| ກອງປະຊຸມສຸດຍອດອາຊຽນຄັ້ງທີ 43 ໄດ້ປຶກສາຫາລືກ່ຽວກັບທະເລຕາເວັນອອກ | |
| ມອບໃບໃບຢັ້ງວິຊາພາສາລາວ ໃຫ້ນາຍທະຫານ, ທະຫານປະຊາຊົນອາຊີບ ຈໍານວນ 43 ຄົນ |
ຕາມສະມາຄົມວິສາຫະກິດການບໍລິການໂລຈິສຕິກ ຫວຽດນາມ (VLA) ແລ້ວ, ຄ່າໂລຈິສຕິກຂອງຫວຽດນາມ ໃນປະຈຸບັນສະເລ່ຍ 16,8-17% GDP, ສູງກວ່າລະດັບສະເລ່ຍລວມຂອງໂລກໂດຍແມ່ນ 10,6%.
ໃນຂະນະນັ້ນ, ພື້ນຖານໂຄງລ່າງໂລຈິສຕິກ (logitics) ພາຍໃນປະເທດຍັງມີຂໍ້ຈຳກັດຫຼາຍຢ່າງ, ຍັງຂາດການປະສານສົມທົບ ແລະ ເຊື່ອມໂຍງ; ການວາງແຜນຜັງທ່າເຮືອຍັງບໍ່ພຽງພໍ, ບໍ່ມີທ່າເຮືອເປັນຫົວໜ່ວຍປະສານ...ສິ່ງນັ້ນ ກໍ່ຂັດຂວາງການຍົກສູງຄວາມແກ່ງແຍ່ງຂອງຂະແໜງການຂົນສົ່ງໃນສະພາບການຂອງການເຊື່ອມໂຍງເສດຖະກິດໂລກທີ່ເຂັ້ມແຂງ.
 |
ລະດັບຄວາມໄວໃນການເຕີບໂຕສະເລ່ຍຕໍ່ປີຂອງທ້ອງຕະຫຼາດການຂົນສົ່ງຂອງ ຫວຽດນາມ ແມ່ນ 14-16% |
ເມື່ອວິເຄາະບັນຫານີ້ຢ່າງເລິກເຊິ່ງ, ທ່ານ ເລຢຸຍຮ້ຽບ, ປະທານ VLA ໄດ້ແບ່ງປັນວ່າ ການເຊື່ອມຕໍ່ລະຫວ່າງຮູບແບບການຂົນສົ່ງຍັງຖືກຈຳກັດ. ສາເຫດແມ່ນຍ້ອນຄວາມສາມາດໃນການຂົນສົ່ງທາງນ້ຳຍັງຕ່ຳ ໂດຍການຂົນສົ່ງທາງນ້ຳພາຍໃນ ກວມເອົາ 21,6%; ການຂົນສົ່ງທາງບົກຍັງແມ່ນຮູບແບບການຂົນສົ່ງທີ່ມີຄວາມແຜ່ຫຼາຍທີ່ສຸດ, ກວມເອົາ 73%.
ຍອດຜະລິດຕະພັນສິນຄ້າຂົນສົ່ງທາງທະເລກວມເອົາພຽງ 5,2%, ທາງລົດໄຟ 0,2% ແລະທາງອາກາດ 0,01%. ຜ່ານນັ້ນ, ເຮັດໃຫ້ຄ່າໃຊ້ຈ່າຍຂອງໂລຈິສຕິກເພີ່ມຂຶ້ນ, ເຮັດໃຫ້ຫຼຸດຜ່ອນຄວາມສາມາດແກ່ງແຍ້ງຂອງສິນຄ້າ ຫວຽດນາມ.
ຕາມທະນາຄານໂລກ (WB), ຫວຽດນາມ ຢືນອັນດັບທີ 43 ໃນຕາຕະລາງຈັດອັນດັບດັດຊະນີປະສິດທິຜົນໂລຈິສຕິກ (LPI-Logistics Performance Index), ນອນໃນຈຳນວນ 5 ປະເທດແຖວໜ້າໃນອາຊຽນ, ຖັດຈາກ ສິງກະໂປ, ມາເລເຊຍ, ໄທ ແລະ ມີທີ່ຕັ້ງດຽວກັນກັບຟີລິບປິນ.
ລະດັບຄວາມໄວໃນການເຕີບໂຕສະເລ່ຍຕໍ່ປີຂອງທ້ອງຕະຫຼາດການຂົນສົ່ງຂອງ ຫວຽດນາມ ແມ່ນ 14-16% ໄດ້ປະກອບສ່ວນສຳຄັນເຂົ້າໃນການຊຸກຍູ້ວົງເງິນສົ່ງອອກສິນຄ້າຂອງ ຫວຽດນາມ ໃນຫຼາຍປີມານີ້. ເຖິງຢ່າງໃດກໍຕາມ, ອຸດສາຫະກຳບໍລິການໂລຈິສຕິກຂອງ ຫວຽດນາມ ພວມປະເຊີນໜ້າກັບບັນດາສິ່ງທ້າທາຍ ແລະ ຂໍ້ຈຳກັດຫຼາຍຢ່າງກ່ຽວກັບຄວາມສາມາດຂອງຜູ້ໃຫ້ບໍລິການໂລຈິສຕິກ. ກິດຈະກໍາການຫັນເປັນດິຈິຕອນຂອງທຸລະກິດໂລຈິສຕິກສ່ວນໃຫຍ່ຍັງຢູ່ໃນຂັ້ນຕອນເບື້ອງຕົ້ນ ແລະ ບໍ່ໄດ້ຮັບການເອົາໃຈໃສ່ການລົງທຶນຢ່າງພຽງພໍ.
ຕໍ່ກັບສະພາບການດັ່ງກ່າວ, ທ່ານ ເຈີ່ນຕ໋ວນແອງ, ຫົວໜ້າຄະນະເສດຖະກິດສູນກາງ ຕີລາຄາວ່າ ໂລຈິສຕິກແມ່ນອຸດສາຫະກຳການບໍລິການທີ່ມີບົດບາດສຳຄັນ ແລະ ປະກອບສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມ. ເຖິງວ່າຂະແໜງໂລຈິສຕິກຂອງ ຫວຽດນາມ ໄດ້ມີການພັດທະນາຢ່າງແຮງໃນໄລຍະຜ່ານມາ, ແຕ່ບັນດາວິສາຫະກິດໃນຂົງເຂດກໍ່ຕ້ອງເພີ່ມທະວີຄວາມສາມາດດ້ານວິຊາສະເພາະ ແລະ ຄຸນນະພາບການບໍລິການ, ຊຸກຍູ້ການເຊື່ອມໂຍງລະຫວ່າງບັນດາວິສາຫະກິດໂລຈິສຕິກກັບບັນດາວິສາຫະກິດການຜະລິດ, ດຳເນີນທຸລະກິດ ຫຼື ນຳເຂົ້າ ແລະ ສົ່ງອອກ.
ມິງດຶກ
