ກ່ອນທີ່ຈະໄດ້ຮັບເອກະສານຂອງສະຫະສະມາຄົມແກ່ນໝາກມ່ວງຫິມະພານ ຫວຽດນາມ (Vinacas) ທີ່ແຈ້ງໃຫ້ຮູ້ວ່າ ບາງວິສາຫະກິດປະສົບກັບຄວາມຫຍຸ້ງຍາກໃນການຊຳລະເມື່ອສົ່ງອອກແກ່ນໝາກມ່ວງຫິມະພານໄປ ອີຕາລີ ໃນວັນທີ 8 ມີນາ, ຫ້ອງການການຄ້າ ຫວຽດນາມ ປະຈຳ ອີຕາລີ ໄດ້ຮັບຄໍາຮ້ອງຂໍ ຄວາມຊ່ວຍເຫຼືອຈາກວິສາຫະກິດຈຳນວນໜຶ່ງ ແລະ ເປັນເຈົ້າການຕິດຕໍ່ກັບເຈົ້າຂອງກຳປັ່ນ ແລະ ບັນດາຄູ່ຮ່ວມມືອີຕາລີ ເພື່ອຢັ້ງຢືນຂໍ້ມູນ ແລະ ໜູນຊ່ວຍວິສາຫະກິດຫວຽດນາມ.
 |
| ສະຖານທູດຫວຽດນາມ ປະຈຳ ອີຕາລີ ໜູນຊ່ວຍແກ້ໄຂກໍລະນີຄອນເທນເນີບັນທຸກແກ່ນໝາກມ່ວງຫິມະພານ 100 ຕູ້ ເຊິ່ງສ່ຽງທີ່ຈະຖືກຫຼອກລວງ. ພາບ: TTXVN |
ພາຍຫຼັງໄດ້ຮັບຄຳຮຽກຮ້ອງໜູນຊ່ວຍຂອງບັນດາວິສາຫະກິດ ແລະ Vinacas, ຫ້ອງການການຄ້າ ຫວຽດນາມ ປະຈຳ ອີຕາລີ ໄດ້ແນະນໍາບັນດາ ວຽກຕ້ອງເຮັດ, ພ້ອມທັງຮຽກຮ້ອງບັນດາຫົວໜ່ວຍທີ່ກ່ຽວຂ້ອງຕິດຕໍ່ກັບສານເສດ ຖະກິດສາກົນ, ສູນກໍາມະການການຄ້າສາກົນ ຢູ່ຫວຽດນາມ ມີຄໍາເຫັນຕໍ່ບັນດາບໍລິສັດກໍາປັ່ນ ເພື່ອບໍ່ໃຫ້ເຂົາສົ່ງສິນຄ້າໃຫ້ຜູ້ຮັບສິນຄ້າທີ່ມີເອກະສານຕົ້ນສະບັບ ຢູ່ອີຕາລີ. ວັນທີ 8 ມີນາ, ຜູ້ຕາງໜ້າຫ້ອງການການຄ້າຫວຽດນາມ ປະຈຳ ອີຕາລີ ໄດ້ຕິດຕໍ່ ແລະ ໄປ ບໍລິສັດກໍາປັ່ນ COSCO ຢູ່ນະຄອນທ່າກຳປັ່ນ Genoa ທາງພາກຕາເວັນຕົກຂອງ ອີຕາລີ ໂດຍກົງ.
ບູນມີ
