 |
| ພິທີລົງນາມ (ພາບ: VGP) |
ໂຄງການຮ່ວມມືພັດທະນາ ໂຮງງານອັດສະລິຍະ ຢູ່ ຫວຽດນາມ ລະຫວ່າງກຸ່ມ Samsung ຫວຽດນາມ ແລະ ກະຊວງອຸດສາຫະກຳການຄ້າ ມີເປົ້າໝາຍບຳລຸງສ້າງນັກຊ່ຽວຊານ ຫວຽດນາມ 100 ຄົນ ແລະ ໜູນຊ່ວຍໃຫ້ຄຳປຶກສາ, ປັບປຸງວິສາຫະກິດ 50 ແຫ່ງທີ່ນຳໃຊ້ໂຮງງານອັດສະລິຍະ ໃນ 2 ປີ (2022 - 2023) ເພື່ອແນໃສ່ຍົກສູງກຳລັງຄວາມສາມາດດ້ານວິຊາສະເພາະຂອງຖັນແຖວນັກຊ່ຽວຊານທີ່ປຶກສາພາຍໃນປະເທດ, ປັບປຸງກຳລັງຄວາມສາມາດໃນການເຄື່ອນໄຫວຜະລິດຕະພັນບົນພື້ນຖານເຕັກໂນໂລຢີຂໍ້ມູນຂ່າວສານຂອງວິສາຫະກິດ, ພິເສດແມ່ນຍົກສູງກຳລັງຄວາມສາມາດພ້ອມແລ້ວທີ່ຈະນຳໃຊ້ບັນດາເຕັກໂນໂລຢີ 4.0 ເຂົ້າໃນການເຄື່ອນໄຫວຜະລິດດຳເນີນທຸລະກິດ.
ໂຄງການຮ່ວມມືພັດທະນາໂຮງງານອັດສະລິຍະແມ່ນໂຄງການຫຼ້າສຸດນອນໃນບັນດາການເຄື່ອນໄຫວໃຫ້ຄຳປຶກສາໃນການປັບປຸງໃຫ້ແກ່ວິສາຫະກິດ ຫວຽດນາມ ແລະ ບຳລຸສ້າງນັກຊ່ຽວຊານຫວຽດນາມ ເພື່ອແນໃສ່ທະວີຄູນປະສິດທິຜົນ, ປັບປຸງກຳລັງແຮງສັງລວມ ແລະ ສືບຕໍ່ເພີ່ມທະວີບັນດາການເຄື່ອນໄຫວພັດທະນາອຸດສາຫະກຳໜູນຊ່ວຍໂດຍກະຊວງອຸດສາຫະກຳ ແລະ ການຄ້າສົມທົບກັບ Samsung ຜັນຂະຫຍາຍ.
ນັບແຕ່ປີ 2015, ກະຊວງອຸດສາຫະກຳ ແລະ Samsung ໄດ້ສົມທົບກັນເພື່ອຜັນຂະຫຍາຍໂຄງການໃຫ້ຄຳປຶກສາໃນການປັບປຸງ ເພື່ອແນໃສ່ຍົກສູງກຳລັງຄວາມສາມາດໃຫ້ແກ່ 379 ວິສາຫະກິດ ຫວຽດນາມ. ໃນໄລຍະ 2018 – 2021, ກະຊວງອຸດສາຫະກຳ ແລະ Samsung ໄດ້ບຳລຸງສ້າງ ນັກຊ່ຽວຊານ 406 ຄົນກ່ຽວກັບອຸດສາຫະກຳໜູນຊ່ວຍຢູ່ຫວຽດນາມ.
ສຳລັບວິສາຫະກິດປຸງແຕ່ງປະດິດສ້າງເວົ້າລວມ ແລະ ບັນດາວິສາຫະກິດອຸດສາຫະກຳໜູນຊ່ວຍເວົ້າສະເພາະ, ວິທີການໂຮງງານອັດສະລິຍະຊ່ວຍບັນດາວິສາຫະກິດໃນການປັບປຸງຂັ້ນຕອນການຜະລິດ, ເພີ່ມທະວີສະມັດຕະພາບ, ປັດຢັດຄ່າໃຊ້ຈ່າຍ, ນຳມາເຊິ່ງປະສິດທິຜົນສູງໃນການເຄື່ອນໄຫວຜະລິດດຳເນີນທຸລະກິດຂອງວິສາຫະກິດ.
ບຸນຄົງ
