| ຫວຽດນາມ ຢັ້ງຢືນຫຼັກໝັ້ນສະເໝີຕົ້ນສະເໝີປາຍກ່ຽວກັບການແກ້ໄຂການຂັດແຍ້ງສາກົນໂດຍສັນຕິວິທີ | |
| ອົດສະຕາລີ ລົງທຶນໜູນຊ່ວຍວິສາຫະກິດ ຫວຽດນາມ ເລີ່ມຕົ້ນທຸລະກິດ |
 |
| ທ່ານເຢືອງມິງຮ່ວາງ ທູດການຄ້າ ຫວຽດນາມ ປະຈຳ ສະຫະພັນລັດເຊຍ (ພາບ: VOV) |
ຄວາມຫຍຸ້ງຍາກໃນການຊຳລະ, ຂາດລະບົບສະໜອງກໍ່ຜົນກະທົບຢ່າງແຮງຕໍ່ການຜະລິດ, ການບໍລິໂພກ, ການດຳລົງຊີວິດ… ແມ່ນບັນດາບັນຫາວິສາຫະກິດ ຫວຽດນາມ ກໍ່ຄືພໍ່ແມ່ປະຊາຊົນດຳເນີນທຸລະກິດຢູ່ລັດເຊຍພວມຕ້ອງປະເຊີນໜ້າ, ຍ້ອນບັນດາຄຳສັ່ງລົງໂທດຂອງ ອາເມລິກາ ແລະ ບັນດາປະເທດຕາເວັນຕົກສຳລັບເສດຖະກິດລັດເຊຍ. ການຊອກຫາມາດຕະການໜູນຊ່ວຍບັນດາວິສາຫະກິດ ແລະ ປະຊາຄົມຜ່ານຜ່າວິກິດການພວມໄດ້ວາງອອກຢ່າງຮີບດ່ວນ.
ຕອນບ່າຍວັນທີ 2 ມີນາ, ສະຖານທູດ ຫວຽດນາມ ປະຈຳ ສະຫະພັນລັດເຊຍ ໄດ້ຈັດຕັ້ງການພົບປະກັບຜູ້ຕາງໜ້າບັນດາວິສາຫະກິດໃຫຍ່ຂອງ ຫວຽດນາມ, ພໍ່ແມ່ປະຊາຊົນທີ່ພວມດຳເນີນທຸລະກິດ, ເຮັດວຽກຢູ່ລັດເຊຍ ເພື່ອຮັບຟັງກ່ຽວກັບບັນດາຄວາມຫຍຸ້ງຍາກທີ່ພວມຕ້ອງປະເຊີນໜ້າ.
ທ່ານນາງ ທິງທິຮົ່ງ, ສະມາຊິກຄະນະການນຳທະນາຄານຮ່ວມມືເສດຖະກິດສາກົນຊີ້ແຈ້ງວ່າ ໃນໄລຍະຈະມາເຖິງ ຫວຽດນາມ - ລັດເຊຍ ຈະພິຈາລະນານຳຄູ່ເງິນຕາ RUB – VND ຂຶ້ນຕະຫຼາດຫຼັກຊັບມົດສະກູ. ສ່ວນການຊຸກຍູ້ການທ່ອງທ່ຽວ, ຫວຽດນາມ ໄດ້ຮັບການເຫັນດີນຳໃຊ້ ບັດ MIR ເຊິ່ງນຳໃຊ້ເງິນ RUB ຢູ່ຕະຫຼາດຂອງຕົນ. ຢູ່ລັດເຊຍຄວນອອກຈຳໜ່າຍບັດທີ່ນຳໃຊ້ເງິນຕາຫວຽດໂດຍໄວ, ເພື່ອມີຄວາມສະດວກໃຫ້ແກ່ແຂກທ່ອງທ່ຽວ.
ເອື້ອຍຟ້າມເວິນແອັງ ຜູ້ຕາງໜ້າກຸ່ມພໍ່ແມ່ປະຊາຊົນດຳເນີນທຸລະກິດຢູ່ສູນການຄ້າ ມົດສະກູ ໃຫ້ຮູ້ວ່າ: ເງິນ RUB ຫຼຸດຄ່າເຮັດໃຫ້ການຊື້ຂາຍສິນຄ້າຖືກຢຸດສະຫງັກ. ດັ່ງນັ້ນ, ການນຳໃຊ້ແຫຼ່ງວັດສະດຸນຳເຂົ້າ, ແຫຼ່ງສະໜອງກໍ່ຈະຈຳກັດ, ວິສາຫະກິດຕັດຫຍິບບໍ່ມີວັດສະດຸຜະລິດ, ກໍ່ຜົນກະທົບຕໍ່ບັນດາຕະຫຼາດ.
ບຸນຄົງ
