 |
| ເອື້ອຍຄູເຮືອງເຂົ້າຮ່ວມການສະແດງສິລະປະ (ພາບ: TTXVN) |
ທ້າຍເດືອນກຸມພາຜ່ານມາ, ບັນດາເພື່ອນມິດອີຕາລີທີ່ມັກຮັກປະເທດຊາດ, ວັດທະນະທຳ ແລະ ຊາວຫວຽດນາມ ໄດ້ສ້າງຄວາມປະທັບໃຈຕໍ່ຫຼັກສູດການຮຽນ “ວັນນະຄະດີ ຫວຽດນາມ” ທີ່ເປັນເອກະລັກສະເພາະ ເຊິ່ງແນະນຳວັດທະນະທຳທີ່ເປັນມູນເຊື້ອ ໂດຍນ້ອງໆນັກສຶກສາຊາວອີຕາລີ ທີ່ພວມຮ່ຳຮຽນພາສາຫວຽດ ຢູ່ພາກວິຊາ ອາຊີ ແລະ ອາຟຼິກກາເໜືອ, ມະຫາວິທະຍາໄລ Ca' Foscari ຢູ່ນະຄອນ Venice ຈັດຕັ້ງ ແລະ ສະແດງໂດຍກົງ.
ເຖິງວ່າບໍ່ໄດ້ບຳລຸງສ້າງດ້ານວິຊາການກ່ຽວກັບການສິດສອນ ຢ່າງລະອຽດ ແຕ່ ເອື້ອຍເຮືອງ ຍາມໃດກໍ່ມີຄວາມສຸດຈິດສຸດໃຈຕໍ່ວຽກງານການສິດສອນພາສາຫວຽດ.
ເມື່ອແບ່ງປັນກັບນັກຂ່າວຂອງສຳນັກຂ່າວສານຫວຽດນາມ, ເອື້ອຍຄູເຮືອງ ໃຫ້ຮູ້ວ່າ ລາວເລີ່ມສອນພາສາຫວຽດ ແຕ່ປີ 2005 ຢູ່ ບຣາຊິນ, ເມື່ອດຳລົງຕຳແໜ່ງເປັນຫົວໜ້າບັນດາໂຄງການຮ່ວມມືລະຫວ່າງ ອີຕາລີ - ບຣາຊິນ.
ນັບແຕ່ຄາວນັ້ນ, ລາວເລີ່ມຄົ້ນຄ້ວາວິທີການສິດສອນພາສາຫວຽດ. ໂດຍແມ່ນຄົນທີ່ໄດ້ຮຽນຫຼາຍພາສາຄື: ລັດເຊຍ, ຝລັ່ງ, ອີຕາລີ ແລະ ອັງກິດ, ລາວໄດ້ກັບມາຮ່ຳຮຽນ ແລະ ສອນພາສາຫວຽດ ຄືຜູ້ເປັນລູກທີ່ໄດ້ກັບຄືນມາຫາແມ່, ກັບຄືນຫາກົກເຄົ້າເຫງົ້າກໍ. ລາວແບ່ງປັນວ່າ:
ເມື່ອກັບຄືນມາອີຕາລີ, ຂ້າພະເຈົ້າໄດ້ສອນພາສາຫວຽດ ໃຫ້ສະມາຄົມຂົວເຊື່ອມຕໍ່ວັດທະນະທຳ ອີຕາລີ - ຫວຽດນາມ, ຄືເປັນຄູສອນອາສາໝັກ. ຮອດປີ 2018, ຂ້າພະເຈົ້າໄດ້ຮັບສະໝັກເຂົ້າໂຮງຮຽນມະຫາວິທະຍາໄລ Ca' Foscari ຢູ່ venezia ເປັນຄູສອນພາສາ. ຂ້າພະເຈົ້າ ແລະ ຫົວໜ້າຂະແໜງວິຊາພາສາ, ຮອງສາດສະດາຈານ Richard ໄດ້ພ້ອມກັນຮ່ວມແຮງຮ່ວມໃຈເພື່ອສ້າງວິຊາໃໝ່ຂອງ ມະຫາວິທະຍາໄລ Ca' Foscari, ເຖິງວ່າໂຮງຮຽນໄດ້ມີພາກວິຊາອາຊີທີ່ມາແຕ່ດົນນານແລ້ວກໍ່ຕາມ.
ບຸນຄົງ
