| ຄະນະປະຈຳສະພາແຫ່ງຊາດ ປະກອບຄຳເຫັນໃສ່ແຜນການສ້າງໂຄງປະກອບພື້ນຖານເສດຖະກິດຄືນໃໝ່ ໄລຍະ 2021 – 2025 | |
| ຊຸກຍູ້ການຮ່ວມມືລະຫວ່າງ ຫວຽດນາມ ແລະ ລັດເຊຍ ຢ່າງມີປະສິດທິຜົນ |
 |
| (ພາບປະກອບ: VGP) |
ທ່ານຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ ຟ້າມບິງມິນ ຫາກໍ່ເຊັນຂໍ້ຕົກລົງອະນຸມັດຜ່ານໂຄງການເປົ້າໝາຍແຫ່ງຊາດກໍ່ສ້າງຊົນນະບົດໃໝ່ໄລຍະ 2021 – 2025 ດ້ວຍເປົ້າໝາຍສັງລວມແມ່ນສືບຕໍ່ຜັນຂະຫຍາຍໂຄງການຕິດພັນກັບການສ້າງໂຄງປະກອບຂະແໜງກະສິກຳຄືນໃໝ່, ພັດທະນາເສດຖະກິດຊົນນະບົດຢ່າງມີປະສິດທິຜົນ, ຍືນຍົງ; ປະຕິບັດການສ້າງຊົນນະບົດໃໝ່ແບບຢ່າງ ແລະ ຊົນນະບົດໃໝ່ຂັ້ນບ້ານ. ພ້ອມກັນນັ້ນ, ຍົກສູງຊີວິດທາງດ້ານວັດຖຸ ແລະ ຈິດໃຈຂອງປະຊາຊົນຢູ່ເຂດຊົນນະບົດ, ຊຸກຍູ້ຄວາມສະເໝີພາບລະຫວ່າງ ຍິງ - ຊາຍ; ກໍ່ສ້າງພື້ນຖານໂຄງລ່າງເສດຖະກິດ - ສັງຄົມ ຊົນນະບົດຢ່າງຄົບຊຸດ ແລະ ທັນສະໄໝເທື່ອລະກ້າວ, ຮັບມືກັບການປ່ຽນແປງຂອງດິນຟ້າອາກາດ ແລະ ການພັດທະນາແບບຍືນຍົງ. ເປົ້າໝາຍລະອຽດແມ່ນຮອດປີ 2025, ທົ່ວປະເທດສູ້ຊົນຢ່າງໜ້ອຍສຸດມີ 80% ຈຳນວນຕາແສງບັນລຸມາດຕະຖານຊົນນະບົດໃໝ່; ລາຍຮັບສະເລ່ຍຕໍ່ຫົວຄົນຢູ່ເຂດຊົນນະບົດເພີ່ມຂຶ້ນຢ່າງໜ້ອຍສຸດແມ່ນ 1,5 ເທົ່າເມື່ອທຽບໃສ່ປີ 2020. ຄາດວ່າ, ໂຄງການດັ່ງກ່າວມີການລະດົມທຶນຈາກແຫຼ່ງກຳລັງທາງການເງິນທັງໝົດກວ່າ 2,45 ລ້ານຕື້ດົ່ງ.
vovworld.vn
