| ລາຍການລະດູບານໃໝ່ບ້ານເກີດເມືອງນອນປີ 2024 ຈະຈັດຂຶ້ນຢູ່ນະຄອນ ໂຮ່ຈິມິນ | |
| ກວດພະຍາດໃຫ້ຄົນທຸກຍາກ - ກິດຈະກຳຊຸກຍູ້ສາຍພົວພັນມິດຕະພາບລະຫວ່າງນະຄອນ ໂຮ່ຈິມິນ ແລະ ແຂວງຄຳມ່ວນ |
C4IR ນະຄອນ ໂຮ່ຈີມິນ ຈະຕັ້ງຢູ່ໃນເຂດເຕັກໂນໂລຢີສູງນະຄອນ ໂຮ່ຈີມິນ (ນະຄອນ ຖູດຶກ, ນະຄອນ ໂຮ່ຈີມິນ), ແມ່ນໜຶ່ງໃນ 2 ເຂດເຕັກໂນໂລຢີສູງແຫ່ງຊາດ ຂອງ ຫວຽດນາມ. C4IR ຖືວ່າແມ່ນໜຶ່ງໃນບັນດາໂຄງການພັດທະນາເສດຖະກິດສຳຄັນຂອງນະຄອນ ໂຮ່ຈິມິນ, ສວມບົດບາດ ແມ່ນກຳລັງໜູນຊຸກຍູ້ການພັດທະນາຂອງນະຄອນໃນໄລຍະຈະມາເຖິງ. C4IR ນະຄອນ ໂຮ່ຈີມິນ ຄາດວ່າຈະນຳເຂົ້າເຄື່ອນໄຫວແຕ່ເດືອນ ມິຖຸນາ 2024 ແລະ ສຸມໃສ່ການຮ່ວມມືຄົ້ນຄວ້າ, ສະເໜີນະໂຍບາຍ, ນຳໃຊ້ ແລະ ຖ່າຍທອດເຕັກໂນໂລຢີ, ລະດົມແຫຼ່ງຊັບພະຍາກອນໃຫ້ບັນດາຂົງເຂດເຊິ່ງນະຄອນ ໂຮ່ຈີມິນ ແລະ ຫວຽດນາມ ມີຄວາມສົນໃຈຄື: ການເຕີບໂຕສີຂຽວ, ຕົວເມືອງອັດສະລິຍະ, ປັນຍາປະດິດ...
ທ່ານປະທານຄະນະກຳມະການປະຊາຊົນນະຄອນ ໂຮ່ຈິມິນ ຟ່ານວັນໝາຍ ໄດ້ຕີລາຄາວ່າ: ການສ້າງຕັ້ງ C4IR ຢູ່ນະຄອນ ໂຮ່ຈີມິນ ມີຄວາມໝາຍໃຫຍ່ຫຼວງ, ບໍ່ພຽງແຕ່ກ່ຽວກັບບັນດາເປົ້າໝາຍພັດທະນາທີ່ສຳຄັນຂອງນະຄອນເທົ່ານັ້ນ ຫາກຍັງແມ່ນບັນດາບູຣິມະສິດຂອງປະເທດອີກດ້ວຍ. ນອກນີ້, ນະຄອນ ສາມາດເຂົ້າຮ່ວມບັນດາຂໍ້ລິເລີ່ມຂອງເວທີປາໄສເສດຖະກິດໂລກ, ຈາກນັ້ນ ນະຄອນກໍ່ສາມາດສ້າງລະບົບນິເວດຮອບດ້ານເພື່ອຊຸກຍູ້ການເຕີບໂຕໃໝ່, ດຶງດູດການລົງທຶນ, ຍົກສູງຄວາມສາມາດແກ່ງແຍ້ງແຫ່ງຊາດ. ສູນດັ່ງກ່າວ ຈະກາຍເປັນບ່ອນທີ່ໜ້າເຊື່ອຖື ແລະ ມີປະສິດທິຜົນ ເພື່ອຊຸກຍູ້ການຮ່ວມມືລະຫວ່າງບັນດານັກຊ່ຽວຊານ, ນັກຄົ້ນຄ້ວາ ແລະ ປະຊາຄົມວິສາຫະກິດ ຫວຽດນາມ ແລະ ສາກົນ.
ທ່ານ Jeremy Jurgens, ຜູ້ອຳນວຍການບໍລິຫານເວທີປາໄສເສດຖະກິດໂລກ ໃຫ້ຮູ້ວ່າ ການສ້າງຕັ້ງສູນການປະຕິວັດອຸດສາຫະກຳຄັ້ງທີ 4 ແມ່ນຂີດໝາຍສຳຄັນໃນການພົວພັນຄູ່ຮ່ວມມືລະຫວ່າງເວທີປາໄສເສດຖະກິດໂລກ ແລະ ຫວຽດນາມ, ຜ່ານນັ້ນ ເວທີປາໄສກໍ່ສາມາດໜູນຊ່ວຍ ຫວຽດນາມ ບັນລຸໄດ້ຄວາມມຸ່ງຫວັງກ່ຽວກັບການປ່ຽນແປງໃໝ່, ການປະດິດສ້າງ ແລະ ການເຕີບໂຕ ໂດຍຜ່ານການເພີ່ມທະວີການຮ່ວມມືສາກົນ ແລະ ເຊື່ອມຕໍ່ກັບບັນດາຟ່າຍທີ່ກ່ຽວຂ້ອງ.
