| ເວເນຊູເອລາ ເຄົບລົບນັບຖືມໍລະດົກຂອງປະທານ ໂຮ່ຈີມິນ | |
| ຄອບຄົວຫວຽດນາມ ກັບນັກສຶກສາລາວ ແລະນັກສຶກສາກຳປູເຈຍ ທີ່ພວມຮໍ່າຮຽນຢູ່ນະຄອນໂຮ່ຈີມິນ |
ເວທີປາໄສໄດ້ຈັດຂຶ້ນເພື່ອແນໃສ່ຍູ້ແຮງ ບັ້ນຂົນຂວາຍການຮ່ຳຮຽນ ແລະ ປະຕິບັດຕາມຄຸນສົມບັດ, ແບບແຜນ, ແນວຄິດສິນທຳ ໂຮ່ຈີມິນ, ຜັນຂະຫຍາຍມະຕິເລກທີ 41-NQ/TW ລົງວັນທີ 10 ຕຸລາ 2023 ຂອງກົມການເມືອງກ່ຽວກັບການກໍ່ສ້າງ ແລະ ເສີມຂະຫຍາຍບົດບາດຂອງຖັນແຖວນັກທຸລະກິດຫວຽດນາມ ໃນໄລຍະໃໝ່ ແລະ ປະກອບສ່ວນຊຸກຍູ້ວັດທະນະທຳທາງທຸລະກິດ ເພື່ອພັດທະນາປະເທດຊາດໃຫ້ຈະເລີນຮຸ່ງເຮືອງ ແລະ ມີຄວາມຜາສຸກ.
ເວທີປາໄສກໍ່ແມ່ນເຫດການເພື່ອແນໃສ່ສະເຫຼີມສະຫຼອງວັນຄ້າຍວັນເກີດປະທານ ໂຮ່ຈິມິນ ຄົບຮອບ 134 ປີ (19/5/1890 – 19/5/2024).
 |
ທ່ານປະທານ VCCI ຟ້າມເຕີນກົງ ກ່າວຄຳເຫັນເປີດກອງປະຊຸມ |
ປະທານ ຟ້າມເຕິນກົງ ປະທານ VCCI ກ່າວຄຳເຫັນທີ່ເວທີປາໄສວ່າ: ເມື່ອຍັງມີຊີວິດຢູ່, ປະທານ ໂຮ່ຈີມິນ ມີທັດສະນະ ແລະ ແນວຄິດໃນຫຼາຍຂົງເຂດ, ໃນນັ້ນ, ກ່ຽວກັບວັດທະນະທຳ ແລະ ເສດຖະກິດ, ເພິ່ນ ເຄີຍກ່າວໄວ້ວ່າ: ວັດທະນະທຳ, ສິລະປະກໍ່ຄືກັບບັນດາການເຄື່ອນໄຫວອື່ນໆ, ບໍ່ສາມາດເຮັດຢືນຢູ່ນອກຮອບ, ແຕ່ຕ້ອງຢູ່ໃນເສດຖະກິດ ແລະ ການເມືອງ". ໂດຍສະເພາະ ແມ່ນໃນວົງການອຸດສາຫະກຳ ແລະ ການຄ້າ, ເພິ່ນ ຢືນຢັນວ່າ: ວົງການອຸດສາຫະກຳ ແລະ ການຄ້າ ແມ່ນພາກສ່ວນໜຶ່ງຂອງກຸ່ມກ້ອນມະຫາສາມັກຄີທົ່ວປວງຊົນທັງຊາດ ແລະ ອຸດສາຫະກຳກູ້ຊາດ - ອົງການຈັດຕັ້ງຂອງວົງການນັກທຸລະກິດແມ່ນໜຶ່ງສະມາຊິກໃນລະບົບການເມືອງຂອງປະເທດ - ແມ່ນສະມາຊິກແນວໂຮມຫວຽດມິນ.
