| ຂົວມິດຕະພາບອີກແຫ່ງໜຶ່ງທີ່ຊາວ ຫວຽດນາມ ຢູ່ຕ່າງປະເທດ ໄດ້ມອບໃຫ້ພໍ່ແມ່ພີ່ນ້ອງຊາວ ເກີ່ນເທີ | |
| ຫວຽດນາມ ຍູ້ແຮງການເສີມຂະຫຍາຍແຫຼ່ງກຳລັງຂອງຊາວ ຫວຽດນາມ ຢູ່ຕ່າງປະເທດ ເພື່ອຮັບໃຊ້ການພັດທະນາປະເທດຊາດ |
ຕາມທ່ານ ຫງວຽນໂຮ່ຫາຍ ແລ້ວ, ການສຳເລັດແຜນຮ່າງ "ພື້ນທີ່ວັດທະນະທຳໂຮ່ຈິມິນ - ຈຸດພົບປະຊາວ ຫວຽດນາມ ຢູ່ຕ່າງປະເທດ” ຕ້ອງຕິດກັບການຈັດຕັ້ງບັນດາການເຄື່ອນໄຫວເຊື່ອມຕໍ່ຊາວຫວຽດນາມ ອາໄສຢູ່ຕ່າງປະເທດ, ສ້າງຈຸດພົບປະແລກປ່ຽນ, ແລກປ່ຽນການຮ່ວມມືໃຫ້ຊາວຫວຽດນາມ ອາໄສຢູ່ຕ່າງປະເທດ ແລະ ແນະນຳບັນດາໂຄງການຕ້ອງດຶງດູດການລົງທຶນຂອງນະຄອນ ໂຮ່ຈິມິນ, ການປຶກສາ, ແນະນຳຂັ້ນຕອນການບໍລິຫານໃຫ້ຊາວ ຫວຽດນາມ ຢູ່ຕ່າງປະເທດ...
ທ່ານ ຫາຍ ກໍສະເໜີໃຫ້ຄະນະກຳມະການສືບຕໍ່ສົມທົບກັບບັນດາພະແນກ, ຄະນະ, ກະຊວງ, ຂະແໜງການ ເປັນເສນາທິການຢ່າງຮີບດ່ວນ, ເພີ່ມເຕີມຕາມຊີ້ນຳຂອງນະຄອນ (ຖ້າມີ) ເພື່ອສຳເລັດແຜນຮ່າງ "ຊອບແວຂໍ້ມູນຊາວ ຫວຽດນາມ ຢູ່ຕ່າງປະເທດ” ແລະ ແຜນຮ່າງ “ນະໂຍບາຍດຶງດູດ ແລະ ເສີມຂະຫຍາຍແຫຼ່ງຊັບພະຍາກອນໃນບໍລິເວນນະຄອນໄລຍະ 2023 – 2030 ຢ່າງມີປະສິດທິຜົນ", ກໍໄດ້ຈັດຕັ້ງກອງປະຊຸມຜັນຂະຫຍາຍ 2 ແຜນຮ່າງນີ້ໃນບໍລິເວນນະຄອນ.
 | ||
|
ພ້ອມກັນນັ້ນ, ປະກອບຄຳເຫັນໃຫ້ນະຄອນ ໄດ້ຈັດຕັ້ງບັນດາການເຄື່ອນໄຫວຂອບຂະຫນາດທີ່ມີຂີດໝາຍການຕ່າງປະເທດຂອງນະຄອນ ໂຮ່ຈີມິນ ເພື່ອດຶງດູດແຫຼ່ງຊັບພະຍາກອນຂອງຊາວ ຫວຽດນາມ ຢູ່ຕ່າງປະເທດ, ແຫຼ່ງຊັບພະຍາກອນຂອງຊາວຕ່າງປະເທດ ສູງສຸດ
ເພີ່ມທະວີການເຊື່ອມຕໍ່ລະຫວ່າງນັກທຸລະກິດນະຄອນ ແລະ ນັກທຸລະກິດ ຫວຽດນາມ ຢູ່ຕ່າງປະເທດ; ສົ່ງເສີມຊາວ ຫວຽດນາມ ຢູ່ຕ່າງປະເທດແລກປ່ຽນ, ສະໜອງຂໍ້ມູນຂ່າວສານກ່ຽວກັບຄວາມຕ້ອງການຂອງທ້ອງຕະຫຼາດ, ລົດນິຍົມ, ລະບຽບການກ່ຽວກັບມາດຕະຖານຄຸນນະພາບຜະລິດຕະພັນ ຂອງທ້ອງຕະຫຼາດປະເທດປະຈຳຖິ່ນ, ເປັນຂົວຕໍ່ແນະນຳຜະລິດຕະພັນຂອງວິສາຫະກິດພາຍໃນປະເທດໄປຕ່າງປະເທດ; ລະດົມ, ຮຽກຮ້ອງຊາວ ຫວຽດນາມ ຢູ່ຕ່າງປະເທດລົງທຶນ, ຜະລິດດຳເນີນທຸລະກິດ, ແນະນຳບັນດາຜະລິດຕະພັນ ແລະ ເຄື່ອງໝາຍການຄ້າຂອງຊາວ ຫວຽດນາມ ຢູ່ຕ່າງປະເທດ ເພື່ອລົງທຶນຢູ່ພາຍໃນປະເທດ.
