 |
| ທ່ານເອກອັກຄະລັດຖະທູດ ເຢືອງກວັກແທັງ ຢ້ຽມຢາມເຂດອຸດສາຫະກຳແຂວງ Tierra del Fuego. (ພາບ: baoquocte.vn) |
ທີ່ການຕ້ອນຮັບທ່ານເອກອັກຄະລັດຖະທູດ ເຢືອງກວັກແທັງ, ທ່ານ Gustavo Melella ຜູ້ວ່າການແຂວງ Tierra del Fuego ໃຫ້ຮູ້ວ່າ: Tierra del Fuego ມີຄວາມຫວັງຢາກຮ່ວມມືລົງທຶນ, ແບ່ງປັນບົດຮຽນປະສົບການພັດທະນາກັບບັນດາທ້ອງຖິ່ນ ຫວຽດນາມ, ເປັນຕົ້ນແມ່ນໃນບັນດາຂົງເຂດຂຸດຄົ້ນນ້ຳມັນອາຍແກັດ, ພັດທະນາການທ່ອງທ່ຽວ, ອະນຸລັກຮັກສາ, ຂຸດຄົ້ນບັນດາມໍລະດົກທຳມະຊາດ ແລະ ວັດທະນະທຳ. ແຂວງ Tierra del Fuego ຢາກແຮກສ່ຽວກັບທ້ອງຖິ່ນໜຶ່ງຂອງ ຫວຽດນາມ ທີ່ມີລັກສະນະຄ້າຍຄືກັນເພື່ອຮ່ວມມືຢ່າງລະອຽດ ແລະ ມີປະສິດທິຜົນ.
ຕາມທ່ານເອກອັກຄະລັດຖະທູດ ເຢືອງກວັກແທັງແລ້ວ, ປີ 2021 ວົງເງິນການຄ້າສອງຝ່າຍ ຫວຽດນາມ - ອັກຊິງຕິນ ສືບຕໍ່ເຕີບໂຕເປັນຢ່າງດີ, ບັນລຸລະດັບ 4,5 ຕື້ USD, ເພີ່ມຂຶ້ນ 700 ລ້ານ USD ເມື່ອທຽບໃສ່ໄລຍະດຽວກັນຂອງປີ 2020.
ທ່ານເອກອັກຄະລັດຖະທູດ ຢັ້ງຢືນວ່າ ທ່າແຮງຂອງ Tierra del Fuego ກໍ່ຄືບັນດາຂົງເຂດທີ່ຫວຽດນາມ ມີຄວາມສົນໃຈ ແລະ ປາດຖະໜາກຢາກເປີດກວ້າງການຮ່ວມມື, ໃນນັ້ນມີຂົງເຂດນ້ຳມັນອາຍແກັດ ແລະ ການທ່ອງທ່ຽວ. ທ່ານເອກອັກຄະລດຖະທູດ ຈະເຮັດວຽກກັບບັນດາແຂວງ, ນະຄອນ ຫວຽດນາມ ເພື່ອແນະນຳແຂວງໜຶ່ງກັບ Tierra del Fuego, ເພື່ອໃຫ້ສອງຝ່າຍແລກປ່ຽນ, ຕົກລົງກັນແຮກສ່ຽວ.
ບຸນຄົງ
