ມອບຫຼຽນໄຊມິດຕະພາບໃຫ້ແກ່ເພື່ອນມິດ ຮົງກາຣີ ສອງຄົນ

	ສະໂມສອນມໍລະດົກຊຸດເສື້ອຍາວ ຫວຽດນາມ ຢູ່ ຮົງກາຣີ ເພື່ອຂ່ຳນັບຮັບຕ້ອນປີໃໝ່
	ເປີດຫຼາຍກາລະໂອກາດການຮ່ວມມືລະຫວ່າງຫວຽດນາມ ແລະ ຮົງກາຣີ ຕື່ມອີກ

ກ່າວ​ຄຳ​ປາໄສ​ທີ່​ພິທີ, ທ່ານ​ເອກ​ອັກຄະ​ລັດຖະທູດ ຫວຽດນາມ ປະຈຳ ຮົງກາຣີ ບຸຍເລຖາຍ​ໃຫ້​ຮູ້​ວ່າ ​ໃນ​ເຄິ່ງສະຕະວັດ​ທີ່​ຜ່ານ​ມາ, 2 ທ່ານ​ໄດ້​ປະກອບສ່ວນເຂົ້າໃນ​ການ​ພົວພັນ​ມິດຕະພາບ ຫວຽດນາມ - ຮົງ​ກາຣີ ຢ່າງບໍ່ຢຸດຢັ້ງ.

ທ່ານ​ເອກ​ອັກຄະ​ລັດຖະທູດ ຫວຽດນາມ ປະຈຳ ຮົງ​ກາຣີ ບຸຍເລຖາຍ​ ໄດ້​ມອບ​ຫຼຽນ​ໄຊ​ມິດຕະພາບ​ໃຫ້​ແກ່​ເພື່ອນ​ມິດ​ຊາວ​ຮົງ​ກາຣີ 2 ທ່ານ. (ພາບ: KT)

ທ່ານ ພົນຕີ Botz László ເຄີຍເປັນສະມາຊິກຂອງກຸ່ມຊາວ ຮົງກາຣີ ທຳອິດໃນຄະນະກຳມາທິການຄວບຄຸມ ແລະ ກວດກາສາກົນທີ່ປະຕິບັດຕາມສັນຍາ ປາຣີ ໃນປີ 1973, ປະກອບສ່ວນເຂົ້າໃນໄຊຊະນະປະຫວັດສາດໃນວັນທີ 30 ເມສາ 1975.

ທ່ານ Váraljai Márton ​ແມ່ນ​ນັກ​ການ​ທູດຄົນຮຸ່ນເກົ່າ​ທີ່​ເຮັດ​ວຽກງານ​ມາ​ເປັນ​ເວລາ​ຫຼາຍ​ທົດ​ສະ​ວັດ​ຢູ່​ສະຖານທູດ​ ຮົງ​ກາຣີ ປະຈຳ ​ຫວຽດນາມ, ເຄີຍດຳລົງຕຳແໜ່ງເປັນ​ກົງສຸນ ​ແລະ ຮອງ​ເອກ​ອັກຄະ​ລັດຖະທູດ. ທ່ານ Váraljai Márton ​ແມ່ນ​ເພື່ອນ​ມິດ​ທີ່​ຮັກ​ແພງ ​ແລະ ສະໜິດສະໜົມ​ຂອງ​ຫວຽດນາມ, ມີ​ຄວາມ​ເຂົ້າ​ໃຈ​ຢ່າງ​ເລິກ​ເຊິ່ງຕໍ່​ປະ​ເທດຊາດ ​ແລະ ປະຊາຊົນ ຫວຽດນາມ.

