ວັນທີ 24 ມີນາ, ສະຖານທູດຫວຽດນາມ ປະຈຳ ສິງກະໂປ ໄດ້ຈັດພິທີມອບຫຼຽນໄຊມິດຕະພາບ ແລະ ຫຼຽນກາລະນຶກ “ເພື່ອສັນຕິພາບ ແລະ ມິດຕະພາບລະຫວ່າງບັນດາປະເທດ” ໃຫ້ແກ່ທ່ານນາງ Catherine Wong Siow Ping - ອະດີດເອກອັກຄະລັດຖະທູດ ສິງກະໂປ ປະຈຳ ຫວຽດນາມ ຍ້ອນມີບັນດາການ ປະກອບສ່ວນຢ່າງຕັ້ງໜ້າ ແລະ ມີປະສິດທິຜົນເຂົ້າໃນການປັບປຸງ, ພັດທະນາການພົວພັນຄູ່ຮ່ວມມືຍຸດທະສາດ ຫວຽດນາມ - ສິງກະໂປ ແລະ ຄວາມສາມັກຄີ, ມິດຕະພາບ, ການຮ່ວມມືລະຫວ່າງປະຊາຊົນສອງປະເທດ.
 |
| ມອບຫຼຽນໄຊມິດຕະພາບ ແລະ ຫຼຽນກາລະນຶກເພື່ອສັນຕິພາບໃຫ້ ອະດີດເອກອັກຄະລັດຖະທູດສິງກະໂປ ປະຈໍາ ຫວຽດນາມ. ພາບ: thoidai.com.vn |
ທີ່ພິທີ, ທ່ານເອກອັກຄະລັດຖະທູດ ມາຍເຟືອກຢູງ ໄດ້ຕາງໜ້າປະທານປະເທດປະດັບຫຼຽນໄຊມິດຕະພາບ ແລະ ຕາງໜ້າໃຫ້ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ປະດັບຫຼຽນກາລະນຶກ “ເພື່ອສັນຕິພາບ ແລະ ມິດຕະພາບລະຫວ່າງປະເທດ” ໃຫ້ແກ່ທ່ານນາງ Catherine.
ທ່ານນາງ Catherine ໄດ້ສະແດງຄວາມຂອບອົກຂອບໃຈບັນດາລາງວັນອັນສູງສົ່ງຂອງລັດ ແລະ ປະຊາຊົນຫວຽດນາມ, ພ້ອມກັນນັ້ນ ກໍແບ່ງປັນເຖິງຄວາມສຸກເມື່ອໄດ້ດຳລົງຊີວິດ ແລະ ເຮັດວຽກຢູ່ຮ່າໂນ້ຍ ໃນໄລຍະດຳລົງຕຳແໜ່ງເປັນເອກອັກຄະລັດຖະທູດ ສິງກະໂປ ປະຈຳ ຫວຽດນາມ.
ບູນມີ
