົກປັກຮັກສາ ແລະ ເສີມຂະຫຍາຍສີສັນເອກະລັກສະເພາະຂອງຊາດ, ມຸ່ງໄປເຖິງບ້ານເກີດເມືອງນອນ ແລະ ປະເທດຊາດ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາສາຍພົວພັນມິດຕະພາບ ແລະ ການຮ່ວມມືລະຫວ່າງປະຊາຊົນຫວຽດນາມ - ມາຣົກ.
ບູນມີ
