ສະໂມສອນບານເຕະທີ່ມີຊື່ລຸງໂຮ່ທີ່ຮັກແພງ ໃນປະເທດປະເທດເປຣູ ຢູ່ຫ່າງຈາກຫວຽດນາມ 20 ພັນກິໂລແມັດ. ມັນແມ່ນສະໂມສອນ Deportivo Hochiminh ທີ່ມີຮູບຂອງປະທານໂຮ່ຈີມິນພິມຢູ່ໃນໂລໂກ້. ສະໂມສອນທີ່ມີຊື່ປະທານໂຮ່ຈິມິນ ແມ່ນມາຈາກຄວາມຮັກແພງ ແລະ ຄວາມເຄົາລົບທີ່ຊາວເປຣູມີຕໍ່ລຸງໂຮ່.
 |
| ມີສະໂມສອນໜຶ່ງ ຊື່ວ່າ ໂຮ່ຈີມິນ. (ພາບ: nhandan) |
Carmen Alto ແມ່ນໜຶ່ງໃນ 16 ເມືອງໃນແຂວງ Huamanga (ເຂດ Ayacucho, ປະເທດເປຣູ). ຄົນ Carmen Alto ໄດ້ກໍ່ຕັ້ງສະໂມສອນ Deportivo Hochiminh. ໃນເດືອນທັນວາ 1974, 5 ນັກສຶກສາຈາກມະຫາວິທະຍາໄລ San Cristobal de Humanga, ປະກອບມີທ້າວ Francisco De La Cruz, Paulo Gutierrez, Serapio Huashuayo, Manuel Mendoza ແລະ Juan de Dios Mendoza (ປະຈຸບັນເປັນປະທານຂອງສະໂມສອນ) ໄດ້ກໍ່ຕັ້ງ Club Deportivo Hochiminh, ເຊິ່ງແມ່ນການສົມທົບກັນຢ່າງກົມກຽວກັບຄວາມຮັກໃນກິລາບານເຕະ ແລະ ຄວາມເຄົາລົບນັບຖືຕໍ່ຜູ້ນຳ ໂຮ່ຈີມິນ.
ບັນດານັກເຕະທີ່ເຂົ້າຮ່ວມສະໂມສອນ Deportivo Hochiminh ລ້ວນແຕ່ໄດ້ຮັບຄຸນຄ່າທີ່ດີເຫຼົ່ານັ້ນ ຈາກຜູ້ທີ່ໄປກ່ອນ. ສະໂມສອນຮັກສາທີມບານເຕະອາວຸໂສ ສຳລັບຄົນອາຍຸ 35 ປີຂື້ນໄປ, ມີທີມບານເຕະຍິງ ແລະ ບານສົ່ງ. ເຂົາເຈົ້າລ້ວນແຕ່ມີອຸດົມການອັນດຽວກັນ ແລະ ສາມາດເວົ້າລົມຢ່າງເມົາມົວກ່ຽວກັບປະທານໂຮ່ຈີມິນຜູ້ຍິ່ງໃຫຍ່. ໃນບົດແນະນຳຂອງສະໂມສອນຢູ່ blog ຂອງເຂົາເຈົ້າ, ເຂົາເຈົ້າໄດ້ເອົາຄຳເວົ້າຂອງປະທານ ໂຮ່ຈີມິນ “ບໍ່ມີຫຍັງມີຄ່າກວ່າຄວາມເອກະລາດ ແລະ ເສລີພາບ” ເປັນຫົວຂໍ້, ເພາະມັນໄດ້ສັງເຂບອຸດົມການ ແລະ ຄວາມມຸ່ງມາດປາດຖະໜາຂອງຕົນ.
ຄຳຮຸ່ງ
