| ຫວຽດນາມ - ອາເມລິກາ ເພີ່ມທະວີການພົວພັນຄູ່ຮ່ວມມືຍຸດທະສາດ | |
| ຫວຽດນາມ ຂອບອົກຂອບໃຈເພື່ອນ ອາເມລິກາ ທີ່ໄດ້ປະກອບສ່ວນສຳຄັນເຂົ້າໃນການພົວພັນລະຫວ່າງປະຊາຊົນ 2 ປະເທດ |
ທີ່ການພົບປະ, ທ່ານເອກອັກຄະລັດຖະທູດ ຫງວຽນກວກຢຸງ ໄດ້ສະແດງຄວາມຂອບໃຈລັດຖະບານ ອາເມລິກາ ທີ່ໄດ້ໜູນຊ່ວຍຢາວັກແຊງໃຫ້ຫວຽດນາມ ເພື່ອຮັບມືກັບໂລກລະບາດໂຄວິດ-19, ທ່ານປາດຖະໜາວ່າ ອາເມລິກາ ຈະສືບຕໍ່ໜູນຊ່ວຍດ້ານຢາ, ອຸປະກອນການແພດ, ພິເສດແມ່ນວັກແຊງໃຫ້ແກ່ເດັກ, ເພື່ອໃຫ້ ຫວຽດນາມ ມຸ່ງໄປສູ່ການຄວບຄຸມໂລກລະບາດຢ່າງໄດ້ສິ້ນເຊີງ.
 |
| ທ່ານເອກອັກຄະລັດຖະທູດ ຫງວຽນກວກຢຸງ ໄດ້ພົບປະກັບການນຳກະຊວງການຕ່າງປະເທດ ອາເມລິກາ. (ພາບ: VOV) |
ເນື່ອງໃນໂອກາດນີ້, 2 ຝ່າຍໄດ້ປຶກສາຫາລືບັນດາບຸລິມະສິດໃນປີ 2022 ເພື່ອແນໃສ່ຊຸກຍູ້ການພົວພັນຄູ່ຮ່ວມມືຮອບດ້ານ ຫວຽດນາມ - ອາເມລິກາ, ເນັ້ນໜັກເຖິງຄວາມສຳຄັນຂອງການແລກປ່ຽນຄະນະຜູ້ແທນທຸກຂັ້ນ. ທ່ານຮອງລັດຖະມົນຕີ Sherman ໄດ້ຕີລາຄາສູງຂໍ້ລິເລີ່ມ ແລະ ແງ່ຫວັງຂອງ ຫວຽດນາມ ໃນ ອາຊຽນ, ທ່ານປາດຖະໜາຢາກຍົກການພົວພັນ ອາຊຽນ - ອາເມລິກາ ຂຶ້ນສູ່ລະດັບສູງໃໝ່. 2 ຝ່າຍກໍ່ໄດ້ແລກປ່ຽນທັດສະນະກ່ຽວກັບບັນດາບັນຫາສາກົນ ແລະ ພາກພື້ນທີ່ຕ່າງຝ່າຍຕ່າງມີຄວາມສົນໃຈ.
ຄຳຮຸ່ງ
