| ການເຄື່ອນໄຫວວັດທະນະທຳ, ສິລະປະຫຼາຍຢ່າງຢູ່ຖະໜົນເກົ່າ ຮ່າໂນ້ຍ ຖືກຈັດຂຶ້ນຢ່າງຟົດຟື້ນເນື່ອງໃນໂອກາດວັນບຸນ 30 ເມສາ, 01 ພຶດສະພາ | |
| ພັກວັນບຸນ ວັນທີ 30 ເມສາ - 1 ພຶດສະພາ 2022: ຫາດຊາຍທະເລທີ່ບໍ່ຄວນພາດ |
 |
| ພາບປະກອບ: TTXVN |
ທ່ານຮອງຫົວໜ້າພະແນກວັດທະນະທຳ ແລະ ກິລາ ດານັງ ໃຫ້ຮູ້ວ່າ: ເພື່ອສະເຫຼີມສະຫຼອງ 47 ປີແຫ່ງວັນປົດປ່ອຍພາກໃຕ້ ແລະ ທ້ອນໂຮມປະເທດຊາດເປັນເອກະພາບ (30 ເມສາ 1975 – 30 ເມສາ 2022) ແລະ ວັນກຳມະກອນສາກົນ (ວັນທີ 1 ພຶດສະພາ), ນະຄອນໄດ້ຈັດຕັ້ງກິດຈະກຳວັດທະນະທຳ, ສິລະປະ ແລະ ກິລາທີ່ໜ້າຕື່ນເຕັ້ນຫຼາຍຢ່າງເພື່ອສ້າງບັນຍາກາດຟົດຟື້ນມ່ວນຊື່ນໃຫ້ແກ່ປະຊາຊົນ ແລະ ຜູ້ມາຢ້ຽມຢາມ.
ການເຄື່ອນໄຫວດຳເນີນແຕ່ວັນທີ 20 ເມສາ ຫາວັນທີ 3 ພຶດສະພາ; ໃນນັ້ນ, ການສະແດງສິລະປະ ປະກອບມີ 22 ລາຍການ.
ຕາມສູນສົ່ງເສີມການທ່ອງທ່ຽວນະຄອນດານັງ, ດ້ວຍຫົວຂໍ້ “ມ່ວນຊື່ນນະຄອນດານັງ”, ນະຄອນສະເໜີບັນດາການເຄື່ອນໄຫວທີ່ເປັນໜ້າສົນໃຈ ຢູ່ບັນດາສະຖານທີ່ທ່ອງທ່ຽວ ແລະ ການລະຫຼິ້ນທີ່ມ່ວນຊື່ນ ເພື່ອກຽມພ້ອມຕ້ອນຮັບແຂກທ່ອງທ່ຽວ.
ເນື່ອງໃນໂອກາດນີ້, ສວນສາທາລະນະອາຊີ (ດານັງ) ໄດ້ເປີດບໍລິການນັກທ່ອງທ່ຽວຢ່າງເປັນທາງການໃນວັນທີ 30 ເມສາ - 1 ພຶດສະພາ, ແລະ ປີ້ເຂົ້າຊົມທັງໝົດແມ່ນບໍ່ເສຍຄ່າສຳລັບປະຊາຊົນ ແລະ ນັກທ່ອງທ່ຽວເມື່ອມາຢ້ຽມຢາມ.
ບັນດາເຂດ, ສະຖານທີ່ທ່ອງທ່ຽວ, ອະນຸສາວະລີແຫ່ງຊາດ, ຈຸດຊົມວິວພິເສດ ຫງູແຫ່ງເຊີນ, ຫໍພິພິທະພັນ ດານັງ, ຫໍພິພິທະພັນວິຈິດສິນ, ຫໍພິພິທະພັນປະຕິມາກຳ ຈຳ ສືບຕໍ່ເປີດປະຕູໃຫ້ປະຊາຊົນ ແລະ ນັກທ່ອງທ່ຽວເຂົ້າຊົມໂດຍບໍ່ເສຍຄ່າ.
ບັນດາທຸລະກິດທ່ອງທ່ຽວ, ການຂົນສົ່ງ, ສະຖານທີ່ພັກ, ຣີສອດ ແລະ ແຫຼ່ງທ່ອງທ່ຽວຕ່າງໆ ກໍ່ໄດ້ກະກຽມເງື່ອນໄຂ, ວັດຖຸອຸປະກອນ, ຊັບພະຍາກອນມະນຸດ ເພື່ອຮັບປະກັນການສະກັດກັ້ນ ແລະ ຕ້ານການລະບາດຂອງພະຍາດໂຄວິດ-19 ໃຫ້ດີທີ່ສຸດ ເພື່ອຮັບໃຊ້ປະຊາຊົນ ແລະ ນັກທ່ອງທ່ຽວໃນໄລຍະວັນພັກບຸນທີ່ຈະມາເຖິງ.
ບຸນຄົງ