ກໍສ້າງເຄືອຂ່າຍເຊື່ອມຕໍ່ບັນດາວິສາຫະກິດພາຍໃນປະເທດ ແລະ ວິສາຫະກິດຊາວ ຫວຽດນາມ ຢູ່ຕ່າງປະເທດ ເພື່ອຊຸກຍູ້ເຜີຍແຜ່, ໂຄສະນາແນະນຳການຊົມໃຊ້ຜະລິດຕະພັນ ແລະ ພັດທະນາຊ່ອງທາງແຈກຢາຍສິນຄ້າ ຫວຽດນາມ ຢູ່ຕ່າງປະເທດ.
10 ໜ້າທີ່ຈຸດສຸມໃນປີ 2024
ທີ່ກອງປະຊຸມ, ທ່ານ ເຈີ່ນດຶກຮ໋ຽນ, ຮອງຜູ້ອຳນວຍການຄະນະກຳມະການຊາວ ຫວຽດນາມ ຢູ່ຕ່າງປະເທດນະຄອນ ໂຮ່ຈິມິນ ໃຫ້ຮູ້ວ່າ ປີ 2024, ຄະນະກຳມະການຈະສຸມໃສ່ປະຕິບັດ 10 ໜ້າທີ່ຈຸດສຸມ. ໃນນັ້ນ, ບັນດາຄະນະປະຕິບັດງານຢູ່ພາຍໃນ ແລະ ຕ່າງປະເທດ ໄດ້ຮັບການຈັດຕັ້ງຄື: ຄະນະສະແດງສິລະປະຮັບໃຊ້ຊາວ ຫວຽດນາມ ອາໄສຢູ່ຕ່າງປະເທດໃນໂອກາດບຸນເຕັດປີມະໂລງ 2024; ສົມທົບກັບການຊອກຫາການດຳລົງຊີວິດຂອງປະຊາຄົມຊາວ ຫວຽດນາມ ອາໄສຢູ່ຕ່າງປະເທດ. ຈັດຕັ້ງບັນດາຄະນະປະຕິບັດງານໄປຢ້ຽມຢາມ, ຮຽນຮູ້ກ່ຽວກັບການດຳລົງຊີວິດຂອງຊາວ ຫວຽດນາມ ອາໄສຢູ່ຕ່າງປະເທດ. ຄະນະ ໄດ້ໄປຢ້ຽມຢາມ, ມອບຂອງຂວັນ, ກວດພະຍາດ, ແຈກຢາຍຢາປົວພະຍາດໃຫ້ຊາວ ຫວຽດນາມ ອາໄສຢູ່ຕ່າງປະເທດ ແລະ ປະຊາຊົນທີ່ປະສົບກັບຄວາມຫຍຸ້ງຍາກຢູ່ລາຊະອານາຈັກ ກຳປູເຈຍ ແລະ ສປປ ລາວ. ຄະນະ ໄດ້ໄປຢ້ຽມຢາມພະນັກງານ, ນັກຮົບກອງທັບເຮືອ ເຂດ 5. ກໍໄດ້ຈັດຕັ້ງຄ້າຍພັກແລ້ງຊາວໜຸ່ມຊາວ ຫວຽດນາມ ອາໄສຢູ່ຕ່າງປະເທດ ແລະ ຮຸ່ນໜຸ່ມ; ຄະນະຜູ້ແທນຊາວຫວຽດນາມ ອາໄສຢູ່ຕ່າງປະເທດ ໄດ້ໄປຖະຫວາຍທູບທຽນວິຫານ ຮຸ່ງ ເນື່ອງໃນໂອກາດວັນສິ້ນຊີວິດຂອງກະສັດ ຮຸ່ງເວື່ອງ.
ເນື່ອງໃນໂອກາດນີ້, ຄະນະກຳມະການຊາວຫວຽດນາມ ອາໄສຢູ່ຕ່າງປະເທດນະຄອນ ໂຮ່ຈີມິນ ໄດ້ມອບໃບຍ້ອງຍໍໃຫ້ບັນດາບຸກຄົນ, ໝູ່ຄະນະທີ່ຕັ້ງໜ້າເຂົ້າຮ່ວມການປະຕິບັດງານຊາວ ຫວຽດນາມ ອາໄສຢູ່ຕ່າງປະເທດນະຄອນ ໂຮ່ຈີມິນ ປີ 2023.
ມິງດຶກ