ອາຍຸກວ່າ 70 ປີ, 2 ທ່ານຍັງເພີ່ມພູນຄູນສ້າງນ້ຳໃຈມິດຕະພາບລະຫວ່າງສອງຊາດ. ດ້ວຍບົດບາດການນຳສະມາຄົມມິດຕະພາບ ຮົງກາຣີ - ຫວຽດນາມ, 2 ຝ່າຍໄດ້ຈັດຕັ້ງການເຄື່ອນໄຫວພົບປະແລກປ່ຽນວັດທະນະທຳ, ເຊື່ອມຕໍ່ວິສາຫະກິດ, ນັກວິຊາການ, ທ້ອງຖິ່ນຂອງ 2 ປະເທດ, ຮ່ວມເດີນທາງກັບປະຊາຄົມຊາວຫວຽດນາມ ຢູ່ ຮຸງກາຣີ, ປະກອບສ່ວນເຮັດໃຫ້ເລີກເຊິ່ງຄວາມເຂົ້າໃຈ ແລະ ເຄົາລົບນັບຖືເຊິ່ງກັນ ແລະ ກັນລະຫວ່າງປະຊາຊົນ 2 ປະເທດ. ການ​ປະ​ກອບ​ສ່ວນ​ຂອງບັນດາ​ທ່ານ​ໄດ້​ຊ່ວຍ​ເຜີຍ​ແຜ່​ພາບ​ພົດ​ຂອງ​ຫວຽດ​ນາມ ​ຢ່າງເລິກກວ້າງ​ຢູ່ ຮົງ​ກາ​ຣີ, ພ້ອມ​ກັນນັ້ນ ກໍ່ປັບປຸງ​ພື້ນ​ຖານ​ການ​ຮ່ວມ​ມື​ແບບ​ຍືນ​ຍົງ​ລະ​ຫວ່າງ 2 ປະ​ເທດ.

ບັນດາຜູ້ແທນຖ່າຍຮູບທີ່ລະນຶກ. (ພາບ: KT)

ການ​ມອບ​ຫຼຽນ​ໄຊມິດຕະພາບ​ແມ່ນ​ການ​ຮັບ​ຮູ້​ຂອງ​ລັດ ສສ ຫວຽດນາມ ​ທີ່​ມີ​ຕໍ່​​ຄວາມ​ມານະ​ພະຍາຍາມ​ບໍ່​ອິດ​ເມື່ອຍ​ຂອງ​ສອງ​ທ່ານ, ພ້ອມ​ກັນ​ນັ້ນ ​ກໍ່ໄດ້​ສະ​ແດງ​ໃຫ້​ເຫັນ​ຄວາມ​ຮູ້ບຸນຄຸນ​​ຢ່າງ​ເລິກ​ເຊິ່ງຂອງ​ຊາວ​ຫວຽດນາມ ​ທີ່​ມີ​ຕໍ່​ເພື່ອນ​ມິດ ​ຮົງ​ກາ​ຣີ ​ທີ່​ສຸດອົກສຸດໃຈ.

ຮົງກາຣີ ເພີ່ມທຶນການສຶກສາໃຫ້ແກ່ລາວເປັນ 100 ທຶນ ໂດຍ​ຕອບ​ສະ­ໜອງ​ການ​ເຊື້ອ​ເຊີນ​ຂອງ ​ທ່ານ ວິກ​ຕໍ​ຣ ອໍ​ຣ​ບານ ນາ­ຍົກ­ລັດ­ຖະ­ມົນ­ຕີ ແຫ່ງ ຮົງ​ກາ​ຣີ ທ່ານ ທອງ​ລຸນ ສີ​ສຸ​ລິດ ນາ­ຍົກລັດ­ຖະ­ມົນ­ຕີ ແຫ່ງ ສປປ ລາວ ໄດ້​ນຳ­ພາ​ຄະ­ນະ​ຜູ້​ແທນ​ລັດ­ຖະ­ບານ​ລາວ ເດີນ­ທາງ​ໄປ​ຢ້ຽມ­ຢາມ ຮົງ​ກາ​ຣີ ຢ່າງ​ເປັນ​ທາງ​ການ ໃນ​ວັນ​ທີ 10-12 ...

ທ່ານເລຂາທິການໃຫຍ່ ຫງວ໋ຽນຝູ ຈ້ອງ ຕ້ອນຮັບ ທ່ານຫົວໜ້າພັກ ກຳມະກອນ ຮົງກາຣີ ຍສໝ - ຕອນເຊົ້າວັນທີ 11 ກັນຍາ, ຢູ່ນະຄອນຫຼວງ Budapest, ທ່ານເລຂາທິການໃຫຍ່ ຫງວ໋ຽນຝູ ຈ້ອງ ໄດ້ໃຫ້ກຽດຕ້ອນຮັບ ທ່ານຫົວໜ້າພັກກຳມະກອນ ຮົງກາຣີ Thurmer Gyulat ເຂົ້າພົບປະໂອ້ລົມ.