| ຫວຽດນາມ ຢືນອັນດັບທີ 3 ໃນການສະໜອງຢາງພາລາໃຫ້ ສ.ເກົາຫຼີ | |
| ສ.ເກົາຫຼີ ຍາມໃດກໍ່ຖືເປັນສຳຄັນການພົວພັນກັບ ຫວຽດນາມ |
ເຂົ້າຮ່ວມພິທີລົງນາມໃນຄັ້ງນີ້ມີທ່ານ ຫງວຽນວູຕູ່ງ - ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງຫວຽດນາມ ປະຈຳ ສ.ເກົາຫຼີ, ທ່ານ ຫວູດຶກເລື່ອງ, ປະທານສະມາຄົມຊາວ ຫວຽດນາມ ປະຈຳ ສ.ເກົາຫຼີ, ທ່ານ ເລວັນຮຸ່ງ, ເລຂາເອກ ຮັບຜິດຊອບວຽກງານປະຊາຄົມ, ທ່ານ ເລແອງຕວນ - ເລຂາເອກ, ເລຂາເອກອັກຄະລັດຖະທູດ, ທ່ານນາງ ມ່າຍຢ້ຽວຖູຍ - ເລຂາໂທ ແລະ ຜູ້ຕາງໜ້າຄະນະບໍລິຫານ AVCK.
ຝ່າຍ KVFFA, ມີທ່ານ Jeong Min Woo ປະທານ KVFFA ແລະ ບັນດາສະມາຊິກຂອງຫົວໜ່ວຍນີ້.
 |
| VCK ແລະ KVFFA ຮ່ວມມືສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງ ສ.ເກົາຫຼີ ແລະ ຫວຽດນາມ. (ພາບ: thoidai) |
ກ່າວຄຳເຫັນທີ່ນີ້, ທ່ານເອກອັກຄະລັດຖະທູດ ຫງວຽນວູຕູ່ງ ໄດ້ສົ່ງຄວາມຊົມເຊີຍຕໍ່ການຮ່ວມມືລະຫວ່າງ 2 ຫົວໜ່ວຍ ເພື່ອແນໃສ່ມຸ່ງໄປເຖິງຈຸດໝາຍລວມຂອງຄວາມເປັນມິດຕະພາບຂອງສອງປະເທດ. ສະຖານທູດໄດ້ເຫັນດີເປັນເອກະພາບ ແລະ ຈະໜູນຊ່ວຍ, ຊຸກຍູ້ບັນດາການເຄື່ອນໄຫວທີ່ຈະມາເຖິງຂອງ 2 ຫົວໜ່ວຍ.
ຕາມທ່ານ ຫວູດຶກເລື່ອງ ແລ້ວ, ບັນດາການເຄື່ອນໄຫວລະຫວ່າງ 2 ອົງການຈັດຕັ້ງໃນປີ 2022 ຈະປະກອບສ່ວນສຳຄັນເຂົ້າໃນການເຄື່ອນໄຫວສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ ແລະ ສ.ເກົາຫຼີ.
ທ່ານ Jeong Min Woo, ປະທານ KVFFA ສະແດງຄວາມດີໃຈ ແລະ ຂອບໃຈທີ່ໄດ້ພ້ອມກັບສະມາຄົມຊາວຫວຽດນາມ ຢູ່ ສ.ເກົາຫຼີ ສົມທົບກັນຈັດຕັ້ງປະຕິບັດບັນດາການເຄື່ອນໄຫວສຳຄັນ ແລະ ມີຄວາມໝາຍໃນໄລຍະຈະມາເຖິງ.
ຕາມບັນດາເນື້ອໃນທີ່ໄດ້ລົງນາມແລ້ວ, 2 ຫົວໜ່ວຍ ຈະສົມທົບກັນຜັນຂະຫຍາຍບັນດາການເຄື່ອນໄຫວສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ສ.ເກົາຫຼີ ຢູ່ ຫວຽດນາມ ແລະ ສ.ເກົາຫຼີ ໂດຍມີການເຂົ້າຮ່ວມຂອງການນຳລັດຖະບານ, ບັນດາກະຊວງ, ຂະແໜງການສູນກາງ, ສະຖານທູດ ສ.ເກົາຫຼີ ແລະ ຫວຽດນາມ, ບັນດາອົງການຈັດຕັ້ງສາກົນຂອງ ສ.ເກົາຫຼີ ຢູ່ ຫວຽດນາມ ແລະ ສ.ເກົາຫຼີ.
ໃນໄລຍະຈະມາເຖິງ, 2 ຝ່າຍຈະສົມທົບກັນປະຕິບັດບັນດາການເຄື່ອນໄຫວສະເພາະເພື່ອແນໃສ່ເພີ່ມທະວີການພົວພັນຮ່ວມມືມິດຕະພາບທີ່ເປັນມູນເຊື້ອລະຫວ່າງ 2 ປະເທດ ຫວຽດນາມ - ສ.ເກົາຫຼີ ເວົ້າລວມ ແລະ ລະຫວ່າງບັນດາອົງການຈັດຕັ້ງສະມາຄົມຊາວຫວຽດນາມ ຢູ່ ສ.ເກົາຫຼີ ແລະ ບັນດາອົງການຈັດຕັ້ງມະຫາຊົນ ສ.ເກົາຫຼີ ເວົ້າສະເພາະ; ເພີ່ມທະວີການຮ່ວມມືດ້ານການລົງທຶນ, ການຄ້າ ແລະ ການທ່ອງທ່ຽວລະຫວ່າງບັນດາແຂວງ, ນະຄອນຂອງຫວຽດນາມ ແລະ ບັນດາອົງການ, ອົງການ ແລະ ວິສາຫະກິດ ສ.ເກົາຫຼີ; ແນະນຳ ແລະ ເຊີດຊູຄວາມງາມ ແລະ ທ່າແຮງ, ກາລະໂອກາດຮ່ວມມືລົງທຶນ, ການຄ້າ ແລະ ການທ່ອງທ່ຽວຂອງ ຫວຽດນາມ ໃຫ້ບັນດາສຳນັກງານ, ອົງການຈັດຕັ້ງ, ວິສາຫະກິດ, ນັກລົງທຶນ, ເພື່ອນມິດພາຍໃນ ແລະ ຕ່າງປະເທດ.
ຄຳຮຸ່ງ
