| ໂຄສະນາວັດທະນະທຳຫວຽດນາມ ຢູ່ ອີຕາລີ | |
| ໂຄສະນາອາຫານການກິນ ແລະວັດທະນະທຳຫວຽດນາມ ໃຫ້ຊາວຍີ່ປຸ່ນ |
ໂດດເດັ່ນໃນທັນທີທີ່ທາງເຂົ້າງານແມ່ນທຸງຊາດແດງດາວເຫຼືອງທອງຄຳ ແລະ ຫ້ອງວາງສະແດງຂອງຫວຽດນາມທີ່ເຕັມໄປດ້ວຍຜົນງານປຶ້ມ, ໜັງສືພິມ, ເຄື່ອງທີ່ລະນຶກ, ເຄື່ອງດົນຕີທີ່ຖ່າຍທອດເຖິງວັດທະນະທຳຂອງຊົນຊາດ. ນັບແຕ່ລະນາດເຮັດດ້ວຍໄມ້ໄຜ່, ຈົນຮອດຫຸ່ນປັ້ນຈາກແປ້ງເຂົ້າຈື່ປະສົມສີ, ນັບແຕ່ປຶ້ມທີ່ເປັນສອງພາສາທີ່ແນະນຳກ່ຽວກັບທະເລໝູ່ເກາະບ້ານເກີດເມືອງນອນ, ຈົນຮອດຜົນງານທີ່ໂຄສະນາສະຖານທີ່ທ່ອງທ່ຽວຫວຽດນາມ…, ທັງໝົດນັ້ນໄດ້ດຶງດູດຄວາມສົນໃຈຂອງຜູ້ທີ່ມາທ່ຽວຊົມທັງຫຼາຍ. ນາງ ອາມານດິນ ຈົວອານາ ສາວວນ້ອຍຝຣັ່ງເຊື້ອຊາດລາວໄດ້ແລກປ່ຽນວ່າ: “ຫ້ອງວາງສະແດງຂອງຫວຽດນາມໄດ້ນຳສະເໜີຢ່າງງົດງາມ ແລະ ໜ້າສົນໃຈ ໄປດ້ວຍຮູບພາບຕ່າງໆ, ແຜນເຈັ້ຍຫຼາກສີສັນທີ່ປະດັບປະດາໄວ້. ຂ້ອຍມັກໝວກກຸບ ແລະ ໂຄມໄຟຂອງຫວຽດນາມ. ເວົ້າລວມແລ້ວ, ຂ້ອຍມີຄວາມຄິດຢາກໄປທ່ຽວປະເທດນີ້”.
 |
| ພາບ: baoquocte.vn |
ຕາມທ່ານ ງຽມຊວນດົ່ງ ອຳນວຍການສູນວັດທະນະທຳຫວຽດນາມ ປະຈຳຝຣັ່ງ ກ່າວວ່າ: “ເທດສະການທ້າຍສັບປະດາຝຣັ່ງໂກໂຟນີ” ເປັນຄວາມຄິດລິເລີ່ມໜຶ່ງຂອງໝູ່ບ້ານເຢເບລວ ເພື່ອປະກອບສ່ວນວັນສາກົນຝຣັ່ງໂກໂຟນີ ແລະ ໄດ້ຖືກຮັກສາສືບທອດມາເຖິງ 7 ປີນີ້. ສູນວັດທະນະທຳຫວຽດນາມ ປະຈຳຫວຽດນາມ ເຂົ້ົ້າຮ່ວມປົກກະຕິໃນກິດຈະກຳນີ້ ແລະ ເພື່ອລະນຶກຄວາມປະທັບໃຈໄວ້ກັບຄະນະຈັດຕັ້ງ ແລະ ມວນຊົນ. ທ່ານ ດົ່ງ ກໍຍັງໃຫ້ຊາບວ່າ ຫວຽດນາມຈະມີແຂກຖືກເຊີນກິຕິມະສັກໃນລະດູການທີ 5 ຄາດວ່າຈະຈັດໃນປີ 2024. “ພວກເຮົາຈະນຳເອົາບັນດາກິດຈະກຳວັດທະນະທຳ, ກິລາ ແລະ ການທ່ອງທ່ຽວ ແນໃສ່ການແນະນຳເຖິງບັນດາປະຊາຊາດຝຣັ່ງໂກໂຟນີ ເພື່ອຊ່ວຍໃຫ້ເຂົ້າເຈົ້າເຂົ້າໃຈກ່ຽວກັບດິນແດນ ແລະ ຊົນຊາດຫວຽດນາມ”.
ດ້ວຍຜູ້ທີ່ນຳໃຊ້ພາສາຝຣັ່ງ 312 ລ້ານຄົນ, ພາສາຝຣັ່ງຍັງຄົງເປັນພາສາທີ່ເວົ້າຫຼາຍທີ່ສຸດໃນໂລກ. ວັນເທດສະການຝຣັ່ງໂກໂຟນີ ນະຄອນເຢເບລວ ຄັ້ງທີ 4 ທີ່ຄຶກຄື້ນໄດ້ຈົບລົງ. ນັດພົບກັນອີກດ້ວຍການເຂົ້າຮ່ວມທີ່ຫຼາກຫຼາຍກວ່າ, ປະທັບໃຈກວ່າ ຂອງຫວຽດນາມ ໃນບົດບາດເປັນແຂກຖືກເຊີນກິຕິມະສັກຂອງວັນເທດສະການຝຣັ່ງໂກໂຟນີ ນະຄອນເຢເບລວ ຄັ້ງທີ 5, ຄາດວ່າຈະຈັດຂຶ້ນໃນໂອກາດວັນທີ 20 ມີນາ 2024.
ວິລະຊົນ
