| ສາຍພົວພັນພິເສດ ລະຫວ່າງ ລາວ ແລະ ຫວຽດນາມ ຈະພັດທະນາຢ່າງບໍ່ຢຸດຢັ້ງ | |
| ເສີມຂະຫຍາຍຈິດໃຈຂອງບັ້ນຮົບດ້ຽນບຽນຝູໃນພາລະກິດສ້າງສາ ແລະ ປົກປັກຮັກສາປະເທດຊາດ |
 |
| ປະທານ ໂຮ່ຈິມິນ ແລະ ປະທານ ໄກສອນ ພົມວິຫານ. ພາບ: TTXVN |
ບົດຂ່າວເນັ້ນໜັກວ່າ ຫວຽດນາມ - ລາວເປັນສອງປະເທດບ້ານໃກ້ເຮືອນຄຽງ, ມີສາຍພົວພັນສາມັກຄີ, ມິດຕະພາບທີ່ມູນເຊື້ອອັນດີງາມມາແຕ່ດົນນານ. ມີເສັ້ນຊາຍແດນຍາວກວ່າ 2000 ກິໂລແມັດ, ຮ່ວມກັນອີງໃສ່ສາຍພູຫຼວງອັນຍິ່ງໃຫຍ່, ຮ່ວມດື່ມສາຍແມ່ນໍ້າຂອງອັນດຽວກັນ, ການພົວພັນສະໜິດແໜ້ນ ລາວ - ຫວຽດນາມ ໄດ້ກໍາເນີດເກີດຂຶ້ນຈາກປະຫວັດສາດແຫ່ງການສ້າງສາ ແລະ ປົກປັກຮັກສາປະເທດຊາດ ຂອງສອງປະເທດບ້ານໃກ້ເຮືອນຄຽງ.
ສາຍພົວພັນພິເສດລະຫວ່າງປະຊາຊົນຂອງສອງປະເທດ ລາວ - ຫວຽດນາມ ໂດຍແມ່ນປະທານໂຮ່ຈິມິນ, ປະທານ ໄກສອນ ພົມວິຫານ ແລະ ປະທານ ສຸພານຸວົງ ເປັນຜູ້ລິເລີ່ມ, ເພີ່ມພູນຄູນສ້າງພາຍໃຕ້ການນໍາພາຂອງພັກຄອມມູນິດຫວຽດນາມ, ພັກປະຊາຊົນປະຕິວັດລາວ ໃນໄລຍະປະຫວັດສາດ, ໄດ້ກາຍເປັນຊັບສົມບັດອັນລໍ້າຄ່າຂອງສອງຊາດ ແລະ ເປັນກົດເກນການຂະຫຍາຍຕົວລວມຂອງສອງປະເທດ ບົນເສັ້ນທາງພັດທະນາປະເທດຊາດຮຸ່ງເຮືອງສິວິໄລ, ປະຊາຊົນອີ່ມໜໍາສໍາລານ ແລະ ມີຄວາມຜາສຸກ.
ປີນີ້, ປະຊາຊົນສອງປະເທດ ລາວ ແລະ ຫວຽດນາມ ໄດ້ຈັດຕັ້ງຫຼາຍກິດຈະກໍາເພື່ອສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ (5 ກັນຍາ 1962 - 5 ກັນຍາ 2022); 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ - ຫວຽດນາມ (18 ກໍລະກົດ 1977 – 18 ກໍລະກົດ 2022) ແລະ ສະເຫຼີມສະຫຼອງປີສາມັກຄີມິດຕະພາບ ລາວ - ຫວຽດນາມ ແລະ ຫວຽດນາມ-ລາວ ໃນປີ 2022. ນີ້ກໍແມ່ນໂອກາດເພື່ອໃຫ້ສອງປະເທດສືບຕໍ່ສືບທອດ ແລະ ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ລັດ ແລະ ປະຊາຊົນສອງປະເທດ ລາວ ແລະ ຫວຽດນາມ.
ຫອມມາລາ