 |
ທ່ານປະທານຄະນະກຳມະການປະຊາຊົນນະຄອນ ໂຮ່ຈິມິນ ຟ່ານວັນໝາຍ ໄດ້ລົງນາມໃນສັນຍາຮ່ວມມືສ້າງຕັ້ງສູນການປະຕິວັດອຸດສາຫະກຳຄັ້ງທີ 4 (C4IR) |
C4IR ນະຄອນ ໂຮ່ຈິມິນ ຈະກາຍເປັນພື້ນຖານໜູນຊ່ວຍນະຄອນ ໂຮ່ຈິມິນ ເວົ້າສະເພາະ ແລະ ຫວຽດນາມ ເວົ້າລວມ ເຊິ່ງສາມາດກຳນົດ ແລະ ພັດທະນາບັນດາຍຸດທະສາດການປະຕິວັດອຸດສາຫະກຳຄັ້ງທີ 4 ທັງຢູ່ຂັ້ນທ້ອງຖິ່ນ ກັບຂອບຂະໜາດແຫ່ງຊາດ ແລະ ເໝາະສົມກັບຍຸດທະສາດພັດທະນາລວມຂອງປະເທດ ກໍຄືປະກອບສ່ວນເຂົ້າໃນວົງຈອນການພັດທະນາທົ່ວໂລກຂອງເຕັກໂນໂລຢີໃນປະຈຸບັນ. ນີ້ແມ່ນສູນທີ 2 ທີ່ໄດ້ຮັບການສ້າງຕັ້ງຢູ່ອາຊີຕາເວັນອອກສ່ຽງໃຕ້, ພາຍຫຼັງ C4IR ມາເລເຊຍ ໃນປີ 2023 ແລະ ສ້າງເປົ້າໝາຍກາຍເປັນເປັນສູນກາງວິຊາສະເພາະກ່ຽວກັບການຮ່ວມສ້າງນະໂຍບາຍ ແລະ ການທົດລອງບັນດາຂອບເຂດນະໂຍບາຍທີ່ມີຄຸນລັກສະນະສ້າງສາອະນາຄົດ, ສ້າງເງື່ອນໄຂໃຫ້ແກ່ການພັດທະນາ ແລະ ນຳໃຊ້ເຕັກໂນໂລຢີໃນພາກພື້ນ ແລະ ໃນທົ່ວໂລກ.
ສູນການປະຕິວັດອຸດສາຫະກຳທີຄັ້ງ 4 ແມ່ນພື້ນຖານການຮ່ວມມືລະຫວ່າງຫຼາຍຝ່າຍທີ່ກຽວຂ້ອງ, ເຊື່ອມຕໍ່ພາກສ່ວນລັດ ແລະ ເອກະຊົນເພື່ອຫັນເປັນຜົນປະໂຫຍດທີ່ເຕັກໂນໂລຢີນຳມາສູ່ສັງຄົມສູງສຸດ ພ້ອມກັນຫຼຸດຜ່ອນຄວາມສ່ຽງ, ປັບປຸງ ແລະ ຂຸກຍ້ການຜັນຂະຫຍາຍບັນດາເຕັກໂນໂລຢີທີ່ຫາກໍ່ເກີດຂຶ້ນໃໝ່ໄດ້ຢ່າງວ່ອງໄວ. ເວທີປາໄສເສດຖະກິດໂລກ ໄດ້ເປີດຕົວ C4IR ຄັ້ງທໍາອິດໃນ San Francisco ໃນປີ 2017, ຫຼັງຈາກນັ້ນ ແມ່ນບັນດາ C4IRs ໃນ ຍີ່ປຸ່ນ ແລະ ອິນເດຍ…
ເຄືອຂ່າຍ C4IRs ໃນປະຈຸບັນປະກອບມີ: Austin (ສູນການພັດທະນາເຕັກໂນໂລຢີທີ່ຫນ້າເຊື່ອຖື), ອາແຊັກໄບຊານ, ບຣາຊິນ, ໂກໂລມບີ, Detroit (ສູນການຜະລິດທີ່ກ້າວໜ້າ ອາເມລິກາ), ເຢຍລະມັນ (ສູນເຕັກໂນໂລຢີຂອງລັດຖະບານທົ່ວໂລກ), ອິດສະຣາແອນ, ກາຊັກສະຖານ, ມາເລເຊຍ, ນອກແວ (ສູນການພັດທະນາຂໍ້ມູນມະຫາສະໝຸດ), ຣູວັນດາ, ອາຣັບບີ ຊາອູດິດ, ແຊັກບີ, ອາຟຣິກາໃຕ້, Telangana, ຕວັກກີ ແລະ ສະຫະນະຄອນ ເອເມຣັດ ອາຮັບ.
ມິງດຶກ