ເພິ່ນ ຍັງເນັ້ນໜັກວ່າ: ວົງການອຸດສາຫະກຳ ແລະ ການຄ້າຕ້ອງໄປຄຽງຄູ່ກັບປະເທດຊາດ ແລະ ພາລະກິດປະຕິວັດຂອງພັກ. ຕາມເພິ່ນແລ້ວ, ຖ້າຢາກກາຍເປັນນັກທຸລະກິດທີ່ດີ, ແມ່ນຕ້ອງສຶກສາຮ່ຳຮຽນຢ່າງບໍ່ຢຸດຢັ້ງ, ອົດທົນທຸ່ມເຫື່ອເທແຮງເຝິກຝົນ, ຫຼໍ່ຫຼອມຄຸນທາດການເມືອງ, ຄຸນທາດວິຊາຊີບ ແລະ ຈັນຍາບັນຂອງນັກທຸລະກິດ. ສະນັ້ນ, ຜູ້ປະກອບການຈໍາເປັນຕ້ອງມີຄຸນສົມບັດທີ່ພຽບພ້ອມ, ດຸໝັ່ນຂະຫຍັນພຽນ, ປະຢັດມັດທະຍັດ, ຊື່ກົງບໍລິສຸດ, ເຫັນແກ່ສ່ວນລວມ ບໍ່ເຫັນແກ່ສ່ວນຕົວ, ມີຄວາມຮູ້ທາງດ້ານວິຊາຊີບຢ່າງໜັກແໜ້ນ, ກຳແໜ້ນດ້ານກົດໝາຍ, ໃກ້ຊິດຕິດແທດຄວາມເປັນຈິງ, ມີຈິດໃຈທີ່ໝັ້ນຄົງ, ມີຄຸນທາດທີ່ອົງອາດກ້າແກ່ນ, ມີຈິດໃຈຜ່ອງໃສ, ສົມທົບລະຫວ່າງການເມືອງ ແລະ ວິທະຍາສາດ, ປະຕິບັດກົດໝາຍ, ເຂົ້າໃຈກົດໝາຍ, ພິເສດແມ່ນເອົາໃຈໃສ່ເຖິງວຽກຕ້ານການສໍ້ລາດບັງຫຼວງ, ຕ້ານການຟຸ່ມເຟືອຍ, ອາດຍາສິດໃຊ້ອໍານາດບາດໃຫ່ຍ...
ຫວ່າງມໍ່ໆມານີ້, ໃນວັນທີ 10 ຕຸລາ 2023, ກົມການເມືອງ ຊຸດທີ XIII ໄດ້ອອກມະຕິເລກທີ 41-NQ/TW, ກ່ຽວກັບການກໍ່ສ້າງ ແລະ ເສີມຂະຫຍາຍບົດບາດຂອງຖັນແຖວນັກທຸລະກິດຫວຽດນາມ ໃນໄລຍະໃໝ່, ໄດ້ຕັ້ງເປົ້າໝາຍໂດຍສັງເຂບຄື: “ພັດທະນາຖັນແຖວນັກທຸລະກິດເຕີບໃຫ່ຍແຂງແຮງໃນດ້ານປະລິມານ, ຄຸນນະພາບ, ໂຄງສ້າງທີ່ສົມເຫດສົມຜົນ, ມີວິໄສທັດ, ສະຕິປັນຍາ, ຈັນຍາບັນ, ນໍ້າໃຈເຮັດທຸລະກິດ, ສ້າງຮັ່ງຄູນມີດ້ວຍຄວາມຊອບທໍາ ແລະ ອອກເຮື່ອເທແຮງ, ມີຫົວຄິດປະດິດສ້າງ, ມີຄວາມສາມາດໃນການຄຸ້ມຄອງບໍລິຫານທີ່ກ້າວໜ້າ, ປະຕິບັດຕາມກົດໝາຍ, ຈັນຍາບັນ, ວັດທະນະທໍາທຸລະກິດທີ່ມີເອກະລັກສະເພາະຊາດ, ມີຄວາມຮັບຜິດຊອບຕໍ່ສັງຄົມ, ມີສະຕິປົກປັກຮັກສາສິ່ງແວດລ້ອມ, ປະກອບສ່ວນອັນເໝາະສົມເຂົ້າໃນເປົ້າໝາຍການພັດທະນາຂອງປະເທດ”. ນອກຈາກນີ້ ມະຕິຍັງໄດ້ກຳນົດ 7 ກຸ່ມໜ້າທີ່ແກ້ໄຂ, ໃນນັ້ນ ມີກຸ່ມວຽກງານຮັບຜິດຊອບແກ້ໄຂສະເພາະກ່ຽວກັບ “ການກໍ່ສ້າງຈັນຍາບັນ ແລະ ວັດທະນະທຳທຸລະກິດ, ເຊີດຊູນໍ້າໃຈຮັກຊາດ, ປຸກລະດົມຄວາມໄຝ່ຝັນຢາກພັດທະນາປະເທດຊາດໃຫ້ຈະເລີນຮຸ່ງເຮືອງ ແລະ ມີຄວາມຜາສຸກ”.
