 |
| ທ່ານເອກັອກຄະລັດຖະທູດ ຫວຽດນາມ ດັ້ງມິງຄອຍ (ພາບ: TTXVN ) |
ປະຕູຖານຂໍ້ມູນເອເລັກໂຕນິກທາງການຂອງນະຄອນ Moskva (ລັດເຊຍ) ວັນທີ 2 ມີນາ ໄດ້ປະກາດຕົວເລກສະຫຼຸບການແລກປ່ຽນການຄ້າລະຫວ່າງ Moskva ແລະ ຫວຽດນາມ ໃນປີ 2021.
ຕາມນັ້ນແລ້ວ, ວົງເງິນການສົ່ງອອກນຳເຂົ້າຂອງນະຄອນຫຼວງ ລັດເຊຍ ກັບບັນດາທ້ອງຖິ່ນ ຫວຽດນາມ ບັນລຸ 3,9 ຕື້ USD ບັນລຸລະດັບການເຕີບໂຕ 36% ເມື່ອທຽບໃສ່ປີ 2020.
ທ່ານ Vladimir Yefimov ຮອງຜູ້ວ່າການ Moskva ຮັບຜິດຊອບດ້ານເສດຖະກິດ ໃຫ້ຮູ້ວ່າ ບັນດາຜະລິດຕະພັນສົ່ງອອກປອດນິວເຄຼຍ, ປອດຊັບພະຍາກອນ ຂອງນະຄອນຫຼວງ Moskva ໄປຍັງ ຫວຽດນາມ ໄດ້ເພີ່ມຂຶ້ນທົບ 7 ເທົ່າເມື່ອທຽບໃສ່ກັບປີ 2020, ກວມເອົາ 97% ໃນໂຄງປະກອບບັນດາຜະລິດຕະພັນສົ່ງອອກທີສະໜອງໃຫ້ແກ່ຫວຽດນາມ
ທ່ານຮອງຜູ້ວ່າການ Moskva ກໍ່ຕີລາຄາວ່າ: ຫວຽດນາມ ແມ່ນໜຶ່ງໃນບັນດາຄູ່ຮ່ວມມືສຳຄັນຂອງລັດເຊຍ ໃນພາກພື້ນ ອາຊີ - ປາຊີຟິກ.
ກ່ອນໜ້ານັ້ນ, ສຳນັກຂ່ວສານ Interfax ໄດ້ລົງຂ່າວວ່າ ໃນການພົບປະກັບທ່ານເອກັອກຄະລັດຖະທູດ ຫວຽດນາມ ດັ້ງມິງຄອຍ, ທ່ານ Anton Kobyakov ທີ່ປຶກສາປະທານາທາບໍດີ ລັດເຊຍ ໄດ້ສະແດງຄວາມເຊື່ອໝັ້ນວ່າ ການຮ່ວມມືດ້ານເສດຖະກິດ, ການຄ້າ ແລະ ການລົງທຶນ ລະຫວ່າງສອງປະເທດ ຈະມີຄວາມສາມາດບົ່ມຊ້ອນໃນການເຕີບໂຕຫຼາຍຢ່າງ.
ບຸນຄົງ
