| WB ຄາດຄະເນວ່າ ຫວຽດນາມ ບັນລຸລະດັບເພີ່ມລາຍຮັບ ແລະການຄ້າສູງສຸດໃນ RCEP | |
| ທະນາຄານໂລກ WB: ເສດຖະກິດຫວຽດນາມຈະມີອັດຕາເລັ່ງເພີ່ມຂຶ້ນໃນປີ 2022 |
ຫວ່າງແລ້ວນີ້, ກ່າວຄຳເຫັນທີ່ການພົບປະກັບທ່ານນາຍົກລັດຖະມົນຕີ ຟ້າມມິງຈິງ, ທ່ານນາງ Manuela V.Ferro ໃຫ້ຮູ້ວ່າ: WB ພ້ອມແລ້ວທີ່ຈະຕັ້ງໜ້າໜູນຊ່ວຍການສ້າງບົດລາຍງານຫວຽດນາມ 2045 ເພື່ອຊ່ວຍໃຫ້ ຫວຽດນາມ ບັນລຸໄດ້ບັນດາຍຸດທະສາດ, ແຜນການ ແລະ ເປົ້າໝາຍທີ່ໄດ້ວາງອອກ, ພິເສດແມ່ນການລະດົມແຫຼ່ງກຳລັງສັງຄົມ, ພັດທະນາພື້ນຖານໂຄງລ່າງ, ປະຕິບັດການຫັນປ່ຽນສີຂຽວ, ຫັນເປັນດິຈິຕອນ, ກໍ່ສ້າງພື້ນຖານເສດຖະກິດເອກະລາດ, ເປັນເຈົ້າຕົນເອງ, ພັດທະນາຢ່າງແຮງ, ຍືນຍົງ, ກວມລວມ; ເພີ່ມທະວີການເຊື່ອມຈອດ ແລະ ເຊື່ອມໂຍງເຂົ້າກັບສາກົນ, ມຸ່ງໄປເຖິງການກາຍເປັນປະເທດພັດທະນາ ແລະ ມີລາຍຮັບສູງໃນປີ 2045; ພ້ອມກັບການຍູ້ແຮງການໜູນຊ່ວຍໃຫ້ແກ່ຫວຽດນາມ ກໍ່ປະກອບສ່ວນຊຸກຍູ້ບັນດາປະເທດໃນພາກພື້ນພ້ອມກັນພັດທະນາ.
 |
| ທະນາຄານໂລກ ສືບຕໍ່ຮ່ວມເດີນທາງກັບຫວຽດນາມ ໃນໄລຍະທາງຂອງການເຄື່ອນໄຫວພັດທະນາ. (ພາບ: VGP) |
ທ່ານນາຍົກລັດຖະມົນຕີ ຟ້າມມິງຈິງ ຕີລາຄາວ່າ WB ໄດ້ໜູນຊ່ວຍ ແລະ ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ - ສັງຄົມຂອງ ຫວຽດນາມ, ໃຫ້ຄຳປຶກສານະໂຍບາຍມະຫາພາກຫຼາຍຢ່າງ ແລະ ຫວ່າງມໍ່ໆມານີ້ໄດ້ໜູນຊ່ວຍຢ່າງມີປະສິດທິຜົນໃນການກໍ່ສ້າງລັດຖະບານເອເລັກໂຕຼນິກ.
ທ່ານນາຍົກລັດຖະມົນຕີສະເໜີໃຫ້ທະນາຄານໂລກໃຫ້ບຸລິມະສິດໃຫ້ຫວຽດນາມ ໄດ້ສືບຕໍ່ເຂົ້າເຖິງທຶນຊ່ວຍເຫຼືອລ້າ ແລະ ຜ່ອນຜັນມາດຕະການບ້ວງເງິນກູ້; ຍູ້ແຮງການປຶກສາຫາລື ແລະ ໜູນຊ່ວຍບັນດາປະສົບການສາກົນ, ໜູນຊ່ວຍ ຫວຽດນາມ ດັດປັບບັນດານະໂຍບາຍຢ່າງທັນການໃຫ້ເໝາະສົມກັບສະພາບການ, ນຳໃຊ້ກຳລັງແຮງໃນການເຕີບໂຕໃໝ່ ແລະ ຍືນຍົງ; ສົມທົບກັນຢ່າງແໜ້ນແຟ້ນ ແລະ ໜູນຊ່ວຍບັນດາແຫຼ່ງກຳລັງເພື່ອສ້າງບົດລາຍງານຫວຽດນາມ 2045, ຮັບປະກັນລະດັບຍຸດທະສາດ, ສອດຄ່ອງກັບບັນດາຄາດໝາຍ, ທິດທາງຮອດປີ 2030 ແລະ ວິໄສທັດພັດທະນາຮອດປີ 2045 ຂອງ ຫວຽດນາມ.
2 ຝ່າຍປະຕິບັດຕາມທິດຈຸດສຸມ ແລະ ສຸມໃສ່ບັນດາໂຄງການຂະໜາດໃຫຍ່ລະຫວ່າງເຂດ, ມີລັກສະນະຜັກດັນ; ນຳໃຊ້ທຶນແຫຼ່ງລົງທຶນຂອງພາກລັດຢ່າງມີປະສິດທິຜົນ ເພື່ອດຶງດູດ, ນຳພາ ແລະ ເປີດເຄື່ອນໄຫວບັນດາແຫຼ່ງກຳລັງອື່ນໆໃນສັງຄົມ.
ຄຳຮຸ່ງ