ທ່ານ ຟານຊວນທູ້ຍ, ຮອງຫົວໜ້າກົມໂຄສະນາອົບຮົມສູນກາງ ໄດ້ກ່າວວ່າ: ການສຶກສາ ແລະ ການປະຕິບັດຕາມແນວຄິດຂອງ ປະທານ ໂຮ່ຈີມິນ, ແຕ່ລະວິສາຫະກິດ ແລະ ນັກທຸລະກິດຈະມີຈິດໃຈເຄົາລົບກົດໝາຍ,ແບ່ງປັນກັບສັງຄົມ, ສ້າງຄຸນຄ່າທີ່ແທ້ຈິງໃຫ້ກັບສັງຄົມ. ນີ້ແມ່ນພື້ນຖານອັນໜັກແໜ້ນສໍາລັບບັນດາວິສາຫະກິດ ຫວຽດນາມ ພັດທະນາ ແລະ ເຊື່ອມໂຍງເຂົ້າກັບສາກົນ; ຖັນແຖວນັກທຸລະກິດຫວຽດນາມ ຈະສຳເລັດພາລະກິດອັນສະຫງ່າງາມແມ່ນກໍາລັງຫຼັກແຫຼ່ງນຳພາກອງທັບຫຼັກແມ່ນບັນດາວິສາຫະກິດໃນການບັນລຸເປົ້າ ໝາຍ ແລະ ຄວາມໄຝ່ຝັນໃນການພັດທະນາປະເທດຊາດ, ປະກອບສ່ວນກໍ່ສ້າງພື້ນຖານເສດຖະກິດເອກະລາດ, ເປັນເຈົ້າຕົນເອງ, ສີວິໄລ, ບັນລຸງຄວາມປາດຖະໜາຂອງລຸງໂຮ່ ຄຽງບ່າຄຽງໄຫຼ່ກັບບັນດາປະເທດມະຫາອຳນາດ 5 ທະວີບ.
ເວທີປາໄສແມ່ນໜຶ່ງໃນບັນດາການເຄື່ອນໄຫວສະເພາະເພື່ອແນໃສ່ຜັນຂະຫຍາຍໂຄງການເຄື່ອນໄຫວຂອງ VCCI ເພື່ອປະຕິບັດມະຕິ 41. ເພື່ອເປັນພື້ນຖານສໍາລັບການກໍ່ສ້າງຈັນຍາບັນຂອງນັກທຸລະກິດ, ວັດທະນະທຳທຸລະກິດ, ໂດຍສະເພາະຢ່າງຍິ່ງແມ່ນການຮ່ຳຮຽນເອົາຕາມແນວຄິດ ໂຮ່ຈີມິນ, ເວທີປາໄສໄດ້ສຸມປຶກສາຫາລື ແລະ ຊີ້ແຈ້ງບາງບັນຫາຢ່າງຊັດເຈນ.
ທີໜຶ່ງ, ທັດສະນະຕ່າງໆ ແລະ ແນວຄວາມຄິດຂອງເພິ່ນ ກ່ຽວກັບການກໍ່ສ້າງວັດທະນະທຳທາງທຸລະກິດ, ວັດທະນະທຳວິສາຫະກິດ, ວັດທະນະທຳນັກທຸລະກິດ; ແລະ ບົດບາດວັດທະນະທຳໃນການເຄື່ອນໄຫວເສດຖະກິດ ແລະ ການດຳເນີນທຸລະກິດຂອງວິສາຫະກິດ, ກໍ່ເຊັ່ນດຽວກັນກັບພາບພົດຂອງນັກທຸລະກິດ;
ທີສອງ, ທັດສະນະຕ່າງໆ ແລະ ແນວຄວາມຄິດຂອງເພິ່ນ ກ່ຽວກັບການກໍ່ສ້າງ ວົງການມອຸດສາຫະກຳ ແລະ ການຄ້າຂອງຫວຽດນາມ ໃນນັ້ນເນັ້ນໜັກເຖິງແນວຄິດ ແລະ ທັດສະນະກ່ຽວກັບການກໍ່ສ້າງຈັນຍາບັນນັກທຸລະກິດ, ຈັນຍາບັນວິສາຫະກິດຫວຽດນາມ; ແລະ ບົດບາດຂອງບັນຫາຈັນຍາບັນຕໍ່ກັບການເຄື່ອນໄຫວການຜະລິດ ຂອງວິສາຫະກິດ.
ThongMy
