ວັນທີ 24 ມີນາ, ທ່ານນາງເອກອັກຄະລັດຖະທູດ ຫງວຽນເຟືອງງາ, ປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ (VUFO) ໄດ້ເຂົ້າຮ່ວມພິທີລົງມືກໍ່ສ້າງໂຄງການຂົວຈໍລະຈອນຢູ່ຊົນນະບົດ ແລະ ເຮືອນມິດຕະພາບໃຫ້ບັນດາຄອບຄົວທຸກຍາກ ຢູ່ຕາແສງ ດົ່ງເທີ໋ຍ, ເມືອງກ໊າຍເນືອກ, ແຂວງກ່າເມົາ.
 |
| ປະທານ VUFO ເຂົ້າຮ່ວມພິທີລົງມືກໍ່ສ້າງຂົວຊົນນະບົດ 4 ແຫ່ງ ແລະ ເຮືອນມິດຕະພາບ 25 ຫຼັງ ຢູ່ ກ່າເມົາ. ພາບ: thoidai.com.vn |
ນີ້ແມ່ນວຽກງານເພື່ອສະຫຼອງຜົນສໍາເລັດກອງປະຊຸມໃຫຍ່ຂອງສະຫະພັນບັນດາອົງການຈັດຕັ້ງມິດຕະພາບແຂວງ ກ່າເມົາ ຄັ້ງທີ IV ອາຍຸການ 2021 – 2026, ໂດຍອົງການບໍ່ຂຶ້ນກັບລັດຖະບານ Corea Peace 3000/ສ.ເກົາຫຼີ ອຸປະຖໍາ.
ກ່າວຄຳເຫັນທີ່ພິທີ, ທ່ານນາງ ປະທານ VUFO ຫງວຽນເຟືອງງາ ຖືວ່າ: ໂຄງການແມ່ນກິດຈະກໍາສະຫຼອງຜົນສໍາເລັດກອງປະຊຸມໃຫຍ່ຂອງສະຫະພັນບັນດາອົງການຈັດຕັ້ງມິດຕະພາບແຂວງ ກ່າເມົາ ຄັ້ງທີ IV. ເຫດການດັ່ງກ່າວແມ່ນຂີດໝາຍຈຸດເລີ່ມຕົ້ນຂອງການປະຕິບັດມະຕິສະໄໝໃໝ່; ທັງແມ່ນການເຄື່ອນໄຫວທີ່ມີຄວາມໝາຍເນື່ອງໃນໂອກາດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ສ.ເກົາຫຼີ ອີກດ້ວຍ.
ບູນມີ
