| ຫວຽດນາມ ມີລະບົບຄຸ້ມຄອງການສຶກສາ IMS ທຳອິດ ໄດ້ຮັບການຮັບຮູ້ຈາກສາກົນ | |
| ພັກນິຍົມຮັກສາເດີມ ສະໜັບສະໜູນ ລັດຖະບານ ອັງກິດ ຊຸກຍູ້ການພົວພັນກັບ ຫວຽດນາມ |
 |
| ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ກ່າວຄຳເຫັນທີ່ກອງປະຊຸມ (ພາບ: TTXVN) |
ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໄດ້ສະແດງຄວາມຊົມເຊີຍຕໍ່ການໂອ້ລົມສົນທະນາໃນວັນທີ 28 ກຸມພາ ລະຫວ່າງຄະນະຜູ້ແທນ ຢູແກຼນ ແລະ ລັດເຊຍ ແລະ ຫວັງວ່າ ບັນດາຝ່າຍທີ່ກ່ຽວຂ້ອງຈະສືບຕໍ່ຮັກສາການເຈລະຈາ, ມຸ່ງໄປເຖິງມາດຕະການດັ່ງກ່າວ. ທ່ານເອກອັກຄະລັດຖະທູດ ເນັ້ນໜັກວ່າ ຄວນຮັບປະກັນຄວາມໝັ້ນຄົງ, ຄວາມປອດໄພຂອງປະຊາຊົນ, ປົກປ້ອງບັນດາພື້ນຖານໂຄງລ່າງທີ່ຈຳເປັນຕາມກົດໝາຍມະນຸດສະທຳສາກົນ ແລະ ສະເໜີປະຊາຄົມສາກົນຊຸກຍູ້ການໜູນຊ່ວຍດ້ານມະນຸດສະທຳໃຫ້ແກ່ສາມັນຊົນ.
ທ່ານເອກອັກຄະລັດຖະທູດ ສະເໜີໃຫ້ບັນດາຝ່າຍທີ່ກ່ຽວຂ້ອງຮັບປະກັນຄວາມໝັ້ນຄົງ, ຄວາມປອດໄພໃຫ້ແກ່ປະຊາຄົມຊາວຕ່າງປະເທດທີ່ພວມດຳລົງຊີວິດຢູ່ ຢູແກຼນ, ໃນນັ້ນມີປະຊາຄົມຊາວຫວຽດນາມ ແລະ ສ້າງເງື່ອນໄຂສະດວກໃຫ້ແກ່ການອົບພະຍົບບັນດາພົນລະເມືອງ ຫວຽດນາມ ໄປຍັງເຂດປອດໄພ.
ທ່ານເອກອັກຄະລັດຖະທູດຢັ້ງຢືນຫຼັກໝັ້ນຂອງ ຫວຽດນາມ ກ່ຽວກັບການແກ້ໄຂການຂັດແຍ້ງສາກົນໂດຍສັນຕິວິທີບົນພື້ນຖານເຄົາລົບກົດໝາຍສາກົນ, ກົດບັດ ສປຊ, ພິເສດແມ່ນຫຼັກຖານເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນຂອງປະເທດຊາດ, ບໍ່ແຊກແຊງເຂົ້າວຽກງານພາຍໃນ, ບໍ່ນຳໃຊ້ອາວຸດໃນການພົວພັນສາກົນ.
ບຸນຄົງ
