 |
| ທ່ານປະທານປະເທດ ຫວຽດນາມ ຫງວຽນຊວັນຟຸກ ກ່າວຄຳເຫັນທີ່ການພົບປະ (ພາບ: ຫ້ອງວ່າການປະທານປະເທດ) |
ນະທີ່ນີ້, ທ່ານປະທານປະເທດ ຫວຽດນາມ ຫງວຽນຊວັນຟຸກ ຢັ້ງຢືນວ່າ ພັກ, ລັດ ຍາມໃດກໍເອົາໃຈໃສ່, ເບິ່ງແຍງ, ປົວແປງຊີວິດທາງດ້ານວັດຖຸ ແລະ ຈິດໃຈໃຫ້ແກ່ພໍ່ແມ່ປະຊາຊົນບັນດາເຜົ່າສ່ວນໜ້ອຍ, ພິເສດແມ່ນໂຄງການ, ນະໂຍບາຍອະນຸລັກຮັກສາ ແລະ ເສີມຂະຫຍາຍຄຸນຄ່າວັດທະນະທຳຂອງບັນດາເຜົ່າອ້າຍນ້ອງ, ຖືວັດທະນະທຳຂອງບັນດາເຜົ່າແມ່ນພາກສ່ວນໜຶ່ງທີ່ບໍ່ອາດຕັດແຍກອອກຈາກວັດທະນະທຳຂອງຊາດ ຫວຽດນາມ ໄດ້. ທ່ານປະທານປະເທດ ປາດຖະໜາວ່າ ເຈົ້າກົກເຈົ້າເຫຼົ່າ, ນາຍບ້ານ, ຜູ້ມີອິດທິພົນຊື່ສຽງໃນໝູ່ປະຊາຊົນ ຈົ່ງສືບຕໍ່ເປັນແບບຢ່າງທີ່ໃສແຈ້ງໃຫ້ແກ່ລຸ້ນລູກລຸ້ນຫຼານ ແລະ ຊຸມຊົນ; ເປັນປັດໄຈທີ່ດີໃນຂະບວນການຕ່າງໆຂອງທ້ອງຖິ່ນ, ສືບຕໍ່ຂົນຂວາຍປຸກລະດົມພໍ່ແມ່ປະຊາຊົນເສີມຂະຫຍາຍມູນເຊື້ອວັດທະນະທຳອັນດີງາມ, ການສ້າງຄວາມເຂັ້ມແຂງດ້ວຍຕົນເອງ, ສາມັກຄີ, ໂດຍສະເພາະແມ່ນໃນສະພາບທີ່ປະເທດຊາດພວມເຊື່ອມໂຍງເຂົ້າກັບສາກົນຢ່າງເລິກເຊິ່ງກວ້າງຂວາງ.
ເນື່ອງໃນໂອກາດດັ່ງກ່າວ, ປະທານປະເທດຮຽກຮ້ອງມາຫຝຍັງບັນດາພະນັກງານ, ກະຊວງທະບວງກົມ ແລະ ທ້ອງຖິ່ນຈົ່ງໄດ້ປັບປຸງແກ້ໄຂຂອດທີ່ຍັງຄ້າງຄາ, ຄົ້ນຄວ້າ, ເພີ່ມເຕີມເພື່ອເຮັດໃຫ້ນະໂຍບາຍມີຄວາມສົມບູນແບບ ແລະ ຈັດຕັ້ງຜັນຂະຫຍາຍໃຫ້ໄດ້ຮັບຜົນດີ ທັງນີ້ກໍເພື່ອເພີ່ມທະວີ, ເສີມຂະຫຍາຍບົດບາດຜູ້ທີ່ມີອິດທິພົນໃນພື້ນທີ່ຂອງຊົນເຜົ່າສ່ວນນ້ອຍໃຫ້ສູງຂຶ້ນເພື່ອປະກອບສ່ວນຈັດຕັ້ງປະຕິບັດວຽກງານຊົນເຜົ່າຂອງພັກ ແລະ ນະໂຍບາຍຊົນເຜົ່າຂອງລັດໃນປັດຈຸບັນໃຫ້ໄດ້ຮັບຜົນດີ. ຕ້ອງສ້າງເງື່ອນໄຂໃຫ້ຜູ້ທີ່ມີບົດບາດໄດ້ປະກອບສ່ວນສ້າງໂຄງການ, ແຜນການພັດທະນາເສດຖະກິດ, ວັດທະນະທຳສັງຄົມ ແລະ ບັນດາຂະບວນການແຂ່ງຂັນຮັກຊາດຂອງແຕ່ລະທ້ອງຖິ່ນ.
ປະທານປະເທດຮຽກຮ້ອງວ່າ: "ພວກເຮົາຂໍໃຫ້ພະນັກງານ ສະມາຊິກພັກຈົ່ງເປັນແບບຢ່າງໃຫ້ປະຊາຊົນ, ບັນດາເຈົ້າກົກເຈົ້າເຫຼົ່າໃນໝູ່ບ້ານ, ນັກສິນລະປິນ, ຜູ້ທີ່ມີບົດບາດອິດທິພົນທັວຫຼາຍລ້ວນແຕ່ເປັນແວ່ນແຍງທັງນັ້ນ. ການກໍ່ສ້າງ, ບຳລຸງສ້າງຄົນຮຸ່ນໜຸ່ມສຸດທີ່ມີຄວາມສຳຄັນໃນການປົກປັກຮັກສາວັດທະນາທຳຂອງຊົນເຜົ່າ, ສືບສານຖ່າຍທອດຄຸນຄ່າວັດທະນະທຳຈາກລຸ່ນນີ້ໄປຫາລຸ່ນໜ້ານັ້ນແຮ່ງມີຄວາມສຳຄັນຍິ່ງກວ່າ. ຖ້າຢາກເຮັດໄດ້ຄືແນວນັ້ນຕ້ອງສືບຕໍ່ຍົກສູງຄວາມເປັນແບບຢ່າງທີ່ໃສແຈ້ງໃຫ້ລູກໆຫຼານໆໃນຊຸມຊົນຊຶ່ງເປັນປັດໃຈສຳຄັນຂອງແຕ່ລະທ້ອງຖິ່ນ".
ນອກຈາກນັ້ນ, ປະທານປະເທດຍັງສະແດງຄວາມເປັນຫ່ວງຕໍ່ຄວາມກືກໜັງສືຂອງປະຊາຊົນບັນດາເຜົ່າ, ປະທານປະເທດໄດ້ຮຽກຮ້ອງໃຫ້ດຳເນີນການຂົນຂວາຍຮຽນໜັງສືຂອງປະຊາຊົນບັນດາເຜົ່າຊົນສ່ວນນ້ອຍໃຫ້ສູງຂຶ້ນ, ພິເສດແມ່ນການສອນໃຫ້ປະຊາຊົນເຜົ່າຕ່າງໆຮູ້ປົກປັກຮັກສາ ແລະ ເສີມຂະຫຍາຍການນຳໃຊ້ພາສາຂອງເຜົ່າຕົນເພື່ອຢືນຢັນເຖິງຄວາມເປັນຕົວຕົນຂອງເຜົ່າຊົນຫວຽດນາມ.
vovworld.vn
