| ຫວຽດນາມ - ອາເມລິກາ: “ປັບປຸງການພົວພັນດ້ານເສດຖະກິດສອງຝ່າຍ” | |
| ການພົວພັນດ້ານການຄ້າ ຫວຽດນາມ - ອາເມລິກາ ບັນລຸສະຖິຕິໃຫມ່ |
ພິເສດແມ່ນໃນຂົງເຂດຫັນປ່ຽນພະລັງງານ, ຫວຽດນາມ ພວມມານະພະຍາຍາມປະຕິບັດບັນດາຄຳໝັ້ນສັນຍາ ທີ່ກອງປະຊຸມຄັ້ງທີ 26 ຂອງບັນດາຝ່າຍເຂົ້າຮ່ວມສົນທິສັນຍາກ່ຽວກັບການປ່ຽນແປງຂອງດິນຟ້າອາກາດ (COP26), ເຖິງຢ່າງໃດກໍຕາມ ຫວຽດນາມ ກໍຕ້ອງການການຮ່ວມມື ແລະ ໜູນຊ່ວຍຂອງບັນດາຄູ່ຮ່ວມມື; ໃນນັ້ນມີສະຫະລັດອາເມລິກາ.
ຂໍ້ມູນດັ່ງກ່າວ ແມ່ນທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫງວຽນຮົ່ງຢ້ຽນ ໄດ້ຍົກອອກມາໃນການຕ້ອນຮັບທ່ານເອກອັກຄະລັດຖະທູດ ອາເມລິກາ ປະຈຳ ຫວຽດນາມ Marc E.Knapper ໃນວັນທີ 21 ມີນາ.
 |
| ທ່ານລັດຖະມົນຕີ ຫງວຽນຮົ່ງຢ້ຽນ. (ພາບ: TTXVN) |
ທ່ານລັດຖະມົນຕີ ຫງວຽນຮົ່ງຢ້ຽນ ສະແດງຄວາມດີໃຈຕໍ່ທ່ານເອກອັກຄະລັດຖະທູດ Marc E.Knapper ທີ່ໄດ້ຮັບການມອບໝາຍປະຕິບັດໜ້າທີ່ຢູ່ ຫວຽດນາມ ຢ່າງເປັນທາງການ ແລະ ຫວັງວ່າ ທ່ານເອກອັກຄະລັດຖະທູດ ຈະສ້າງບັນດາບາດກ້າວບຸກທະລຸຢ່າງແທດຈິງ ແລະ ຕັ້ງໜ້າ ເພື່ອຍົກສູງການພົວພັນຄູ່ຮ່ວມມືຮອບດ້ານລະຫວ່າງ 2 ປະເທດຂຶ້ນສູ່ລະດັບໃໝ່.
ກະຊວງອຸດສາຫະກຳການຄ້າ ຈະຮ່ວມມືກັບອາເມລິກາຢ່າງມີປະສິດທິຜົນ ເພື່ອບັນລຸໄດ້ບັນດາຄາດໝາຍທີ່ກ່າວມາຂ້າງເທິງ, ພິເສດແມ່ນໃນບັນດາຂົງເຂດທີ່ສອງຝ່າຍມີທ່າແຮງ ແລະ ມີຜົນປະໂຫຍດລວມ. ພິເສດ ແມ່ນການຮັກສາລະບົບຕ່ອງໂສ້ການສະໜອງທົ່ວໂລກ ໃຫ້ເປັນປົກກະຕິ, ພະລັງງານ ແລະ ເສດຖະກິດດີຈີຕອນ ບົນພື້ນຖານຜົນປະໂຫຍດທີ່ກົມກຽວ, ແທດເໝາະກັບສະພາບການ, ເງື່ອນໄຂ ແລະ ຄວາມສາມາດຂອງແຕ່ລະປະເທດ.
ຕາມທ່ານເອກອັກຄະລັດຖະທູດ ອາເມລິກາ Marc E.Knapper ແລ້ວ, ສະຖານທູດ ອາເມລິກາ ປະຈຳ ຫວຽດນາມ ໃຫ້ຄຳໝັ້ນສັນຍາຈະສົມທົບກັບກະຊວງອຸດສາຫະກຳ ແລະ ການຄ້າ ແລະ ລັດຖະບານ ຫວຽດນາມ ເພີ່ມທະວີການພົວພັນຄູ່ຮ່ວມມືຮອບດ້ານ ຫວຽດນາມ - ອາເມລິກາ ຂຶ້ນສູ່ລະດັບຍຸດທະສາດ. ຫຸ້ນສ່ວນ. ພິເສດ, ອາເມລິກາ ກໍ່ຄືບັນດາປະເທດພັນທະມິດຫຼາຍຝ່າຍໃຫ້ຄຳໝັ້ນສັນຍາສົມທົບກັບ ຫວຽດນາມ ເພື່ອແນໃສ່ໜູນຊ່ວຍດ້ານການເງິນກ່ຽວກັບເຕັກໂນໂລຢີ, ວິຊາສະເພາະ, ຊັບພະຍາກອນມະນຸດ ເພື່ອປະຕິບັດບັນດາຈຸດໝາຍຫັນປ່ຽນພະລັງງານນີ້.
ຄຳຮຸ່ງ
